السلام عليكم ع الجميع
حبيت اني اشارككم تجربتي للحمل مع اني كتبت القصة في موضوع المباركة لما اكتشفت اني حامل
انا اشتركت بالمنتدى في شهر 10 (اكتوبر) ومن وقته ادخل على هذا القسم عشان اقرأ واستفيد من تجارب ومواضيع الأخوات ومن خلطات وعلاجات ..
وصارلي قاعدة بالقسم 7 شهور خبرتي كانت معدومة بالبداية واكتشفت اشياء واعشاب اول مرة كنت اسمع فيهم :)
ومن شهر 9 (سبتمبر) وانا احاول احمل بطريقة طبيعية وكل شهر تيجي الدورة واتحطم وبعدها اتفاءل مرة ثانية وابدأ من جديد ، تميت كذا لين عدا علينا 7 شهور كل شهر تنزل الدورة
قريت عن الايام التبويض وفهتمها ، واجتهدت فيهم كل شهر ، بس ماكو فايدة
قلت خلاص في عقم يا مني او من زوجي
زوجي للاسف ماكان يبي يسوي شيء، لا يروح يفحص ويتعالج ولا ياخذ اشياء طبيعية مثل العسل والحبة البركة ..
فـ اضطريت اني اجتهد بروحي ، و قررت اجرب الميرامية
جربتها شهرين ، الشهر الاول نزلت الدورة تحطمت يوم واليوم اللي بعده قررت اواصل
والحمدلله ربي كرمني بالحمل
:)
وهذا الشهر اللي حملت فيه يا بنات ماكان ببالي اني رح احمل ، كنت اشغل نفسي في اشياء ثانية عشان ما افكر بالحمل وكنت اشرب خلطة الميرامية مرتين باليوم مرة بالصباح ومرة بالمساء لين تعودت عليه وصار مشروبي المفضل :)
كنت اغلي الماي وبعدين اشيله من النار واضيف عليها ملعقة حبة بركة وقرنفل اللي على شكل مسامير والميرامية واشربها بعد 10 دقايق :)
والحمدلله رب العالمين جابت نتيجة
فـ انصحكم يا بنات بالميرامية
لانها وااااايد مفيدة ،،
تنزل هرمون الحليب + تنشط المبايض وتكبر البويضة
والحبة البركة لها فوايد كمان عظيمة
وايضا القرنفل قريت انه مفيد للرحم
تنشرب هالخلطة من 2 يوم للدورة لين 11 يوم للدورة
توقفيها من اول ايام التبويض
وما تستسلمي لو نزلت الدورة ، ابدئي من جديد الشهر اللي بعده لين يكرمك ربنا
واكيد ما تنسو التقرب لله والاستغفاااااااااار وقراءة سورة البقرة كل يوم
الله يرزقكم جميعا بالذرية الصالحة المعااافااااااااااة