تجمع اللي بيولدوا في شهر ربيع الثاني 1434

[حواء استثنائيه]

اهلينن هدوو
من طول الغيباات
وينك لك فقده خيتووو
انا بروح الخميس اتاكد من الجنس
عقباااالك يارب
الله يهون علينا ويقر عيوننا

[ρυяỉтч •]

اهلين حبيبتي ، والله انشغلت لما عيالي جو عندي وكذا
والحين رجعنا للغربه من جديد الله يصبرني بس
انا بالبدايه قالت احتمال ضعيف بنت لانه مقفل رجوله ، والاحد اللي طاف كان موعدي وحاط رجل على رجل خخخ
والله انقهرت يعني هو وقته يثقل رجوله !
بس صراحه مره الحركه خفانه وقليله تذكرني ف حملتي بولدي كان كذا هادي وقليل يتحرك عكس البنات
يارب اعرف الجنس قريب يارب :(

[نسمة المساء]

حواء تشكرات إن شاء الله بمر لسنتر بوينت وأوكايدي الأسابيع الجاي بلكي عرفت جنس البيبي الموعد الجاي بس بالنسبة للمخمل ما أتوقع آخد منه لأن أولادي ماخدين الأكزيما من أبوهم وبخاف المخمل يهيجها لهم .... مذركير كير مريته وعنده بروبتوزات محشية روعة بس الواحد ب مية وخمسين وفوق فأتوقع بس بخذ واحد للاستقبال لو ما لقيت شي خامته كويسة في مكان تاني لأني مقتنعة قبل الأربعين حرام أتري غالي ما ببان والبيبي بكبر بسرعة ويا دوب يلبسه .... تشكرات حبوبو ودعواتك

[أم جنى فديتها]

هلااا هدوووي اخيرا شرفتي..
نسمة المساء الله يعينك عندك 3 فيهم اكزيميا..والله انها متعبه ولازم اهتمام وعنايه
انا عندي ولدي الثاني في الاكزيميا بس كل ماكبر خفت عنه ولازم عنايه
الحين الحمد لله ماتجيه الا على خفيييييييف مره يعني صرت بس احط له كريم مرهم مكان اللي يصير فيه بقعه
اما قبل كنت قبل مااحممه احط زيت جونسون على راسه وبعد ماحممه ارش جسمه كله بماي بخاخ من الصيدليه قرشه وبعدها احط له مرهم ومادري ايش نسيت
هاذا غير انه بعض الاكل مايناسبه ولا بعض الملابس ولا الحر انه يعرق ويحتر ..اذكر كان يحب الموز والى الان يحب ياكله وهو مايناسبه مع اللرتقال ولما ياكله على طول وجهه يتنفخ
وخاصه البيض لايقربه كللش اذكر مره كسر بيضه من الثلاجه ولعب فيها واتنفخ وجهه واختفت ملامحه وعيونه تسكرت من الانتفاخ ههههههه الحمد لله عدت..
الله يعينك انشاء الله البيبي الجاي معافى ومافيه الاكزيميا ..وانا وياك

[4يو]

السلام عليكم كيف الحال حبايب قلبي كيفكم مع الحمل
انا انسدت نفسي عن التجهيز كل كم سنه ابيض بيج ازرق او سماوووي لعه كبدي الحمد لله على كل حال
نفسي في الوردي يارب يطلع غلط السونار واجيب بنوته يارب
عادتي اقضي لبيبي في الثامن واجهز كل شي
الحين سرير اخوه موجود بس اخذ له مرتبه ومفرش
والباقي البس وغيره في الثامن اشتريه

[ام جنى الامورة]

مساء الخير
وياهلا وغلا بهدى
كيفك يالغلا عساك مرتاحة وكيف اولادك
ويارب يجمعكم قريب

[أم جنى فديتها]

الله يرزقك البنووته يا 4يو..
أنا مثلك نفسي في بنووته والوان الوردي ..
الله كريم يرزقنا من رزقه..

[ρυяỉтч •]

اهلين بنااات ، تسلمون حبيباتي ماتقصرن
ايوه وكيفكم ..
احس مره بدري على التجهيز انا ب الثامن ببدا على خير يارب
عشان الايام تعدي وانا اشتري وامشي وكذا

[حواء استثنائيه]

مساكم خير
كيفكم زكيف النوم معكم انا عذاااب

[ام جنى الامورة]

هلا حواء
يسعد مساك
انواع العذاب بالنوم والكتمه يارب رحمتك غير الثقل
اليوم تفحصت نفسي حصلت السمار بكل مكان بجسمي ماتوقعت بيطلع بدري كذا