لله ما أعطى ولله ما أخذ.......أنا أجهضت

[كليجه]

حبيبتي أم عبدالله
انتي طلبتي نصايح وأنا حقولك بعضها أتمنى تفيدك مع إن التجربة هذي مريرة والوحدة تتعلم فيها أشياء ما كان يخطر على بالها إنها ممكن تمر عليها
المفروض إن من أول ما بدأت معاك الإفرازات البنية رحتي للمستشفى فورا وما أنتظرتي النزيف
وبعد الفحص لما طلع إن الرحم مسكر معناها فيه أمل كبير إن الحمل يثبت
والأهم من كذا أبغاك تتذكري الدكتورة إش قالت بالضبط
-توقف النبض ؟
-مافيه نبض ؟
بالنسبالك الكلمتين لها نفس المعنى لكن الدكتورة أدق في كلامها وأنا أأكد لك إنها قالت الجملة الثانية (مافيه نبض)
لأن إذا توقف النبض معناها إنه كان فيه نبض وتوقف.. أما كلمة ما فيه نبض يعني ممكن الجنين ينبض في الاسبوع السابع أو الثامن
وهذا الي يبرر تصرف الاستشاري هو ما غلط معك لأن حملك ما كان ميت .. حملك ما فيه نبض والمثبتات إجراء سلييييييم لأنها كانت ممكن توقفلك النزيف وتقلل التقلصات وترجع أمورك تسير طبيعي
وبعدين تحليل الحمل على قولك ما كان يحتاج مع أشعة الالتراساوند لأنها تبين كل شي بوضوح
وحكاية الكيس المتعرج المفروض ما كانت تقولك الدكتورة على شي ماهي متأكدة منه المفروض تتناقش مع الإستشاري وبعدين تقولك عشان ما توسوسين
الغلط الي صار معك إن المستشفى كان لازم يباشرون حالتك فورا بالأشعة والمثبتات بعدها على طول مو يتركونك لليوم الثاني
لكن الحمدلله على كل حال وما يجي من ربي خير
أتمنى كلامي يفيدك وما يزعلك
والله يعوضك بالحمل السليم المعافى بإذن الله
وأهتمي بنفسك هالفترة لاتتعرضي للهواء وأشربي أعشاب تنظفلك رحمك وبالنسبة للحمل أنا دكتورتي بعد الإجهاض قالتلي تقدري تحملي في أي وقت لأن ما فيه دراسة تبت إن الحمل بعد الإجهاض مضر والحمدلله ربي أكرمني بالحمل بعد شهرين ونص تقريبا أدعيلي إن ربي يثبته ويعافيه

[جنون بيبي]

الله يعوضك خير ياااارب