التجمع المغربي الجديد لتجديد الامل و مرحبا بكم من كل بلد

[chamcham]

صباح لخير البنات كي صبحتو لاباس اش خباركم يالله سرسرو شويا بغينا نشااااااااااااااااااط

[احلى شيء الاموموة]

[chamcham]

و انتي بالف خير الزييييين و لله يدخلو عليك و على البنات و على الامة الاسلامية جمعاء

[chamcham]

السلااااااام عليكم
واااااااااااااااااا لبناااااااااااااااات فييييييينكم
ايااااااااااااات
وفاااااااااااااااء
ام جمال
طالبة
راني درتكم فمختفوووون باااانو خلاص توحشتكم

[marocchina 1988]

السلام عليكم بنات بلادي صراحة قلبي حسيته تعصر منين عيني شافت التجمع وقرات كلامكم الحلو وفرحانة منين راني لقيت بنات بلادي هنايا نونس غربتي بيكم الحمد لله يارب وحتى بنات الجزائر الشقيقة نعم الأخوات والله راحنا بلاد وحده والحمد لله
شمشم كانشكرك حبيبة على فتح التجمع لأن القديم مانعرف لاش ماعمري شفتو ههه يمكن كاتبقى عيني غير المواضيع تحت
وصراحة فلتات عليا ديك القصعة هههه الله يعطيك الصحة مادرتو أنا حتى للبارح وتجمعات العائلة الحمد لله
هاني جاية نسرسر عليكم هههه بسم الله نبداو
أنا بنت بلادك عيد ميلادي كان في شهر عشرة دخلت خمسة وعشرين سنة الله يكبرنا على طاعة الله
متزوجة من خمس سنوات
بالسنة الأولى كنت في المغرب وأنا من مراكش على فكرة
مهم من أربع سنين إلتحقت بزوجي حملت بالشهر السابع لكن توقف لله الحمد وما كتمل النبض قالوا ماكاينش بنض وحتى الجنين توقف نموه بقيت حتى للأسبوع العاشر وعملت تنضيف
دورتي منتظمة وكذالك الفحوصات وزوجي فحوصاته مزيانين الحمد لله جلست بعد التنضيف سنة ونصف رحنا للمغرب نفس الشي يقولو لينا وعملت في المغرب أشعة الصبغة طلبها منا الدكتور وسائل زوجي وعملنا التحاليل كلشي مزيان أنا الحمد لله الصبغة طلعات سليمة عندي ميلان لجهة اليمين والميلان قالو لينا بسيييط وقالوا ماعنده حتى علاقة وللأسف مارحتش لشي مسادة تمسد ليا ولا عملنا الحجامة جينا رجعنا عاد بدينا مع المستشفى هنايا فتحنا معاهم ملف وعطاونا نعملوا تحليل الجينات ليا وراجلي وعمل راجلي تحليل دي إين إي بعد شهر طلعت النتائج وكانت الحمد لله سليمة وجيناتنا سليمة
رحنا ليهم ودينا كل الفحوصات عاد قالوا إيوا دابا ماكاين حتى مانع يمنع الحمل ويلا بغيتوا نعملوا معاكم التلقيح ودابا راني عامين وانا كل خمس شهور ندير تلقيح ماينجح كايقولوا لينا نهائيا ماتجامعوش حتى تكمل خمس أيام بعد التلقيح وكنا نسمعوا منهم ولكن غير واحد الفرملية هي لي قالت لينا هاكا ولكن آخر مرة عملت فيها التلقيح الأخير كانت من شهرين تقريبا قلنا نعملوا الجماع في نفس يوم التلقيح قلت مع راسي يمكن لأنني كانعس عندهم غير ربع ساعة ماكافياش ومنين كانزل كانضرب طوالة حتى للسيارة وزيد ستة وعشرين كلم حتى للدار قلت يمكن داكشي لاش ماكاينجحش معانا خصوصا كل شي سليم عندنا
درنا الجماع هذيك الليلة وبعد منين جا موعد الدورة عندي نهار قبل عرفة هذا لي فات داز مني وسيخات وثقال عليا ضهري ونا نقول دابا غاتجيني بالوجع نضت بالحماقة ديالي خلطت وجلطت أرا ليك المساخن واش من عشوب قرنفل كمون حلبة حب رشاد حداكيت زعما قلت منين باتنزل عليا باش نيت الرحم يتنضف ساع واقيلا خرجت على راسي نهار لاخر نزلات الدم
ونزلات أشياء لما وريت الصور هنا بالمنتدى إتضح لي إجهاض وخالتي وخالت راجلي عندهم خبرة قالوا ليا يابنتي راه خسر ليك
كان هنايا يوم عرفة بإيطاليا والمهم لي عطا الله عطاه جلسات الدم كثيييرة ولونها روز ماشي بحال دم الدورة وبقات عشرة أيام أنصح كل وحده ماتشرب حتى حاجة واخا تشوف شوية الدم
ومبارح مفروض تنزل لكن يمكن اليوم غاتنزل كانحس باحساسها مابيت نشرب والو حتى نشوف

شمشم مابقاش هذا هي تسرسير أنا عاودت قصة حياتي كلها ههههه عارفة بنات بلادي كلهم آذان صاغية ودعواتكم وحيدة بالغربة ميمتي ماتت هذي عامين كانحس الدنيا فعيني صغيرة فهاذ الغربة وبعيدة على خواتاتي ولكن الحمد لله عندي هنايا نعم الأخوات وفي المنتديات الأخرى وزوجي مهون عليا

عاودت نص تسرسيري لي فات ولكن تسرسيري لي جاي مازال حتى للحلقة المقبلة ههه بإذن الله أحبكم في الله
كانتمنى مانكون ثقيلة عليكم

[chamcham]

ماروكينا اش غدي نقوليك اختي كلا مك اتر فيا بزااااااااااااف ياربي تكوني حاملة هاد شهر يااااااااااااااااااربي و تفرحينا و يكون هاد تجمع فال خير عليك و علينا
نتي واقيلا بنت 88 انا بنت تسعين تلات سنين و شي باراكا و انا مزوجة باقي معرفت سبب لحقيقي لتاخري فالحمل انا مزيودة فالعيون و جيت عند راجلي لدارلبيضا واليديا بقاو تما و حتى انا كنحس بالغربة فبلااااااادي و لكن لغربة برا لبلاد صعيييييييبة الله يكون ليك فالعوان
وشوفي ديريني بحاااااال ختك بيناتنا الله وقتما بغيتي تفضفضي و ضاقت بيك كتبي ليا فالتجمع ولا على الخاص انا رتاحييييت ليك و ربي شاهد و لهدرا ديالك حلوا بزاااااف غدي نديرها فخبيييييز و ناكلها ههههههه
و غير خلي ا ملك فالله كبييييير انشاء الله غدي تحملي فالقريييييب و بلا تلقيح بلا وااااالو

اوا الزين شحال مجيتي لمغرب

[chamcham]

[marocchina 1988]

صباح الخييييير وناسو
صباح الحليب فكاسو
صباح لعسل فتغماسو
صباح الشكلاط فطاسو
صباح الكركاع وتهراسو
وصباح الزين المغربي إِلَ فاقْ من نعاسو

[marocchina 1988]

حبيبة شمشم تشرفت بيك يالغزالة الله يفرحك ياربي وتكوني أحلى أم لأحلى بيبي

حبيبة خلي حتى نجي شي نهار ونقوليك راني حاملة وديك ساع أنا غانعمل تسرسيري لي عجبك وجاك حلو غانديرو بخبيز ونعمل عليه الكونفيتير ونعطيك تاكلي حتى تشبعي هههههههه أما كلامي دلبارح بلاش يالحبيبة ماتعمليه بخبيز أنا كايدير ليا لوجع خخخخخخخخخ الله يفرحك ياربي

oui أنا بالضبط كملت شهر من دخولي الخامسة والعشرين وكيف ماقلتي أنا بنت 88
وفعلا الغربة صعيييبة

أختي حتى هي مزوجة بكازا دابا تسع سنوات ومنين يالاه جابها راجلها حملات وجاها لوحم بالضيم وماولفاتش دغيا ووحم التوأم كايكون مضوبل شوي وولدات وليداتها وكل عام كانت تمشي ثلاث مرات راجلها الله يعمرها دار كايخليها بعدا
بالصيف وفعيد لكبير يمشي معاها حينت حتى هو دارهم بمراكش وكل مرة تجلس بمراكش شهر أما دابا حكمتها المدرسة إلى مشات خاصها ترجع وزادت بنيتة 3 سنوات
وهذه سنة الحياة وبالنسبة لي كانقول واخا نكون أنا في الشمال ودارنا في الجنوب أو العكس ماشي بحال بيناتنا البحور قاصحة شوي واخا خوتي هنايا لكن ماشي بحال خواتاتي وأمي كانت جات عندي مرة وحدة 2010 كنت حاملة
والعام 2011 لي بغات تجي ثاني مسكينة عندي وناوية تجي تعمل ليا دوا المسلمين جات فشبه غيبوبة بقات في المستشفى هنايا شهرين حتى دا مو الأمانة أمانتو وماكانتش نهائيا مريضة لكن ربي بغاها مشات بكامل صحتها الله يرحم جميع الأمهات ماكنتش نهائيا حاسة بالغربة لكن من موتها دابا عامين تأزمات نفسيتي بزااااااف وليت عصبية علا أقل حاجة الله المستعان وغير على راجلي مسكين جاب الله خاطرو واسعة
إيلا كان راجلك مزيان معاك راه غاتولفي واخا فين تكوني أنا كون مامزيانش معايا كون مانكلسش هاذ الأربع سنوات وراه ضروري كايبقا الشوق للبلاد لأنو ماكاينش بحال بلادك صراحة فالأعياد + صوت الآذان يعني بزاف دلحوايج كاتحسي بشوق ليها غير هذيك السلام عليكم من الجيران ديالك
هنايا ماكاين غير تشاو تشاو كيف المعيز ههههههههههه والله

سولتيني على المغرب والله راني من2011 مامشيت ومشيت مرة في شهر 1 ومرة أخرى في 6 موت أمي كانوا داو الصندوق من هنايا ومشيت نحضر وكانت أبشع مشية بالنسبة ليا ودابا راه عامين وخمس شهور مامشيت كانفكر يمكن نمشي باش نيت نشوف خواتاتي وأبي وجوج خوتي ذكور ومنها نعمل شي متابعة مع شي دكتورة مزيانة بمراكش أو كازا عند أختي حينت هاذ ختي كيف أمي كاتبكي عليا مسكينة باش تشوفني توحشاتني بزاف وكذلك أختي لي بمراكش إيوا نمشي نشوفهم حتى أنا توحشتهم بزاف

[marocchina 1988]

حتى نتي أحبيبة دخلتي قلبي والقلوب عند بعضها ولله الحمد

وقت لي حابة تفضفضي ولا تسوليني على شي حاجة هنا ولا في الخاص مرحبا ويمكن ليك تعاودي ليا مثلا على دورتك وووقت تبويضك ومن هذا القبيل حابة نساعدك ومن قلبي والله شاهد

ماعمركي درتي شي فحص على الرحم وراجلك مادارش تحليل السائل حينت هذه هي أول فحوصات كايديروها الزوجان منين كايفوتو سنة زواج أنا كان قال ليا الدكتور بمراكش تحليل الزوج مع أشعة الصبغة باش يشوفوا الأنابيب بعدا واش مفتوحين ولالا وتحليل الزوج يشوفوه كذلك واش مزيان

كانفكر ندير المنضار هو كايقولو حسن من أشعة الصبغة هو تشخيص وعلاج في نفس الوقت مثلا إيلا لقاو شي إلتصاقت بالرحم أو أبسط حاجة يمكن تمنع إنغراس البويضة الملقحة صراحة وليت كانفكر نعملوا وباقي ماواخذاش معلومات عليه مزيان يعني مثلا إينا وقت كايتعمل أو من هذا القبيل راجلي غدا غايسول الدكتور تاع الفيلاج يعطيه ورقة باش نعملو موعد ويلا كان الموعد بعييييد غانمشي للمغرب إن شاء الله