مواليد<<شهر ربيع الثاني♂ ♀ فبراير (1435,2014)

[جريحة المحبه]

صباح انتظار كل خير وفرج من ربي
لااله. الا انت سبحانك اني كنت من الظالمين
ربي اشرح لي صدري ويسر لي امري
يارب اكتب لنا الخير حيث كان وفرج لنا برحمتك
اللهم صلي على محمد

[لمسه هادئه]

صباح الخيرات ..
باذن الله الفرج قريب بس ادعوا واصبروا مابقئ شي ..
هلا بحرم الغالي .. انا مثلك حملي هذا من بدايته الين نهاينه وهو كله ثقل مو طبيعي مااقدر اتحرك مع اني صغنطوطه ..
لانها بنت .. بس بولدي ولا حسيت اني حامل اصلا .. سبحان الله .. اجر وعافيه ان شاء الله ..
هاتي بنك اضيفك ي حلوه .. يمكن البنات ماانتبهوا لكلامك عشان الاضافه ..

[قوووت القلوب]

فديتج والله احساس
تسلمي يالغالييييييييه

[ندووش]

صباح الخير

كيفكم

قوووت انتى مختفيه هنا و في البي بي

[ندووش]

تدرون بنات حللت دم و نسبه الحديد نزلت

مع انى اخذت ابر حديد قبل التحليل

الله المستعان مدرى وش منزله

و طلبت منى اسوى تحليل ثانى علشان نتاكد

[قلب حماده]

صباح الظهر
كيفكم كروشات
لسا ما ولدتو الله يسهلكم ويسهلنا
احساس ما بقيلك شي غير كم يوم وتخلصي شهرك
باي وقت يجيك الطلق ويغار كمان

تمارا
الله يعينك الضغط متعب يبغالك تراجعي كل اسبوع
الي سمعتو وقت الولاده اذا كان مرتفع وما نزل يولدك قيصري
انتي ادعي الله ووكلي امرك

[& ام روان &]

مساااااء الخيير جميعاا*
ومرحبااا بالكروشاات الجدد*


الله يبااارك فييكم جميعاا ماعليش تاخرت عليكم كنت بكتب لكم وانا بالمستشفى بس الشبكه سيئه عندهم*
والحين نبدا خخخخخخ*

يوم الاحد بالليل قبل ما انام تروشت وانا اتروش حسيت بشي زي الي انفك طالعت تحت قلت يمكن اشوف دم ولا مويه ماشفت شي قلت اجل بنتي رفستني كملت ترويش وطلعت انام توني منسدحه جاني مغص قووي ثواني وراح ونمت*


يوم الاثنين الظهر وانا اسوي الغدا واحوس بالمطبخ تعبت وجلست اعصر برتقال وانا اعصر حسيت شي ينزل مني رحت الحمام شفت افراز خفيف مع خيوط حمرا وسالت هنا بالتجمع *
حتى توقعت يتهيأ طنشت وطلعت اكمل الغدا بس قلبي ماكلني مو مرتاحه*
وساكته ماعلمت زوجي و مرر اليوم بسلام

يوم الثلاثاء من صحيت وانا كل ما ادخل الحمام اشوف الافرازات مع دم كل ما ادخل احس يوضح اكثر*
طبعا انا حاطه ببالي انها السداده واحس مقدر اقعد ع شسمه الاحم احم *شي كنه يضغط توقعته امساك يجي شوي ويروح*
قلت لاختي ع الواتس وقامت تقول هذا الراس روحي المستشفى لاتجيبينها بالبيت*
قلت لها مو صاير الا الي كاتبه ربي مابي استعجل واروح*
وعصبت علي وراحت تتصل ع امي تعلمها كلمتني امي وقالت روحي تطمني*
اذا ولاده بيمسكونك واذا مو ولاده بيرجعونك قلت طيب*
وقلت لزوجي ورحنا الطوارئ *سوو لي تخطيط فيه طلق خفيف وكشفوا علي قالت الدكتوره 2-3سانتي تنويم*
رحت الحمام بعد كشفها نزل دم كثير وقطع الله يكرمكم كان يبون يرجعوني للبيت*
بس قلت بيتي بعيد قالوا اجل تنويم*
وراسي كان مصدع وجوعانه جاب لي زوجي سندوتشات اكلت ونمت
الصبح جات استشاريه عندي قالت بنطلعك للبيت او نسوي لك تحريض بالطلق الصناعي*
قلت خلاص تحريض<< تبي الولاده وبس خخخخخخخخ*
المهم مالكم بالطويله احس كثرت كلام وانتوا تبون الزبده*

[& ام روان &]

الاربعااء يووووووووم الولاده*

جات دكتورتي قالت لي مش شايفه وجهك انك راح تولدي*
قلت طيب بطني وظهري يوجعني وقبل شوي حسيت بمويه نزلت مني مادري هي موية الجنين ولالا*
قالت بسوي فحص تتاكد موية الجنين قالت اذا طلع اسود يعني موية الجنين*
ودخلته وطلعته وطلع اسود قالت اه ولاده وكشفت ع الرحم قالت مفتوحه ٣ سانتي نزلوها لغرفة الولاده*
نزلوني وسوو تخطيط وانا اشوف التخطيط يوصل ل ١٠٠ بس ماحس بشي شسالفه*
المهم الساعه ٢ ركبوا الطلق الصناعي بالمغذي الساعه ٣ اظن كشفت قالت ٤ وفتحت موية الجنين*
على الساعه ٤ بدايحمى الطلق وامي واختي عندي خلاص احس الدنيااا حررر اقول لامي هفي علي وتهف امي بالورقه علي ..*جسمي يعررق بقوه حرر مع ان الغرفه كانت بارده*
جات الدكتوره قالت لامي واختي يطلعون خلاص ولاده
وااااه يوم طلعوا خذت راحتي قمت اتأوه بصوت مسمووع*
واقول للنيررس فييييه الم سيم سيم برااز راحت تنادي الدكتوره وجات تكشف تقول ان شاء الله مفتوح كله وكشفت لقته ١٠ قالت مبرووك وراحت تلبس وتتعقم وانا اقول يارب يارب هون علي يارب ساعدني واتاوه والنيرس قالت خلك ع جنب عشان الراس ينزل بسرعه *
*وكل ماشافت صوتي ينكتم ترفع رجلي وانا ادفع سويتها مرتين*
بعدين قالت اشوف الشعر انسدحي ع ظهرك وجات دكتورتي*
ويالله احس بشي يبي يطلع واكتم نفسي وادفع المره الاولى والثانيه الثالثه طلعت*
وحسيت بالدكتوره وهي تقص بس ماهمني ابي النونو تطلع وارتاح *ههههههه ويوم طلعت حطوها*
ع بطني كانت الساعه ٥ ونص واقول الحمدالله الحمدالله الحمدالله
*لا ووقت الطلق التفت ع التخطيط*
اشوف شلون صايرر اعوذ بالله صاير ١٠٠ ورا بعض الطلق وه بس< من الوجع مدري وش اسوي هههه*
المهم جات بتطلع المشيمه اقول للدكتوره فيه شي بيوجعني ولا خلاص ههههههههههه ابي استعد*
قالت لا خلاص وطلعتها وقمت اتنافض اقول بررد بررد غطتني النيرس بشرشف ثقيل*
وقامت الدكتوره بتخيط اقولها حطي لي مسكن ولا بنج عطوني ابره في الورك تقول معها منوم*
وابره من تحت وبدت تخيط وازعجتها اقولها دكتوره باقي كثير ولا خلصتي قالت باقي شوي*
وقالت لاتشدين وخلصت ونظفتني وجابوا بنتي حبيتها وطلعوها وروها زوجي وامي واختي*
ودخلت امي واختي قعدوا معي شوي بس احس مثل السكرانه ابي انام*
وبعدها طلعوا اهلي ودخل زوجي قعد شوي شافني تعبانه قال ارتاحي بروح*
ومن طلع وانا نايمه بس كل شوي اقوم مفزوعه احسب انه توني ماولدت*

وتوته توته خلصت الحتوته*
وبنتي سميتها ( لياان ) الله يحفظها وتطلع بالسلامه

[تمأإرآا]

مســااء الخـــير بنــــاات
رحت للمستوصف شفت الضغط قالت طبيعي وعادي لو ارتفع احيانا يكون فيه سبب ؤلا يرجع يرتفع
بس قالت للحذر ابعدي عن الموالح وانشــاء اللـه مايرتفع

يعني بنات لو مارتفع ما احتاج قيصري

الدكتوره تقول ماتحتاجي وتولدي طبيعي باذن اللـه


ويعطيكم العافيه حبايبي

[& ام روان &]

صحيت بعدين عشان اغير ملابسي ودخت عليهم ركبوا لي مغذي واكسجين وخلوني لين الساعه ١٢ وبعدين طلعوني لغرفة التنويم
كان فيه زي المخدر بكمام اسود تقول النيرس لاحسيتي بالم حطيه وانا اتالم حطيته واضغغغط فيه قالت النيرس لا مو كذا بعدين تدوخين تقول بس بختين لاتكثرين
جات بتمسكه تحطه لي قلت وخرررررريه مابيه ههههههههه ماعجبني تلعب علي مايسكن شي
المهم هاه لاتقولون خرعتكم قصتي ماتخوف هع