اللي حلمت وهي حامل وتحقق حلمها بنفس نوع الجنين

[أإأم ع‘ـــزُوـوزُ]

أنـآ بالشهور الأولى والخامس والسادس والسابع مـآ أحلم بشي بس ألحييين أحلم إني ولدت ولد وقاعده أرضعه ومرره حلمت إني جايبه ولد وأشيله وأحطه بيد عمتي أم زوجي وهي تضحك ولمـآ أحلم بالبيبي أشوفه وأشوف وجهه وشعره كان يجنن يـآرب يررزقني نفس إللي كنت أحلم به

وللعم كشفت بالسونار وقالولي ولد وبإذن الله يكون ولد عزوز حبيبي وأنـآ ألحين بالتاسه ومنتظرته

وكل أحلآ مي عنه أشوفه وأنـآ بالتاسع الله يسهل علي يـآـآرب ....

[مهرجه]

غريبه يقولون اللي تحلم بولد تجيب بنت واللي تحلم ببنت تجيب ولد

[رزان العنزي]

انا حلمت امي جابت ولد يجنن وانا جيت ابي امسكه طاح مني تحت سرير الاطفال اذا تعرفونه وكان صغير
واتمنى تفسرونه بسررررعه




Share

[سلوان]

انا حملي هذا دايم احلم اني اجيب بنت

ومره حلمت انه عندي بنت مررره حلوووه واصورها بالجواال

وانا نفسي ببنت ودايم ادعي ربي انه يرزقني ببنت وانا محسنه الظن بالله والاسبوع اللي فات سويت سونار قال شكلها بنت

وراح اتاكد ان شاء الله الشهر الجاي وان شاء الله تكون بنت

[نوسة روز]

حلمت احلام كثيرة وكلها تفسيرها ولد مع العلم اني حامل بنهايه الشهر الثامن وبيه بنوته ومأكديلي عليها انها بنت بس هو مجرد حلم والله اعلم اتاكد عند الولادة ان شاء الله ..

[أم مروان العسل*]

انا بولدي كنت احلم انه عمي ابو زوجي يعطيني فلوس وكمان جدتي حلمت انها تعطيني فلوس وحلمت اني اشتري بنطلون ومرة ابريق وقبل السونار بساعة نمت وحلمت ان ماما تقولي بغيت اجيب لك فستان بس ما لقيت وقمت من النوم ورحت المستشفى سويت سونار وقالت لي انه ولد وكنت توي بالشهر الثالث :) والي تقول الاحلام خرافات استغفر الله عاد مو لهالدرجة وينك عن قصة سيدنا يوسف ؟؟

[زوجه ظابط]

انا في الشهر الثاني حلمت ان زوجي معطيني صندوق لونه ازرق .. واليوم عملت سونار صار ولد اللهم لك الحمد

[حياتي بوجودك]

السلام عليكم
انا عندي 3 بنوتات ربي يخليهم
الاولى حلمت اني اولد بنت واحطها بحظني وكنت بلشهر الاول وفعلا صارت بنت

وبنتي الثانيه حلمت اني عندي ولد جميل جدا وجبت بنت

وبنتي الثالثه حلمت اني ولدت بنت وجبت فعلا بنت

[حيآتوو]

ببنتي حلمت اجيب بنت اكثر من مره وماما حلمت فيها كمان وفعلا جبت بنت

[om-moe]

انا بعدي بالشهر الثالث بس احلامي مكس ما ادري فيني ولد ولا بنت
وايد احلم اني حامل فيني بنيه بس ما اولد لا بس حامل
و كلا احلم اني لابسه فستان ابيض وابي اتزوج على زوجي وبالحلم اقول شلون بتزوج وانا متزوجه
و احلم عندي صندوق فضي كبير
وايد احلم اني لابسه جوتي بس مره ابيض مره اسود مره رمادري ماكو لون معين
وما ادري هالاحلام لها علاقه بجنس الجنين ولا لا