تجمع حبيباتي الكروشات اللي راح يولدون بشعبان

[نسمة بحر]

تسلمي سفونه ياااارب وان شاء الله تقومي بسلامه وربي يفرحك بشوفت البيبي وهو في حضنك ويرزقك بره هو واخوه ويسخرللك زوجك يارب بس الغريبه أنوا لسه ينزل افرز في دم صار لونه وردي

[زاوية في دائرة]

وأخيرا لقيت المقطع :-)

مابغيت أجي
‫لا ترفع من السجود وفي قلبك شيء‬‎ - YouTube

تفضلي سفونة وللكل مش بس سفونه <3

دعواتكم ليا بالولادة الميسرة عاجلا غير أجل :-)

[عشقي الاطفال]

بنات نفسيتي مرره معدوووووووومة

طوول الوقت ابكي قبل لا انام وانا نايمه اصحى ابكي وارجع انام ولما اصحى ابكي وانا بتحمم ابكي

وبس اتخااصم مع زوجي وعارفة انو غلطانة بس مدري ايشبي عليه

وكمان يمكن لانو اهلي سافرو لاني تعودت اروح عند ماما واتسلى مع ماما واخواتي

دحين محبوووووووووسة

ولما زوجي يقولي نخرج اكون متضايقه منو قبل واعرف حخرج مادة البوز وماحنبسط ومابغى انكد عليه

واتحجج اني تعباانه وماتحمل الزحمة ودا الكلام

ولا انا من جد خلااااااااااص تعبت من الوحدة زوجي يانايم يابدوامو ياامتضااربة معاه يايخرج مع اصحابو

بحيااتي ماكونت كدا ومشكلتي لما اتخاصم معاه وازعلو وانكد عليه واعرف انو بيراعي نفسيتي

اتندم بعدهاااااااا ندم

مو عارفة هدي حالة نفسيه تجي بالشهر التاسع ولا توتر ولا ايش بالضبط

دخلللللللللللت افضفض

ومعليش ماشوفت الردود اللي قبل ..

[خوخه بريه]

بنات شخباركم
كيف اعرف ان النونو نزل الحوض
والرحم فتح؟؟


ماانصح تشربوا محفزات
حتى تتاكدوا ان النونو نزل الحوض
حتى مايفتح الرحم
والنونو باقي فوق
ويضطروا لقيصريه

ربي معاكم

مااحس غير شد من تحت ونغزات
بس

ربي يسهل

[سفن بارد]

مراحب ياحلوات

نسمه بحر ياحبيبتي ربي يهونها عليك والله يسمع منك دعاويك تثلج الصدر اللهم امييييين
انت بماان الرحم فاتح 3سانتي فينفع تشربي خروع انا ابددددد ماانصح الا اذا كان الرحم فاتح انا لماشربته في حملي الاول كان الرحم فاتح 1سانتي لمده اسبوعين تخيلتي اذا انت تحسين انك داخلك براد فحطي شوي كمون مع مويه دافيه قد البياله وصبيه في فوطه صحيه والبسيها وهي دافيه هذه الطريقه ماشاء الله تسحب كل البراد والهواء اللي داخل فيك وبتحسين براحه عجيبه وراح تدعيلي الله يسهلها عليك ياااارب

زاويه في دائره ربي يسعدك على هالرابط ويسهلها عليك في وقتها يااارب

عشقي الاطفال طبيعي ياحبيبتي التعب والحاله النفسيه والاكتئاب اللي انت فيه والله انا مثلك واشد الله يشرح صدورنا انا اتوضى واروح اصلي ركعتين واجلس ابكي بكاء بدون سبب الله يرحمنا برحمته ولو اتروش وانا تحت الدش ابكي واشاهق واسمي على روحي كنت كذا بحملي الاول عشان كذا مااستغربت في هذا الحمل تراه طبيعي جدا الله يعظم اجرنا ويشرح صدورنا

خوخه حبيبتي ماتعرفين ان الجنين دخل الحوض والرحم فاتح الا من الدكتوره والكشف والمحفزات ابد ماتشرب الا اذا الرحم مفتوح عشان تستفيدين وتتسهل الولاده باذن الله

[نوره الأموره]

هههههههههههههههه كنق روحي صدق شكلي تحمست
اممم الله يكتب اللي فيه الخير ويهون علينا ويفرحنا بشوفة اجنتنا سواء انتي قبل او أنا

نقيه عيونك الحلوه دوم الضحكه يارب

[زاوية في دائرة]

بنااااااات باركولي وارقصوا وزغرطوا وكل شيء <3
كلووووووووووووووووش وأخيراً ^_^

الحمد والفضل والمنة لله وحده أولاً وأخيراً ~>> اللي بعدوا

طبعاً بعد دا كلوو تتوقعوا إني ولدت لكن لا باقي
بس نزلت علي إفرازات بيضاء أو شفافة كككتيرة
روحت المستشفى وكشفت عليا الدكتورة من تحت
يععع أكرهها .. صح مايعور أبد لكن مقزز >_<

المهم قالتلي .....
الرحم مفتوح عندك 1 سم :-)
~>> برااا

دحين قولت الصباح إن شاء الله بشرب زيت خروع
وأشوف متى أولد <3

أحد بينصحني بشيء هيك ولا هيك

[ام لبنى 666]

كيفكم صبايا
توي وصلت ابها الحين كنت بجده ليومين وجعت زوجي كان عنده شغله وقضيناها ورجعنها الحمحلله بالسلامه
بنات احنا مشينا بر طبعا دورنا حجز مالقينا وزوحخي مضطر يوصل بنفس الوقت والله شفت المون
والتعب تعبت ورجليني انتفخت عليه بقوه معد اقدرت امشي منها بس الحين مست جسمي وبطني
ورجليني وانتو بكرامه زيت ريتون ورفعتها فوق والحين متسطحه كاني بخير الله يكتب الاجر
ام حماده بشرينا عنك والله ادعيلك طول السفر
عشقي والله هذا شي طبيعي المهم لاطاوعين نفسك ابد حاولي بقدر ماعندك تتمالبكين نفسك
واعصابك لاجل الجنين ولتجل زوجك المسكين حاولي
والله انا احاول امسك نفسي مابكي عندي عيالي صغار ويبغالهم رعايه واهتمام ع الثقل والله مقدرت عليهم
احس اني احقد عليهم وكارهتهم ولما احد منهم يبكي ويناديني اصارخ عليه بس احاول اتمالك اعصابي
مابيهم يحسون بشي يحز بقلوبهم ويكرهون حملي والنونو
البقيه طمنونا عنكم

[سفن بارد]

ماشاء الله تبارك الله زاويه في دائره ربي يسهلها عليك اهم شي احرصي على نفسك من البراد والعطورات عشان ينفتح الرحم معك بسرعه ياحبيبتي والله يهونها عليك وتقومي بالسلامه وتحضني النونو يااااارب

ام لبنى ياحياتي انت الله يكون في عونك انا طفل واحد وتعبااانه معه ومع الحمل وانت ياقلبي كم واحد بعذرك والله الله يجعلها في ميزان حسناتك ويقومك بالسلامه ياااارب

[زاوية في دائرة]

أم لبنى الحمد لله ع السلامة ،، الله يعينك ياعسولآ

عشقي '،
ترى الحياة جميلة
لاتنكدي على نفسك حتى لو إيش ماصار .. ياحبيبتي مافي شيء فـ هـ الدنيا يستاهل دمعتنا غير أمي وأبوي وبس
وإذا ع الهم والنكد مافيه أحد مرتاح لكن زي ماقولت لسفونة صلي ركعتين تخرجي كل اللي بقلبك لاتخلين فيه شيء ..

إنبسطي وعيشي حياتك وإخرجي مع زوجك وإضحكي وكل شيء ~>> الرجال مايحبون الحرمة النكدية
أدري مو بيدك لكن حاولي إنك تنبسطي هذا أنا فـ التاسع ولا أبكي ولا غيرة يعني مو شرط إنو الوحدة فـ التاسع تقعد منككدة

الله يثلج صدرك ويوسعه ويفرحك وكل شيء :))


،'

سفونه طيب تتوقعين متى أولد يعني :-(
أخاف يستهبل الرحم وماينفتح إلا بعد إسبوعين ثلاثه :(
وتنصحيني أشرب خروع دحين ولا شوية كممان

وحبيت أسأل ولو إني مستحيه ~> فيس خجلان هعع
الجماع دحين عادي ولا لا ؟؟! أخاف النونو يجيه شيء لا سمح الله ؟!!

*_^