حبيباتى سيدات ليبيا تفضلو لأعرف ما حالكم

[sosolibya]

ماقدرتش حتى نرقد ونرتاح بديت نفكر ونخمم شنو بندير غدوة إن شاء الله

[أثري في مدادي]

ششورت شعري

وبعد العصر

بتجيني المزينــــــــــــــــــــــــــــة

الحق
في حفلات ليست من الدرجة الأولى في القرابة
الغالب نمكيج بروووووووووووحي

لكن هذه المرة ،،، شكرولي هذي المزينة
وـني عمري ماشفت مكياجها
مانقدرش نخاطر بيها في
عرس بنت خوي ولا عرس سلفي
قلت
نجربها في عرس أحبابي
طلعت حلوة .......... اللهم بارك
ماطلعتش حلوة ........... بنشد تركينة وبنقعمز ~~~~~

وأكيـــــــــــــ حنطلع رائعة ــــــــــــــــــــــــد

~~~~~~~~~~~~~~~~~~~~~~~~~~~~~~~~~~~

دودي بنخليها مع الماما الله يحفظها ///// ومادام بنت أختي اللي معاها مازال ماتجوزتش
وأني ندلع ونحط عندها

ووليدي الغالي
بيجي """ زوزي """ وبياخده
الله يرعاهم أجمعيـــــــــــــــــــــــــــــــن

طبعا فرحانة بالعرس
** في الصالة المتنقلة قدام الحوش ............. ما نمشيش للصالات
** مافيشي معازف
** فيه ناس أعزاز وخاطري نهدرز عليهم
** ماشيين خواتي ونساوين خوتي ........ جو مليح
** مش بعيد علينا ...مافيش شياط ريق

وربي يسهل للجميع
جنودة وسوسو
شن أخبار أعراسكم ؟؟؟؟

[sosolibya]

سلمك ربى يا أثرى بس بجد زعلت وعالعوم حنتأكد غدوة لأن ممكن مش كلهم بيسافرو

طبعا هما سلفتين كبار وحدة منهم عندها كنة مواليد93 عندها توأم بنات
وكمان عندها بنت عاطيتها لولد عمها يعنى كنة السلفة ألأخرى

و السلفة ألأخرىعندها كنة ثانية غير بنت سلفها

وهذه يللى واخدة ولد عمها هى يللى راجلها صاحب راجلى مواليد73

وعندها 3 أولاد وبنت

وسلفتها عروس لما جت هنا وتوا حامل

ووووو والعزايز كل وحدة عندها عزارة ماشاء الله

وكلهم بيجو ماعدا ألأولاد

يعنى النسون والصغار

[أثري في مدادي]

إمممممممممممممم

سوسو

أحرف منــــــــــــــــــي شورك ؟؟؟؟

ردي بالك ترتاحي وتمدي رجليك !!!

أسمعي

ديريلهم أرز الشاورمااااااااااااااااا

مميز ولذيذ

ونوعين سلاطة

وطاجين جبن ............ لأنك بتقلي خضرا للرز

وسلامات

.............................................

ولا

ديريلهم طنجرة رشدة مبكبكة
وكان معندكش قديد

حطي لحيمات في عين الشمس
مايجي غدوة العصر نين تلقيهم يابسات

آآآآآآآآآآآآآآه

أمتى يبدى عندي برنامج ضيوف
معناها

ياراحة مع السلامة !!!!

[أثري في مدادي]

بالله

مسابقة وردة متاع الصحابيات والصحابة

توافق الساعة قداش عندنا ؟؟؟؟

الله يباااااااااااااااااااااااااااااااارك
زحمة يادنيا زحمة !!!!

ربي يعينــــــــــــــــــــــــك

[sosolibya]

ماشاء الله ربى يسعدك أثرى

شنو مابديتيش تصيمى ؟؟؟

بالنسبة للعرس إن شاء الله ألأسبوع هذا

وبصراحة لليوم مافيش حد مكيجنى غير يدياتى

بس عن قريب عند مناسبة كبيرة وخاطرى ندلع نفسى شوية...

توا نحكيلكم

[sosolibya]

هههههههههههههههههههههههههههههههههههههههههههه

تخيلى أثرى مدايرتلهم طنجرة مقطع
ههههههههه منظر وهما غاطسين يلحسو خخخخخخخخخخخخخخخخخخخخخخ


وبالنسبة للرز المرة الماضية لو تذكر درت رز بلاو مانقدرش ندير شبيه ليه وأصلا شنو هو رز الشاورما

[sosolibya]

الكمونية نفس ماديرى الكبدة العادية بس اديرى شوية لوسة وبعدين تعبيها بكمون الحوت

أنا مانحبهاش بس زوجى يمووووت فيها

يعشق أى حاجة فيها بهارات

[أثري في مدادي]

هههههههههههههههههههههههه

نحس فيه ماشي معاهم المقطع ................

مش حينسوا هالغطسة خخخخخخخخخخخخ

~~~~~~~~~~~~~~~~~~~~~~~~

صح
درتي رز
توا نقولك عليه ،،،،،،،،،،،،،،

معناها بتطلعي من الرز


أيه صمت خمس أيام ويوم الجمعة اللي فاتت مع أذان الظهر شرفت .................

مشيت نجري للمطبخ
وتيت طاسة مية مسقعة وقعمزت بيها في الجنان
أول ماسمعت زوزي خاش

قعدت نشرب فيها
وأني مستمتعة ............

فتح عيونه وقالي:::::: باهي حتى بتفطري تفطري قدام الناس في الجنان ؟؟؟؟

قتله يا غالي هذا شووال مش رمضاان

خبط علي جبهته ~~~~~~~~~~~~ نسي خخخخخخخخخ

يعني مازال
يوم ونكمل ديني
ومازال
ست شوال
ربي يقدرنااااااااااااااا

[sosolibya]

المسابقة أثرى قالو 8 بتوقيت السعودية زيدى أتأكدى