دردشة بنات فلسطين, دردشة حوامل فلسطين, تجمع بنات فلسطين

[بينك روز]

ام عزمي
على خير وسلامة ان شاء الله
بس انا مابرتاح الا لما انام على نص جنبي اليمين وظهري
بس بحكولي مش منيح مشان الحبل السوري

[بينك روز]

اه مزبوط كلامك ام عزمي
يارب عدي الايام على خير

[أم عزمي]

أنا جهزت شنطة الولادة انشاء الله عخير
و الله امبارح مسكت شنطة الولادة و تزكرت ولادتي بعزمي هي كتير كانت سهلة بسبب الوسع اللي عندي بعنق الرحم
يا رب ولادتي هذه تكون متلها بس تعيشلي حبوبتي يا رب بس بتعرفوا لما تزكرت الولادة والله عز عليا وجود عزمي و كنت راح أعيط و صرت أصبر بحالي و أقول خلاص كلها شهر و بتولدي و بالعافية لحتى نمت من كتر ما بفكر و كمان سرير هويدة حطيته جنبي بالغرفة جنب تختي على ناحيتي لهيك كل يوم بنام و بحلم بوجودها يا رب تجيبها بخير و سلامة الي و أفرح فيها

[بينك روز]

الله يجيبها بالسلامة يارب
وتقري عيونك بشوفتها يارب
لما تولدي ما تنسى تدعيلنا ام عزمي ماشي

[أم عزمي]

و لا يهمك من عيوني انتو علينا بدعوة
و الله لما كنت اطلق بعزمي دعيت للكل و ما نسيت حدا

[بينك روز]

حبيبتي تسلمي
بدي اسئلك بسير تنفيخ برجليكي واديكي

[أم عزمي]

حبيبتي بيصير بس مش كتير و لا واضح متل الحوامل
يعني مرت اخي كانت تتنفخ يا الله شو كان واضح كنت اضغط على رجلها باصبعي لحمها يدخل لجوة و يطلع هههههه
بس عشان تتفادي انه يصير معك زلال او تنفيخ كتري من شرب المية لانه اللي بيتنفخوا رجليها كتير و بصورة واضحة بيكون جسمها محتاج للمية و بسبب نقصها بيتنفخوا الرجلين و ممكن يؤدي للزلال و مش من مصلحتها و لا من مصلحة البيبي
حبيبتي انتي لا تخافي كتري من شرب المية و السوائل و لما تروحي على فحص العيادة دايما بيفحصوا الزلال و بيطمنوكي صح

[بينك روز]

صح كلامك ام عزمي انا اخر موعد الي بالعيادة عملولي تحاليل كاملة
وكل شي نظيف عندي مافي زلال ولا شي
بس التنفيخ هاد بحكولي من التقل

[أم عزمي]

حبيبتي أكيد التقل اله دوره في التنفيخ
بس انا عندي كتاب عن الحمل و الولادة و مكتوب فيه انه قلة شرب الماء بيسبب تنفيخ و زلال
لهيك انتي مش حتخسري شي لما تشربي ماء و عصير و لا شو مهو الحامل بتحتاج للماء بشكل أكتر من اللي مش حامل
و كمان الرجلين بيتنفخوا لأنه قلة الماء بالجسم بيخلي الماء يتجمع بالرجلين لهيك بيتنفخوا فهمتي عليا هيك انا قرات بالكتاب

[بينك روز]

اها
مزبوط كلامك ام عزمي
بس ما تنسي اني بشتغل وطول الوقت قاعدة على كرسي ورجلية على الارض
وهاد سبب من الاسباب لتنفيخ