دردشة حوامل أهل الرياض - دردشة بنات الرياض - تجمع حوامل الرياض

[أمونه*]

العطوفه ..شلونك وحشتينا ..ووجودك يسعدنا ..خليتك آخر شي عشان الكلام كثير ...انا في ولادتي الأولى جاني شعور خوف واحس بوحشه
مااحب انام انا وولدي لوحدنا بالغرفه وكنت كل الليل ابكي ..زوجي الله يسعده اخذ إجازه وصار كل الوقت يشيل البيبي ويساعدني وش اسوي
وماخلاني صار ينام في نفس الغرفه معايه مع إن ولدي كان يبدأ صياح الساعه 9 ويخلص الساعه 4 الفجر كنت انا اشيل شويه وزوجي يشيل شويه ..هذا الإكتئاب يلي جاني
الحين اجاوبك من الكتاب يلي تكلم عن الموضوع

في نوعين من الإكتئاب الأول : كآبة الطفل هذا يستمر إما ساعات واكثر شي اسبوع سببه شعورك بالفرح والخوف عشان البيبي الجديد

الإكتئاب الثاني : اكتئاب بعد الولاده
يصيب 10% من الحريم يستمر من اسبوع إلى اشهر ...
اسبابه تغير المفاجئ للهرمون وانخفاضها ، والتغير بحجم الدم وتغير ضغت الدم وجهاز المناعه ..هذا يصير بجسمك
بس في عوامل ثانيه محيطه فيك (انا برأي هذه الأسباب هي يلي تلعب دور اكبر)

الالم يلي يجي الحرمه بعد الولاده ..او المضاعفات
الولاده الغير مرضيه بسبب(دكتوره او المستشفى)
الطفل يلي يلي يحتاج عنايه زياده مثلاً(يبكي كثير ، مايعرف يرضع )
الإنهاك بسبب عنايتك بغير البيبي (بأخوانه )
القلق (ليش البيبي يبكي يمكن تعبان وش اسوي) يعني التفكير الزايد
الضغوط المنزليه
نقص الدعم الإجتماعي (نصيحه لا تنتظري الناس ، تعاوني انت وزوجك وبس)

علامات الإكتئاب
التعب الشديد
فقدان الشعور بالفرح
الشعور بخدر عاطفي او مشاعرمكبوته
نقص الإهتمام بالنفس او بالطفل
الأرق الشديد
شعور قوي بالإخفاق او النقص
المزاج المتقلب جداً

طيب شلون نساعد نفسنا عشان نرتاح ويروح الإكتئاب
احصلي على اكبر قدر من الراحه (نامي لما ينام البيبي)
كلي الفواكه والخضار
سوي رياضه الخاصه بعد الولاده (هذه ممتازه وعن تجربه )
ابقي بإتصال مع الأقارب والأصدقاء (يعني خليكي معانا)
اعتني بنفسك ، غيري ملابسك ، اخرجي برحله قصيره (روحي
حديقه قريبه مع دله لزوجك وقشر عشانك وشويه تمر..تنفسي هواء جديد وغيري جوك شويه وبعدها ارجعي للبيت)

إن شاء الله مايجيك ولا يجي اي وحده فيكم الإكتئاب وتقومون بالسلامه ونسمع اخباركم الطيبه وانتم بخير(وانا معاكم) آميين

[رحيل الشوق]

آلسلآم عليكم ورحمة الله ..
يسعد لي مسآئكم ..
كيف حآلكم .. وش آخباركم .. ؟!
الله يهون عليكم .. ويتمم حملكم .. ويرزقكم بالذريه الصآلحه السليمه ..

آخوآتي أتمنى تفيدوني .. أول حمل لي ..
أبي مصتوسف .. في حي السويدي بالرياض .. فيه دكتوره كويس ..
أتمنى تفيدوني .. جزآكم الله خير الجزآء ..

آنتظر ردودكم ..

[أمونه*]

هلا رحيل الشوق ...بالسويدي تحديداً ماادري
بس ارجعي للصفحتين يلي قبل تلقين جوابي عن دكاتره ومستوصفات زينيين ..وشوفيهم يمكن يعجبك شي ..غير ذول مااعرف
ويتمملك الله على خير ياقلبي ...

[ام فهوود]

السلام عليكم كيفكم بنات
ام الاسمر الله يسعدك مثل ماأسعدتيني
اليوم ما تكلمت كلمتين على بعض بس يجي تلفزيون لحد
ماينام وانا طول اليوم لوحدي و لمن يجي قافله اخلاقه
وانا تعبت احس جاني اكتئاب بسببه ولا هذي اعراض الحمل؟؟؟؟؟
بسأل شعري صاير ناااااااااااشف ويتقطع بسهوله سويت حمام زيت مانفع
وش اسوي؟؟؟؟؟؟؟؟ ولا مرحله وتعدي؟؟؟؟؟؟؟

[ام ركوني]

ام الاسمر فديتك والله اعذريني كان النت مقطوع وتعبت شوي

ويوم رجعت شفت كادي ماصدقت لانها ماقصرت من دخلت المنتدى وهي ترحب فيني وتسأل عني وتجاوب ع اسألتي

وانتي عزيزه وغاليه ع العين والراس فديتك

ولايهونون الباقين الله يهون علينا جميعا"

[رحيل الشوق]

^
الله يجزآك خير يااارب يَ أم الأسمر ..

[رحيل الشوق]

طيب يآليت إذا فيه أحد يعرف في السويدي .. أو قريب منه يفيييدني ..
تككككفون ..


أم الأسمر .. طيب مآتعرف غير هذي المستوصفآت ..

[أمونه*]

ام ركوني ..تسلمين ياقلبي ويسلم راسك ..طمنينا شلون استعدادك للولاده
خلصتي كل طلبات البيبي ولا باقي ..هو حملك الأول ولا سبق وجربتي
شي اسمه ولاده ..الله يسهل عليك

رحيل الشوق .. لا والله إني مااعرف ...لأني زي ماتقولين جربت دكتورتي ولا عاد خليتها ..والباقي سمعت عنه سمع الحريم يلي اعرفهم ذكروهم لي ...ياريت اقدر افيدك ..الله يسهلك مستوصف ودكتوره زينه
إن شاء الله ..الحين البنات يدخلون يمكن يعرفون

[الدلووعه]

السلام عليكم
يووووه يوووه وحشتنوووووووووووووووووووني يااادبين
خخخخخخخخخخ
شلوونكم كلكم بدوووووووووووووون استثنااء
اعذرووني انقطعت لاني رجعت بيتي من يوم الجمعه وماعندي نت بس ابشركم صلحناااه
وان شاء الله مااينقطع
اشوووف كدووووش هنااا لهاا كم مشااركه يااحبيلهااا ليتني صاادفتهاا اخطب بنتهااا
والله اني خطبت بنات خلق الله كلهم الله يرزقني عيااال وبنات وكل بنت تتمناااهم
كيفكم ياحلووات اعذرووني مااقريت كل المشاركاات الي فاتت بس بالصدفه شفت كدووش
على العمووم بحاوول اتاابع معكم باستمرار
لكن اعذروني اذا تأخرت ردووردي لاني في بيتي وقتي مخربط وعفسه ودايم لاهيه

[الدلووعه]

وياافديت ام السمر داايم متاابعه جعل ربي يحفظهاا ويسر اموووهااا
مثل ماهي ميسره على البناات ومتجااوبه معااهم