دردشة بنات المدينه المنوره - تجمع حوامل بنات المدينه

[حلاً]

السلام عليكم كيفكم كروشات حابه أشارك معاكم بحملي السابق وتجربتي مع مستشفى الولادة والآن انا حامل اللهم لك الحمد

[مس شطحهـ]

همسات دافئة يعطيك العافية
طيب حبيت اسألك وين فصلتي ؟
وكيف اسعارهـآ؟

[مس شطحهـ]

حيآك ياحلا
حلآ اذ جآتك الولآدة ع طول تروحي لمستشفى الولادة ويدخلونك
ولآ لازم تسوي عندهم متابعة حمل من قبل ؟

[حلاً]

هلا فيك مس شطحه ياقلبو كنت بكريه ومو عارفه شي بس ابي أولد وارتاح حلمي جداً كان متعب عبى جسمي ماء تنفخت طبعا معلومه للكل انا ماكنت اعرفها فيه تحاميل مهبليه تحطيها تخرج الميه من الجسم دكتورتي الله يسامحها ليلى اللي في وفايه الطبي هي اللي كنت أراجع عندها بحملي الاول ماقالت لي عليها كان موعد ولادتي المقرر 27/6 تخرت ورايحه وجايه ع طوارى الولادة طبعا لما دخلت العاشر ما احس بنبضات الطفل قالوا تعالي يوميا نسوي لك تخطيط وكانوا يكشفوا من تحت بس مانفتح الرحم وتاريخ 3/6 نومونيً في قسم الحوامل لا احد يسال عن النفسيه والد معه ما تكف أخذت 3ايام لين جاء استشاري كان مع الدكتوراه كشفت قالت واحد سم ما يدخلوك المخاض الا لين يتفتح 4سم المهم قال خلاص حرام طولت نزلوها نزلوني 5العصر وحط لي أبره طلق لما جأت السعاه وحده في الليل توه انفتح 3سم وادوني أبره طلق ثانيه المووووت شفته لما جأت الساعة 3 انفتح 5سم ولما جأت 5الفجر 7 ونص سم بس ولدي اجهد ودخلوني العمليات وجبته بعمليه طبعا ما خلصت معاناتي اكملها وقت ثاني

[حلاً]

حبيبتي شطحه تحمست ونسيت أجاوب ع سؤالك لا مؤ لازم ملف ومراجعه تدخلي الطواري فيه برى كنترول تأخذ معلوماتك وتديك ورقه تسنى دورك عشان تدخلي ع الدكتوره تكشف عليك اذا عندك ولاده ولا لا وإذا ما عندك عادي ترجعي وتنسي في بيتك أصعب شي لما تقولك لسع ما عندك ودك تترجينها تولدت

[مس شطحهـ]

يعطيك العافية حلآ وان شاء الله كل شي بـأجرهـ
وربي يسهل ولادتك وولادة الجميع يارب

[همسات دافئه]

ام مناف روحي للمطبقاني مايحتاج تجيبي دكتوره من برا


المطبقاني خبره ممكن دكتورتك لا

وبالنهايه استخيري

بنات باسئل عن محلات توزيع الحلاوه للنفاس الي لونها وردي او سماوي بحركات فين موجوده

[حلاً]

خلوني اكمل قصتي ولدت الحمد لله وجبت ولد بس مره لما فقت من البنج تعبانه أخذت في المستشفى 4 ايام والعمليه مغطاه المهم لماجاء موعد الخروج جاء دكتور وفتحها وقال كويسه وعقموها وخرجني بدنيا وما فيها بس يا فرحه ما تمت خرجت الظهر ولما جاء الليل كنت متسطحه ع جنبي والعمليه تخرج منها مويه تقريبا كأنك كابه كأسه كبيره كامله بس الريحه شي ثاني عفن قالت أمي يله ع المستشفى صرت ابكي قلتلها ماني راجعه لهم ورجعت أتصطحت ونفس الشي نزل والعفن نفسه ورحت المستشفى طبعا الولادة وقاسوا حرارتي40 ع أني ماكنت حاسه ببرد ونادوا استشاري وصار يضغط بطني ويطلع منها صفار ويستغفر فجعني قال ذي ألعلميه التهبت لان الماء اللي في جسمك لقي له مكان يطلع منه طبعا لو مأخذ تحاميل ماكان كذا الحال بس الحمد لله وطلعوني قسم مابعد الولادة وتنومت كل يوم الصباح والليل فيه تنظيف طبعا في غرفه ثانيه المعاناة الكبيرة اللصق اللي ع بطني لما يجو ينزلونها يشدوها بقوه العمليه اليوم الثالث انفتحت كلها الجرثومه أكلت الخيوط تخيلوا يحطوا مطهر جواء بطني وقطع شاش وعسل ومره والله ياصراخي يشيل المستشفى أمي سالت الممرضة كيف بطنها قالت بنتك شحمه ولحمها كله برء استمرت ع ذا الحال 18 يوم بعدين سوا لي عمليه بس مؤ بالليزر خياطه غرز وبقيت 3ايام وبعدين خرجت وسلامتكم كل وحده تنتبه لحتباسات الماء في جسمها ولا تقول عادي كل الحوامل يصير كذا معاهم تهتم بحالها والله يعافيكم جميعا وتقوموا بالسلامه يا أحلى كروشات

[مس شطحهـ]

حلآ خوفتيني :(

[ام ميدووو]

حلا تعزيب مو ولاده يالله اجر وعافيه
الله يعين من جد الولاده سهاله
الله يدينا الساعه الطيبه