مواليد<<شهر ربيع الثاني♂ ♀ فبراير (1435,2014)

[ام احلى بنوتين]

الحمدلله على سلامتك امنيه والف الف الف مبرووووك البنوته والله يجعلها من مواليد السعادة والله فرحت لك من قلبي.

[امنيه 28]

الله يسلمكم جميعا ياحبيلكم
والله عارفه اللي عندكم لذلك بشرتكم وانا توي طالعه من غرفة الولاده

عجزت انام من المغص
حطو لي مع المغذي محلول اللي ينظف الرحم بصراحه ماله داعي المفروض يخلونه شوي شوي ينزل وبراحته قدامي ٤٠ يوم الله ييسرهن

جلست اصيح تو اقول فكو المغذي ذبحني المغص زي الطلق وتقول من صالحك
اذا وقفت تغرق الدنيا تحتي من الدم لكم الكرامه
مين كد جربته معقوله ابستمر كذا الدم ينزل قدام الناس


واقولها كم يوم كذا ينزل تقول بس اليوم

[امنيه 28]

المهم ابحكي لكم الاكشن واشغل نفسي شوي عن الالم والمغص
رحت موعدي الصباح وقالت المويه بالقوه تغطي البيبي تبين تولدين والا تنتظرين لان وزنها ٢،٥
جيت استخرت وفكرت وخفت ع بنتي وقلت ابدخل ولاده
قالت خليني اكشف من تحت*
وكشفت لقت ٣ سم وهذا من رحمة ربي وقالت الحمد لله بتحميلة وحده بتولدين بإذن الله بس بسوي لك تحريض
عاد لي سوابق مع التحريض ببنتي البكر وعارفته بس تحملت الالم عشان مااخذ طلق صناعي اكثر
سوينا اوراق التنويم وودعت بنتي وانا اصيييييح وهي ياقلبي ماتدري وش السالفه
وراح زوجي وبنتي وانا دخلوني غرف الولاده تقريبا الساعه ١١ ونصف
وعطوني حقنه شرجيه لكم الكرامه واخذوا تحاليل وركبو المغذي
وحطو تخطيط الطلق وراحو قلت زين ودي انام لو ربع ساعه بس مادريت الا داخله دكتوره باكستانيه نفسيتها مش ولابد وماعندها تفاهم الله يهديها وخشنه بالتعامل
كشفت مره ثانيه وحطت تحميله وانا اقولها ارحميني بس سبحان الله الناس يختلفون بالتعامل حسبي الله عليها
المهم بدأ مفعول التحميله ١ بس كان طلق بارد وانا ادعي وادعي واستغفر ربي وامسج بطني ع تحت عشان ينزل الراس
وتراي نفسيا امسجه ماحد قال لي خخخخخ
يوم جت ٢ونصف برد مررررره الطلق وفكيت التخطيط وقلت لها شيلي المغذي وعصبت عليهم وهم للامااااانه نفسياتهم عسل اقصد الممرضات
وسوت اللي قلت لها
وقمت امشي تقريبا نص ساعه وانا اعطي نفسي طاقه ايجابيه واقول انا قويه واذا جت الطلقه اوقف اتمسك بالجدار واتنفس بعمق وادعي لكن اللي دمر نفسيتي صراخ الحريم الله يهديهم
تخيلو عوازل واسمعها تصااااارخ
حتى الدكتوره تقول لاتصرخي ياماما تروح طاقتك اكتميها وادفعي وهي لاحياة لمن تنادي الله يهديها فجعتني
وجلست اصيح يوم سمعتها وبطلت حماس ومشي ورحت انسدح وفكرت اهج من المستشفى بكبره خخخخخخخ عادي هلوسات*
وبهالاثناء جتني طلقه قويه ونزلت موية البيبي وفعلا كانت مرررره قليله
وناديتهم وقالت ماراح نتعبك ونكشف الدكتوره بتجي اذا خلصت عيادتها واذا حسيتي بطلق قوي علمينا نكلمها
المهم حمى الطلق وانا لامسكن ولايحزنون*
سميتها ( ولادة بلاااا مسكنات )
لان ببكري من كثر التبنيج طالت مدة الولاده
المهم ٥ دخلت الدكتوره وانا واااااااصله يابنات*
بس مع الالم كنت اقول ربي ارحم ضعفي ويسر لي واقرأ الزلزله
وقاست قالت ١٠ سم ماشاء الله يله ادفعي انا اشوف الرأس طلقه وانتي والده وبسرعه عدلو السرير ورفعو رجولي وحطو مفرش ع صدري
وحمستني ياحبي لها*
قلت لها البواسير ابموت منها واصيح قالت خليها علي ان شاء الله احاول ماتطلع لك وحسيت فيها تدخل قطن بالفتحه وتدف بس ياكرهي لهن تهون الولاده عند ألمهن
المهم جتني طلقه قالت بوش خذي نفس ولاتطلعيه ادفعي بنفسك لتحت
وفعلا طلقه طلقتين تقريبا وطلعت بنوتتي ماشاء الله وع طول حطوها ع صدري وهي ماده بوزها شكلهامعصبه علي ليه اجيبها قبل تكمل التاسع خخخخخخ
شوي وجتني طلقه وطلعت المشيمه وبدت تخيط
*
ترا كل هالسيناريو بدون بنج
طلبت كمامه قبل الخياط قالو مانستعملها وعطوني بفخذي ابره بس شكل مفعولها مابدأ الا بعد الخياط خخخخخ
المهم ضفوا عفشهم ونظفو المكان وشكرت الدكتوره ع اسلوبها ولطفها
وجت الممرضه تقول بركب لك قسطره ورفضت وتخانقنا قالت اجل قومي للحمام*
قلت ازين يطلع البول لكم الكرامه من ربي مو تقعدين تحوسين بي*
مااااااطيقها القسطره
ورحت الحمام ودخت عليهم مرتين لاني مااكلت شي وعيو علي اتروش خخخخخ*
وطلعت لقيت زوجي ينتظرني يوم شفته بغيت اصفقه كف مدري وش دخله بس ردة فعل ههههاااااااي
وبعدين جلسوني ربع ساعه ونقلوني للتنويم
وحطو هالمحلول الزفت اللي للحين ماخلاني لاارتاح ولاانام

انطباعي عن ولادتي
*بصير صريحه معكم
البنج حلو بوقته يخفف الالم لكن يطول مدة الولاده لذلك مااخذته
**
الولاده الثانيه تصيرين عارفه اللي قدامك وبالعكس بقدر ماكنت متخوفه بقدر ماتحملت

والشي المهم يابنات*
عطو انفسكم طاقه ايجابيه ولاتصارخون توجعون روسكم وتطفشون الدكتوره والممرضات

واخر شي*
ادعو لي تكفون ربي يخفف عني البواسير عن جد والله لاتطاااااااق يارب ارحم ضعفي واشفيني منهن

[جريحة المحبه]

صبااااح الورد

امنيه

يما خوفتيني بالاكشن احس مغصني بطني هههه
سراحه بعذرك لو عصبتي ع زوجك هههه
يقولون فيه وحده طول الطلق تدعي ع زوجها تقول هو السبب ههههعع
حمدلله ع سلامتك اهم شي. انتي ونونتك
والباكستنيه ليه تعصب والله شين وقوه عين بخاص وتعصب شلون الحكومي اجل
والف مبرووك هااا عاد لاطلعتي من المستشفا مو تنسيننا
عيشي معنا اجواء الانتظار خخخخ

[جريحة المحبه]

صادقه امنيه الصراخ يجيب التعب ولايفيد بشي بس شتسوي الوحده
لاسمعت صراخ الحريم تتوتر
اذكر ببنتي انفجرن اذاني من سماع صراخ الحريم
واولهن انا اصارخ ههه بس عن جد يهد الحيل الصراخ
الله يشفيك حبيبتي من البواسير شفاء لايغادر سقما

[يغار الحلى]

كللللللللللللووووووووووووووش كلللللللللللللللللللوووووووووووش

الف الف مبرووووووووووك امنيه ي قلبي ماشاء الله تبارك الله

تتربى بعزكم .. شكلك سمعتيني يوم قلتلكم اولدو انتي و احساس و لا بولد قبلكم

يلااا احساس دوووورك هههههههههه انتي و ام روان خلوني بعدكم انا ههههههههه

جاني خووف مااطيق احد يدخل يده من تحت .. الحريم ماشاء ﺂﻟ̲ﻟ̲هہّ مدري كيف يولدوا خخخخخخخخ

[يغار الحلى]

هلا جريحه .. صاااحيه ماشاء الله.

دعووووواتكم ربي ييسرلي ولادتي واولد طبيعي ..

امنيه ربي يشافيك و يعافيك استخدمي كريم نيو هيلار روووووعه للبواسير انا مجربته ..

[ام احلى بنوتين]

الله يعينك يا امنيه ويخفف عنك والله عشت معاك اجواء لاكشن وانا اقرأ تحمست معك للولاده وعشت معك لحظه بالحظه وفي اخر القصه انتي قد ولدتي وافتكيتي وانا باقي الله يسهل علينا يارب جميعاً.انا وباقي البنات..
لا تنسين علمينا عن اسم البنوته.

[احساس طفوله]

صباح الخير كروشات

امنيه ياحياتي مأجوره ان شاءلله صراحه جاني مغص وانا اقرا الله يشفيك يارب من البواسير لكن سالفة تنظيف الي حطوه بالمحلول اول مره اعرف عنه ماحطوه لي ف بنتي بس اتوقع الدم تكرمون ماراح ينزل كذا كثير طول النفاس بس اليوم ولاتنسين تقولين لنا اسم البنوته ومري علينا مو تنسينا وتاخذك البنوته مننا

يغار خخخخخخ انا ماحولي ولاده الرحم مقفل بس الطلق البارد تعبني بكره عندي موعد ان شاءلله تقول لي فتح الرحم لو شوي

يالله بنات شدو حيلكم نبغى وحده ثانيه تولد ام روان روحي اكشفي يمكن يطلع الرحم مفتوح عندك

[ندووش]

صباح الخير

امنيه الله يشفيك من البواسير منتى ناقصه خياطيه و بواسير . بس الحمدلله انك ارتحتي من الولادة

قولي لنا اسم البنوته و شعور بنتك لم شافت اختها