لاتحطم ,,, لوتحطم لك (أمل) أعرف أن الله (يحبك) وبتسم ::: تجمع المجهضات

[عايشه يوسف]

http://forum.hwaml.com/t280922.html
اللي عندها معلومه أو تجربه أن كان لها أو تعرف وأحده صار لها كذا ترد على موضوعي

عمر الحمل 6 أسابيع
شوفي من نزل علي دم رحت المستشفى على طول
جلست يمكن يومين النزيف مستمر معي بإالمستشفى
بعدها أنا كله منسدحه علئ ظهري ورافعه رجولي ووقف
انتظرت يشوفون كان الحمل نزل أو لا كنت متأمله أن يقولون
باقي موجود بس ارتاحي =(
بعدها جلس من غير دم مجرد بقع بنيه خفيفه بمسحة منديل
بعدين كشفوا علي قالوا معاك دم بسيط يمكن حتى ماتحتاجين عملية تنظيف بنجلسك بعد كم يوم عندنا وجلست ؤبعدها
عطوني مضاد مع ألمغذيأت وحبوب بني مادري شكله ينزل الدم آخر يوم بإالمستشفى من كتبوا لي خروج بدأ ينزل مني دم غزير وبطني وجعني حيئييل وظهري حسيت كني وأحده بتولد
واستمر كذا 8 أيام ووقف الحمد لله وكشف الدكتور بعد أسبوع قال نظيف الحمد لله

[عايشه يوسف]

المشاركة الأصلية كتبت بواسطة منتظره لحلم الأمومه

تسلميي حبيبتي الله يعوض على الجميع إن شاءالله

جلست بين حملي الأول والثاني تقريبا أربع شهور ويمكن زياده شوي
لأن الدكتور وصاني أن ما أحمل على طول وفي ناس قالو لي بعد 6 شهور
عشان يمدي الرحم والجسم يرتاح ويرجع كل شي طبيعي

أول إجهاض كانو بيعطوني طلق صناعي لأن الجنين توقف نبضه ونموه من شهر
تخيلي وأنا طول هالمده قاعده أتعلق فيه زياده ومو حاسه بشي بس إفرازات بنيه قبلها بيوم يومين
وقلت بنتظر للموعد وقبل ليلة الموعد نزل دم
قالو راح نعطيك طلق صناعي لأن لو ظل أكثر ممكن يصير لك تسمم ب
س انا خفت صراحه من الطلق شدعوه كلها 9 اسابيع وقلت بطلع على مسؤليتي

وماجات 2 الفجر يمكن إلا جاني ألم ودخلت الحمام وأنتو بكرامه
ولقيت الجنين بالفوطه أثنينهم طلعو وأخذتهم معاي ولين ماوصلت المستشفى هم طلعت قطعه

وأول ششي عطوني مغغدي ويوم فحصوني بالسونار قال ان فيه قطعه صغيره مجرد 1 سم
مايحتاج لتنظيف الحمدلله عطوني إبره مع المغدي وحبوب يمكن لمدة أسبوع

أما الثاني توقف الهرمون وعطوني مهله أسبوع عشان بشوفو لو نزل اوك ولكن للأسف الهرمون ظل زي ماهو مانقص فعطوني إبره كيماويه ( ميثاتروكسين )

ياعمري ؤالله اللـ? يعوضك يإرب أن شاء اللـ?
مو ذابح قلبنا إلا مشاعر الأمومه اللي فينا حتى وحنا بنات
كيف لما تحملين وتعيشين اللحظه ؤالله شي مايوصف
بإاالرغم أن لي 6 أسابيع كان إلا أني تعلقت فيه
كنت أمسح علئ بطني واكلمه أوقات واقراء الإذكار عليه
يوم علمني الدكتور أن خلاص الهرمون نزل وكشف للمره الثالثه علي قال خلاص بقايا أنسجه اللـ? يعوضككك وكتمت نفسي حيل أحس كنا كف جااني كلمة زوجي ؤانأ أتعتع بإالكلام وحماتي تكلمني مو قاااااادرهه خلاص أحس بصيح قفلت منهم
وماسكه نفسي حيل بعدين نزلت كم دمعه وسكت كانوا بيسون لي تنظيف خلوني أصوم من 2 الظهر لين تخيلوا 1 الليل عشأن حضرت الدكتوره مشغوله ؤانأ جالسه خايفه وحالتي حاله حتى أهلي جاءو لي وقت زياره ؤانأ أرجف ومو قادره أجلس محلي وهم يهدوني وأمي ضمتني تصيح =(
انتهت الزياره واجلس أصيح لحالي صياح قووووي
طلعت كل اللي فيني ؤانتظرهم ؤانتظرهم لين جأت 1 مفرؤض 8 تجي الدكتوره وتجي 1 وتكشف علي وتقول بسيط الدم جدا ورحمك مقفل أصلن يعني الدم مو راضي ينزل بعطيك مضاد وحبوب ينزل جلسي عندنا بعد كم يوم وان مانزل احتمال ننظف لك ؤالله فرحتتتتتت أقول لها أصلن أنا أبي الفكه من التنظيف وأمشي للغرفه واشكر ربي أن رحمني من التنظيف
وحالتي النفسيه كله مهمومه وصياح على اللي راح حتى بإالمستشفى مأاكل أكلهم نزلت 2 كيلو بإالمستشفى غير اللي بعد ماطلعت وللحين نفسيتي مسدوده =( أنا هجدت شوي بس زوجي حزين عليه للحين طولت عليكم بس حسيت أن الموضوع مناسب حق اللي بداخلي

[Um Ghala]

عمر الحمل كنت أخر الخامس بدخل السادس و الدم استمر اكثر عن 40 يوم بالرغم من التنظيف .. بس كان بين الخفيف و الغزير

الحمدلله على كل حال يارب احمد ربي في السراء و الضراء .. قضاء و قدر و اللهم لا اعتراض .. الله يأجرنا في مصيبتنا و يعوضنا يارب خير عن ما فقدنا ..

[ديسمبرية]

خلال ثلاث شهور
أنا وأختي وزوجة أخوي كلنا أجهضنا وكلنا عرايس هالسنة
الإجهاض صار موضة هالأيام ههههه الله يعوضنا يا رب

[منتظره لحلم الأمومه]

أنا في الثلاث إجهاضات كان حملي مايتجاوز التسع أسابيع
والدم كان يوقف خلال 10 أيام وأحيانا يستمر زياده يومين ويكون مجرد إفرازات بنيه

[منتظره لحلم الأمومه]

طيب ياحبوبات

أبي إستشارة بصراحه ماعرفت وين احط الموضوع بس قلت بستشيركم هنا بما أنه موضوع لتجمع المجهضات ..

أبي اسماء لدكاتره شطار في موضوع الإجهاض يعني بإختصار تنصحوني أراجع عند منو وبأي مستشفى من تجربتكم أو سمعتو عنه

أنا عارفه في قسم لـ عيادات الحمل بس أحس الحمل غير الإجهاض

و أنا من الشرقيه

شكرا مقدما ..

[نفوولي]

الله يعوضكم يارب ويعوضني خخير
انا أجهضت في محرم طبعا كان حمل كيس بدون جنين
وحالتي صعبه انا في ديره وأهلي في ديره الله يرزقني
واياكم الحمل السليم المعافى

[Jojo1410]

السلام عليكم
انا كمان اجهضت اربع مرات والحمدلله ع كل وان شاءالله ربي يعوض علينا ويفرح قلوبنا
انا لي سنتين متزوجه واول اجهاض لي كان ثالث شهر من زواجي تقريبا كمل الحمل شهرين وماراجعت ابدا ولا اهتميت للحمل ولا فرحت فيه بالعكس زعلت اول ماعرفت ومااهتميت بنفسي كنت اشتغل واخرج وعادي ويوم كنت نايمه ع الفجر صحاني الالم ورحت الحمام ورجعت وزاد الالم ودخت وطحت ومن بعدها بدا النزيف وجلست بالحمام وماقدرت اخرج وكنت بس ابكي من الام وكل مااشوف الدم استفرغ ع طول ونزلت قطع كبيييره ورحت المستشفى وقالو لازم تنظيف بس انا رفضت قلت اعطوني ابر اي شي بس تنظيف لا وفعلا اعطوني مغذيه وحبوب ورجعت البيت هلكانه وحزينه لاني كنت السبب مااهتميت وكنت بس ابكي
وبعدها بتسعه شهور حملت لكن رحت السوق وبعد مارجعت نزل وبعدها اجلت فكرة الحمل لما اخلص دراستي وجلست برضه تسعه شهور وحملت ف رمضان وكنت منتظره هذا الحمل ورحت المستشفى واعطوني حبوب دفاستون لكن اسبوع ونزل برضه انا وقتها اتحطمت وانهرت وكلكم حسيتو بنفس شعوري وقالتلي دكتورتي خلاص لاتحملي اجلسي اقل شي 3شهور وقالت لي اول ماتحللي وتعرفي انك حامل استخدمي ابر كلكسان للسيوله وابر مثبته هي اعطتني الوصفه من قبل وقالت اول ماتحملي تعالي اصرفيها
لكن ربي اراد وحملت بعد شهرين وكنت خايفه وجلست ابكي لما عرفت اني حامل كنت خايفه ارجع واجهض كمان حللت بالتحليل المنزلي وطلع خط خفيف وخط غامق وبعدها رحت حللت فالمستشفى وطلعت حامل واستخدمت الحبوب والابر المثبته وابر كلكسان
ولما حسبت لي الدكتوره قالت اني فالاسبوع السادس وكشفت علي بالسونار ومو باين الكيس وسوت لي التحلليل الرقمي وبعد يومين اعيده والنسبه مااتضاعفت وقالت لي راح نصبر اسبوع ونشوف وكملت عالابر والحبوب ولما رجعت بعد اسبوع للاسف نزلت نسبه الهرمون وقالتلي الدكتوره خلاص وقفي كل شي وخلي الحمل ينزل ورحت عند واخواتي وانهرت وانا ابكي والكل يهدي فيني وصرت مانام وتعبت نفسيتي بس الحمدلله اجتزتها وحمدت ربي وقلت اللهم اجرني في مصيبتي واخلف لي خيرا منها
رحت لدكتوره ثانيه عشان اعرف اش السبب وعملت لي تحاليل كثيييره وكانت :
تحليل الاجسام المضاده
وهرمون الحليب
وفايزوس الذئبه الحمراء
والغده الدرقيه
وتحليل بروتين c
وتحليل بروتين s
واشعه مهبليه ع الرحم
والحمدلله كلها طلعت سليمه الا تحليل واحد وهو السبب فالاجهاض زي ماقالت الدكتوره وهو تحليل بروتين s كان نسبته 10٪ والطبيعي 60٪ يعني منخفض جدا وفرحت اني خلاص راح اتعالج عنه لكن انصدمت لما قالت لي الدكتوره انه ماله علاج يرفعه هو كذا من صبغياتي يعني من ربي خلقني ولكن العلاج الوحيد هو اني اخذ اسبرين قبل الحمل واذا صار حمل استخدم ابر السيوله ع طول ومااتأخر
طبعا كلكم مستغربين اش ذا بروتين s ذا عامل مساعد ع سيوله الدم يعني نسبة التجلط مرتفعه عندي واذا صار حمل الغذاء مايوصل للجنين ويتوقف نموه ف لازم اسبرين وابر السيوله كلكسان
والحين استخدم الفوليك اسيد لي اربعة شهور والاسبرين لي اسبوعين تقريبا وبأستمر عليها لين ربي يرزقني بالحمل
واسفه طولت عليكم لكن حبيت اقول لكل وحده اجهضت تسوي التحاليل اللي كاتبتها فوق وزياده عليها تحليل داء القطط وتحليل السكر وتحليل الفيروسات
وان شاء الله كلكم تعرفون سبب اجهاضكم
والله يعوض علينا ويجعلهم شفعاء لنا يارب ويرزقنا بالذريه الصالحه سبحانه ربي ارحم الرحمين

[Jojo1410]

المشاركة الأصلية كتبت بواسطة إيفان

يسلمو موضوع جميل انا حامل للمرة الرابعة بعد 3اجهاضات متتالية وما عندي اطفال وكل الي قلتية مريت فية يعلم الله الم فقدان الجنين وربنا يتمم علي
انا يوم ماحملتلحملي هذا تابعت دكتور اخصائي نسائية وحالات اجهاض وبعد التحاليل تبين عندي عامل للتجلط الدم بس يصير عندي حمل وحتى لو سليم العلاج كالتالي
3حبات مرتزون لبان النبض وحبة لنصف الشهر الرابع
حبة فولك اسيد وبيلي اسبرين للتاسع
ابرة انهوب لسيولة الدم كل يوم للولادة قبلها باسبوع اوقفها هي والبيبي اسبرين
هذا علاجي ولاول مرة بعد الله يوصل حملي هالمرحلة ويعدي الشهرين ولاول مرة يبان لحمل عندي نبض للجنين ربنا يتمملي ع خير ويرزق كل محرومة

حبيبتي ايفان ربي يتمم لك حملك وتولدي بالسلامه يارب ويرزقك احلى بيبي
بغيت اسألك انتي عندك اجسام مضاده ولا نسبة التجلط مرتفعه زيي
بانه الدكتوره ماجابت لي سيره عن حبوب الكرتزون اتوقع انتي عندك اجسام مضاده لانه شفت كذا وحده منتدى ثاني برضه يستخدمو حبوب الكرتزون عشان الاجسام المضاده
ياليت تردي علي
اممم بغيت اسأل انتي من وين ووين تراجعي عند اي دكتور

[Um Ghala]

جوجو حبيبتي ربي يعوضج عاجلا غير اجلا بحمل ثابت لـ 9 اشهر و اسهل ولادة و ايسرها و توأمين صالحين و معافين يأأأأرب ..