تجمع نفوسااات ذو القعده

[ام علاوي99]

اهلين سنيوره
لبى قلبك اشكوى الى الله ودي انه ياخذ من صدري بس كل اعيالي كذا
وان شاء الله بصبغ شعري بني غامق عشان
وبروح لبيتي ان الله عطانا حيات
الله يعينك ا

[wounded feelings]

شدعوه يا بنات ولا احد يرد علي لين اسأل
خلاص عيل انا مالي مكان بينكم
والله حزت بخاطري الله يسامحكم

[عشيري2000]

تعالي وندد وش دعوه لاتزعلين غلاتي تلرى ماشفنا سوالك والتمسي لنا العذر تلرى معد ندخل

زي اول كثير على العموم ولا يهمك بروح ادور سوالك واجاوبك بس اهم شيء الزعل ممنوع

[عشيري2000]

ام علاوي انا بروح لبيتي 4 العيد ان شاء الله ويصير باقي لي 8 ايام واتم النفاس وماراح اروح

لاحد ولا اطلع الا لمى اخلص النفاس وقررت اروح صابغه ومخلصه اموري من ناحيه الشكل

يعني صبغه /حلاوه / لبس الاااااااااااا شيء واحد ممنووووووع اللي خبري خبركم مافيه الا بعد

اسبوعين يعني بعد تمامي ب14يوم عشان اكون مستعده نفسيا صراحه احس المكان لسى يبيله

وقت حتى جرحى الى الان يعورني ماادري ليه

ام علاوي بتصبغين في البيت والا في مشغل لاني ودي ببني شوكولاته واخاف اصبغه في البيت

يطلع شعري لونين لان فيني صبغه قديمه نازله

[عشيري2000]

بنات شلون تتجهزون لبعد النفاس علموني انا بكريه
انا قريت بأكثر من منتدى ان الوحده تتسوق وملابس جديده واحذيه ومكياج وعفسه يعني الوحده ترجع كأنها عروس مادري احس شي مبالغ فيه لان اصلا ماحطيت ميزانيه لسوق يعني قلت بصبغ شعري وبستشوره واهتمام بالجسم قد ما اقدر لانه مقرف وماراح يتعدل الا بعد فتره لان كل شي ممنوع للبطن اذا قيصريه بس بحاول باللي اقدر عليه حاليا ابي اعرف شلون البس واتعدل يعني اشتري لي كم فستان ناعمين واذا جا ياخذني من بيت ابوي اكون لابسه وجاهزه ماعرف فهموني شلون الطريقه[/q

هلا وندد لقيت سوالك هههه

شوفي حبيبتي تفكيرك سليم المبالغه مو زينه واصلا اذا بالغتي بتضغطين نفسك

ماديا بس اشتري الضروريات واذا رحتي لبيتك كملي النواقص على شوي شوي

يعني الحين اشتري كم قطعه لبس على كم لبس نوم وذا عندك مكياج جديد مايحتاج

تشترين وخذي مجموعه جسم على عطرين كذا ناعمين واذا زوجك جاء ياخذك

خلك عرووووس لبس ومكياج وصبغه وريحه خليه ينبهر بشوفك بعد الحمل

وتعب الحمل

يعني مثلا اقولك انا مفكره اذا زوجي ياخذني اسوي تسريحه ومكياج من باب التغيير

لاني في عيالي ماقد طلعت بهذي الطريقه مره استشورته ومره لففته وانتي لك

الاختيار وبدعي بطلعتك خليه يوم ماينسي وذا كنتي مصوره يوم زواجك شغليه

واذا عندك شريط زفتك شغليه بعد وحطي كيكه وعصير يعني سوي حركاااااات

اتمنى اني افدتك واي وحده عندها افكار تسدحها عشان تصير مرجع للنفوسات

ونستفيد من بعض

[جمره غضى]

نفوسات اليوم خلصت النفاس الاربعين يعني
وعقبالكم يارب

[عشيري2000]

ماشاء الله جموره حمدلله على السلامه يالله انبسطي وتعالي قولي لنا وشلون استعديتي للطلعه

[" قلب غيث "]

مساء الخير ...
أخباركم خواتي ،،



بنات عندي سؤال !!
انا لي 19 يوم والد وانشالله يوم الثلاثاء بنسوي السابع لولدي يكون لي 22 يوم والد
المهم ايش تنصحوني البس بالسابع لأن ودي البس فستان طويل مره ناعم الوانه دانتيل سكري مع ورد سماوي و كحلي وبالوسط شريطه وفيونكه مره ناعم بس أكتوفي و ظهري طالعه واخذت شال سكري ناعم وباستشور شعري واحط في فيونكه كبيره من ورى سكري
...
ايش رايكم بنات ؟

إيه انشالله بكره بالعيد يكون لي 20 يوم بالبس سكني جنز مع بلوزه صوف رصاصي وقبوع عنابي ومناكير عنابي وشراب عنابي لأني نفاس وبكون بالبيت ايش رايكم عادي ولا النفاس بس تقعد لابسه أرواب نفاس <<<< لاعت كبدي منها ..

ابي نصايحكم لا تبخلون علي ^^

[%ريحانة الدنيا%]

مبررروووك عليك جموووره وعقبالنا

قلب غيث صادقه والله كلنا لاعت كبودنا
مشاءالله اختياراتك روعه بس انا اشوف ماتتزبطين بزياده عند الحريم وخلي الكشخه الزايده لزوجك وحاولي تحصني نفسك والله يحفظك ان شاءالله

[عشيري2000]

كل عام وانتو بخير
من العايدين والفايزين