دردشة بنات السودان

[(ملاذ الروح)]

هلا ام رهوف انا الان في السودان
يلا يابناااااات عايزين تفاااااااااعل

[متفائلة دائما]

و انا في جدة ايضا يا رهوف

[ماكسديل]

عزيزاتي الافاضل انا سودانية مقيمة بالجبيل اى المنطقة الشرقية ....ايه رايكم اي واحدة منكم في السودان ترسل لينا طين بحر ههههه......عشان بالرغم من اني فى الرابع الا ان الوحم مبهدلني ...ام دعاء

[(ملاذ الروح)]

هلا وغلا ام دعاء
عايزه طين بحر طواااااااااااااااالي تستاهليه كمان ماتقولي البحر علي بعد خطوات مننا

[ماكسديل]

مشكورة غالية

[(ملاذ الروح)]

الله يخليك انت من فين بالسودان

[ماكسديل]

انا اهلى في اركويت والاندلس زوجي من الباقير...كمان عايزة اسالك انتي في الوحم بتقرفي من الدلكة والدخان والحاجات الحريمي لان انا في حملى كل مرة نفس الشئ لحد ما اولد يعنى طبيعي لان اشوف الحريم ما شاء الله العكس يحبون الحاجات دى انا في الشهر الرابع بس لسه الوحم الحمدلله خف بس لسه فيني واول مرة يطول معاي انا دايما شهرين وانتهى من الوحم بالمناسبة اسمي نهى ومعلش لو كترت في الكلام مشكورة يا غالية

[ماكسديل]

اسمعي يا ستي الحكاية دى :
حكت لي إحدى صديقاتي عن معاناتها من الوحم عندما كانت خارج السودان فقد إشتهت أكل (طين البحر) حتى طلبت من أسرتها في السودان أن يرسلوا لها كمية منه وعندما قضت على وارد النيل من طين البحر، تلفتت تبحث عن خيارات بديلة فكانت تفرغ أكياس الكبكابية التي أرسلتها لها والدتها وتبحث فيه عن بقايا الطين الملتصقة بين الحبات .. وعندما نفذت منها الحيل إستدارت إلى (مبخر) من الفخار كانت قد أحضرته معها فصارت تأكل منه كل يوم (قرمة) وقبل أن تكتمل أيام الوحم كانت قد أتت عليه كله!!
منقولة لكن عجبتني شديد عشان قربت اكون زيها

[(ملاذ الروح)]

ههههههههههههههههههههههههههههههههههههههههه حلووووووه يانهي لو عايزه ارسل ليك البحر زاتو بس ماتصلي للدرجه دي
بالنسبه لي انا متزوجه لي سنه و3 شهور ولسه ماحملت عندي ارتفاع في هرمون الحليب وحاليا بتعالج منه ادعي لي ياعسل
بالمناسبه انا زاتي من مدني واهلي من ابوحراز اكيد بتعرفيها لانها علم علي راسه نار
وبموووووووووووووت في الدخان لانك بتكون قاعده مع زوجك واثقه من نفسك وريحتك والله اعلم لو اتوحمت علي اتوحم عليه

[om-rhoof]

ههههههههههههه
دي مبالغة يعني لو استمر الوحم شوية ممكن تاكل ليها جدار