تجمع لافكار تحضير الضيوف في النفاس

[بنت طيبه]

انا بكريه وفي الرابع بس من الحين عارفه وش بسوي
ما ابي اتكلف واخلي اللي تجي تزغلل عيونها
سرير للبيبي وسرير لي يمكن اخذ مفرش نفاس ويمكن لا
قهوه وشاهي عادي بدون تلبيس ترمس ولا شيء
وشوكولاين مره شفت عنده تختاري نوع الشوكلت وتختاري الستكرس اللي يتلزق عليها وتكون عللى صينيه شكلها عادي و اقدمها للبزارين وللحريم وخلاص
وشو له التكلف

[برودالثلج]

يسعد مساكم ابشركم ولدت والحمدلله صحيح قيصريه بس الحمدلله علي كل حال أنا اللحين لي اسبوعين نفاس وجايين اهل زوجي وكل اقاربي بكرة مررره متردده من ناحية لبسي ماادري ايش نوع اللبس المشكله بيجون نااااااس اول مره يشوفوني يعني اكشخ ولا لا محتاااره والله بكريه ومبتلشه خخخخ

[مرونة]

يا أختي أدامك بكريه نصيحتي لك لا تتبهرجين كثير. .ترا البكر جربت التعب والولاده أول مره والمفروض ماتبين للناس أنها ماحست بشي..الناس والله ما يرحمون أنا أقول هالكلا من واقع تجربه. .البسي جلابيه أنيقه..وشبشب أنيق آذا كنت بتدخلين عليهم في مجلس أو شي.. لا تحطين مكياج ممكن تحطي غلوس بس..مشطي شعرك واربطيه أو أرفعيه بشباصه..كذا بيكون شكلك معقول جدا..وكيوت بعد..لكن آياك والبهرجه الزايده أعرف وحده بعد بكرها ما جابت أحد بسبب كذا..والله ما تسوى عليك هالدقبقه..وآذا طلعت من نفاسك يمديك على كل شي..خاصة الحموله ودك تبينين لهم أنك تعبتي لا يقولون وشذي اللي ماكنها حملت ولا ولدت أصح منا!!!!

[مرونة]

بالنسبه لتجهيزاتي ما أحب كثرة الخرابيط والتل والشرايط كأنها حفلة نجاح!!!لأ.. جهزت برواز للشكلااه مغلف بعبيها من جهينه أعجبني ذوقهم صراحه..واشتريت منهم موالح مغلفه قمه في الذوق عباره عن بف بالزعتر وبعضه بالجبن مكتوب عليه فطائر آيطاليه وشي فرنسيه وشرائح خبز محمصه بعدة نكهات شواءوشطه وكاتشاب وأخذت نصف كيلو من موالحهم ونصف كيلو من موالح درة الصالحيه الملونه غريبه وحلوه..عشان أعبيها في بواز مقسم وفخم عندي وميزتهاقابله للتخزين ماتحتاج ثلاجه. .جهزت سكر مغلف بحطه مع ملاعق التحريك برضوا في بنور فخم.وتبرواز تمريات كبير بأعطيه وحده تعبيه مع الصوص حقها وبخليه للضيوف طول فترة النفاس..بحطها على طاوله عندي بالمجلس وبس مع العلم إننا بالرياض غالب الضيوف يجيبون معاهم قهوتهم وضيافتهم للنفاس..والعصير آخر شي باشتري جوافه مانجو وفيز مثلج واعصره واقدمه لهم وخلاص:)...ودي أعرف أنزل صور عشان أوريكم..أحب الاأاني والتقديم الفخم أكثر من الديكورات الغريبه اللي يسوونها بعض الناس..!!!كلن وذوقه سبحان الله!!

[شوشـي]

ما شاء الله عليكم .. أنا ما احس حلوه اني اتمكيج في النفاس لكن شيء بسيط ممكن او ان افك هالشعر .. ههههههههههه والله تعبانة ..
اممم انا بكريـه ورحت انا وامي لسوق وشريت لي فستان نااااعم واحد بس لستقبال الضيوف
بعض الناس يحب الجلابيات آخر مرة رحت لحياة مول شفت جلابيه بـألف ريال !!! أعوذ بالله
وشريت لي جزمة كعب روكي مو عالي مره من ألدو..
أما بالنسبة لتقديم اتوقع صينيتين شوكولاتة وحده من باتشي و الثاني ما أدري للحين يمكن جهينة
و فيه صينية للمالح اكيد..
ودي اسوي توزيعات فيه كم فكرة تجي وتروح في بالي خخخخخخخ ما بعد رسيت على بر
وراح اقدم عصير مع حلا عصير مع ان ولادتي بالشتاء !! خخخخ تحسون العصير هنا غلط ؟

[Heart Purity]

ان شاء الل راجعه لكم بالافكار
بس احسن شي تسوين السنع والزين للحمولة وصديقاتك بس
اما لكل الناس مب حلو تعرفون الناس بعضهم عيونهم زايغه

[فيونكة فوشي]

والله يابنات نصصصصصصصصصيحة لوجة الله انتبهو من المبالغة وربي كان نفسي احد نصحني بهذا الشئ بس للاسف كل اللي حواليه يموتو بالفشخرة وربي للحين عندي اكتئاب وجدا اتعب بسبب نفاسي من اول يوم نفاس للان من سنتين وانا اعاني وياليت فيه شئ يفيد مع الناس الا بيخرجون يذمون فيك,,,
نصيحة خليكم بسيطين بكل شئ,,

[عيون حبيبي]

انا محتاره بكريه ومدري شسوي

[قلب ناضج]

أنا مع مرونه وبنت طيبه وكلاااامهم جدااا صح .. وانا قد كتبت هنا في تجهيزاتي للنفاااس ماراح ابااالغ ولااا اتفشخرر ليش احرق ع نفسي وانا بعد م طلعت من الاربعين ولا سويت الحفلة .. اذا حطيت توزيعات وهدايا للاطفال وجبت كل شي وش باخلي لبعدين .. ماراح اتكلف راح احط طاولتي العادية حقت غرفة الجلوس حلو مقاسها جدا ارتب عليهااا صينية تمر اكون مغلفتهاااا وطبعا باي شكل احبه مزينتها سمسم جوز هند حشوه لوز اي شي بسيط .. وصحن شوكولاته من ماركة طيبه ومعروفه وتغليفته نفس الوان البيبي وصحن واحد موالح .. ليش الزحمه الناس جايهه تتطمن علي وتبارك .. وعن نفسي ما راح اتكشخ ولا البس فستان لاناعم ولا غيره اللهم كحل فعيني عشان الهوا ما يدخلني واكون مرتبه نفسي بجلابيه ناعمه جدااا وهاديه اقل بعد من جلابيه .. واكون قاضبه سريري الناس م تعطي خير ..

[مرونة]

فيونكة فوشي عليك بقراءة سورة البقره قسميها على 3أيام أو حاولي تقريها يوميا وبآذن الله يزول..أنا جاني مثلك وعلى الله ثم عليها..