تجمع قصصكم للبنات اللي حملوا بعد طول انتظار .....حتى تتفائل باقي العضواااات

[ام كرومه]

ام تميم يارب نسمع قصة حملك عن قريب يارب

[xRano0x]

يسلموو ام كروومه المووضووع روووعه يااارب الشهر داا ربي يطعمني الحمل واكتبلكم قصتي لانوو جالساا اخووض العلاج الان وكاتبه قصتي بمووضوع وبكره موعد ابرة التفجييير ادعولي تمشي امووري تماام ياابناات والله محتااجة دعوااتكم ..

[ام كرومه]

بنات جبتلكم هالقصة الواقعية من منتدى تااني
بدون اي مقدمات بقولكم قصتي وياليت تعتبرون منها انا تزوجت وانا صغيره مره كان عمري 16 وبعدها حملت بعد شهرين زواج الحمد لله بس مثلي مثل اي بنت كنت رافضه احمل مره ثانيه رفض تام اقل شي خمس سنوات وهذا اكبر غلطه بعمري
واستخمدت حبوب منع الحمل بما اني صغيره وخبرتي قليله بها الاشياء كنت ارفض اي نصيحه من الاقارب يقولونها لي عن اضرار الحبوب زوجي بالبدايه متقبل الوضع بس بعد ماصار عمر بنتي سنتين ونص بدا يلح علي يبغى احمل مره ثانيه وانا ارفض تماما وهذا غلطه ثانيه
وزوجي يلح وانا ارفض بعدها اتخذ قرار بعدم احضار الحبوب وكنت اشتريها من وراى زوجي واستخدمتها ثلاث سنوات ونصف وبدا يشك زوجي تركت الحبوب خوفا منه وعدت السنه وانا ماحملت هنا بديت اقلق وبنفس الوقت فرحانه ماحملت 00 هنا زوجي اصر للزيارة الطبيب وفعلا تمت الزياره وبعد الفوحصات والتحليل والاشاعات انصدمت صدمت عمري اللي ما انساها

وقال الدكتور حملك صعب جدا وجلس يعدد علي وش الاشياء اللي مانعه الحمل عندي هنا انهرت انهيار الله لايوريكم وتذكرت كلام زوجي واقاربي يوم ينصحووني00

اهل زوجي بدوا يقلقون يسئلون ليه مافيه بيبي ثاني ليه زوجتك ماحملت للحين وهاتي همز ولمز وانا اتقطع من داخلي وزوجي يردد لسه ولاحقين خير 00
بس الناس ماتركونا بحالنا وربي عم زوجي يطلب من يتزوج مره ثانيه على حد قولة يبغى العائله تكثر على حسابي انا عم زوجي توفى ومابي اتكلم فيه واقولكم عن حركاته الله يرحمه

وام زوجي الله يهديها كل يوم والثاني تقص على زوجي قصص ازواج ماكتب لهم ذريه الا بعد ماتزوجوا وانجبت كل الزوجتين وانا هات ياتعب نفسي وربي يابنات ياحالتي تصعب على الكافر ما اذكر يوم نمت بدون ما اغرق مخدتي من الصياح واللي ذبحني زياده بنتي كل يوم تقولي ماما ليه انا مالي اخوان واخوات مثل بنات اعمامي وعماتي وربي من تقولها احس بخنجر بقلبي 00
ماتركت مستشفى او علاج شعبي الا واستخدمته انواع واشكال التحاليل والاشاعات والادويه وربي مرات اجلس بالايام بالسرير من الاشاعات اللي اسويها وتعبتني زياده على تعبي00
والطامه الكبرى الناس قامت تخاف على اطفالها مني اذا بوستهم يذكرون الله قدامي خايفين عليهم مني واللي تحمل تخفي عني الموضوع واذا عرفت بالصدفه يتغير لونها وتجلس تذكر الله كل ماشافتني وربي مأساة عشتها كرهت نفسي والناس وزوجي مع انه حرام اظلمه كان قمه بالذوق والتحمل معي00

الدكتور اللي اتابع معه قال خلاص انا هنا واكتفيت كل المحاولات جربتها ومانفعت بحولك على مركز للعقم وهنا انصدمت مره ثانيه قالها لي عندك عقم ثانوي00

رحت لهم وفحوصات من جديد تذبح وتحاليل ماتنتهي 00 هنا طلب الدكتور من زوجي فحوصات وجت الطامه الكبرى الثانيه قالوا للزوجي حتى انت مشترك معها صعبه تحمل منك عندك وعندك حدثوا ولاحرج 00

قالوا كل الطرق بتبعها معكم وحده بوحده ماراح نطول معكم حالتكم صعبه 00 والسنوات تمشي والناس هلكونا نظرات وهمز ولمز وربي يابنات اكثر شي يعذبني نظرات الشفقه في وجوههم 00

هنا قال الدكتور لازم حقن مجهري قالها حنا بالعاده نجربها سبع مرات للحاله بس حالتكم بنجربها مره وحده وبعدها ننتقل لااطفال الانابيب هنا زوجي تغيرت ملامحه وماتقبلها سوويت الحقن المجهري ومانفع 00
هنا اتخذ زوجي قرار قال المستشفيات انسيها خلاص مانروح يعني مانروح لهم هنا انا تضايقت مرررره وكانت مدة العلاجات ثمان سنوات بين المستشفيات00
قال زوجي اتركيهم واكبر غلط كنا نركض وراهم ونسينا ربي فوق كل شي هنا انا لازمت الدعاء في اخر الليل كنت احاول على قد ما اقدر اصلي وادعي واصوم الاثنين والخميس وقبل الفطور كنت ادعي مر رمضان وانا اصلي وادعي 00 مر رمضان الثاني وانا ادعي هنا سمعت شيخ يذكر بالصدقه يقول داوو مرضاكم بالصدقه تصدقت بشهر رمضان بنية الإنجاب وانا مازلت ادعي وزوجي يدعي وبعدها جاء فرج ربي بعد رمضان بشهر تاخرت الدوره انتظرتها ماجت قلبي يخفق خايفه هالمره ليه مادري طلبت من زوجي احلل حللت ورجعت للبيت قال زوجي انا اخذ النتيجه ماله داعي الانتظار كالعاده نظرات الشفقه حتى من الممرضات حفظوا شكلي من كثر ما اجيهم احلل 00

وقتها كان الصباح ونايمه 00 اتصل زوجي صوته مرره فرحان طاير قالي اخذت التحليل انتي حامل انا من كبر المفاجئه ماصدقت قلت حرام عليك تلعب باعصابي قال وربي حامل قفلت بوجهه الجوال وجلست ابكي 00 بعد عشر سنوات ربي عوضني ياربي يالله مو مصدقه حملت من فرحتي نفسي اصرخ بعالي صوتي واقول ياناس حاااااااااااااااااااامل 00
الحكايه صارت لي قبل سنتين جبت بنوووووته قمرررررررر الله يخليها هي واختها لي يارب

يابنات عظه لكم الازموا الاستغفار الصدقه الدعاء قراءة القران

والله يرزق كل محروم الذريه الصااااااااااالحه يااااااااااار ب

[ام كرومه]

وهي القصـــــــــــــــــــــــــــــــة

أخواتي وحبيباتي أنا لي سنة و نصف متزوجة حملت في السنة الأولى في الشهر الخامس ولم يلبث حتى أسقطت
و من بعدها وأنا ما خليت أنا الحمدلله مؤمنة بالله جداً و لكن للأسف الناس ما خلوني و زوجي بحالنا في كل مناسبة يضايقون زوجي بالتعليقات السخيفة الخارجة عن حدود الأدب حتى ضاقت بي الدنيا وكل مرة زوجي يطلبني أذهب( لطب العرب) الشعبي و اللي تلعب بي و اللي تحط لي كاسات هوا و حرقت لي ظهري و أنا محتسبة الأجر فقط لإرضاء زوجي ثم راجعت عند استشارية و طلبت مني فحوصات شاملة وتغربلت الله يجيركم و في النهاية قالت لي سليمة الحمدلله ثم حددت لي موعد لإعطائي إبر لمدة تسعة أيام فقال زوجي بعدين مو الحين
لا أوصف لكم شعوري في كل مجلس أسمع من العبارات الجارحة و الهمسات التي تقطع نياط القلب
فقلت في نفسي الحمدلله أن الله هو من بيده مقادير العباد و ليست بيد هؤلاء
كنت اتابع التلفاز ذات ليلة فقرأت في الشريط (أدعو لي بالذرية الصالحة فأنا لي 25 سنة لم أرزق!!؟؟)
فقلت اللهم لك الحمد كما ينبغي لجلال وجهك و عظيم سلطانك و الله من شاف مصيبة غيره تهون عليه مصيبته!!
فعكفت على سورة البقرة يومياً + الإستغفار فيما لايقل عن المئات وأن استطعت الألوف يومياً
ولم يمر شهر حتى وجدت نفسي حامل!!!!!!!!
فسجدت لله شكراً وبكيت لأن الله قريب ممن دعاه
يعلم الله أني لم أدرج قصتي إلا للعبرة فقط لا غير فأتمنى أن تجربوا ماقلت فهو فعلاً العلاج الفعال بلا منشطات بلا إبر
الله بيده ملكوت السموات و الأرض يقل للشيء كن فيكون بإذنه
أسأل الله أن يتمم لي و يقر عيني بالذرية الحافظة لكتابه العاملة بسنة نبيه محمد عليه السلام

[xRano0x]

واااي القصه تحزززن وااايد وبالاخيرر مررررا فررحت وربي رصت اسناني كلهاا وضحت من الفرحه اضحك للاب توب ,, هع الله يرزقناا ياارب ومشكووره ع النقل ياعسل ..

[xRano0x]

كمااان التاانياا حلوووه والحين بقووم اقرأ البقره واستغفر طوول مااشتغل بالبيت فعلا كل شي بيد الله ومالابر وغيرهاا الا اسبااب ..

[ام كرومه]

رنوووو القمورة يارب يهون عليكي وتحملي بعد الابرة التفجيرية يارب
وبعدها بتكرررررريلنا الولاد واحد ورا التاني
وبتحكيلنا قصتك كاملة هون

[آم خليل]

يسلمو ام كرومه على الموضوع

ان شاءالله قريب قريب قريب اقول قصتي وكل محرومه

[أم الغالي2]

قصص راائعه فعلا الاستغفار والصدقه والقرب من الله قبل كل شي
انا عندي ولد عمره 3 سنوات ونص وماأخذ مانع من سنه ونص وماصار حمل لكن الحمد لله على كل شي,,,

[ام كرومه]

ام خليل وام الغالي يارب تحملوا عن قريب وتجو هون تكتبولنا قصصكم يارب