فترة نفاس وزوجي يخوني

[مظلومة]

السلام عليكم ورحمة الله وبركاته
انا متابعة المنتدى طول فترة الحمل والحمد لله أولدت وجبت احلى ولد الحين صارلي 20 يوم والدة رجعت من المستشفى على البيت زوجي صار متغير معي ينام لحالو ويعصب عليه ويطلع اكثير ويرجع على البيت متأخر وتلفوناتو تحت راسو يحطهم ويضلو حاملهم معو مع انو قبل دايما راميهم قدامي شكيت في اشي وقلت اكيد في وحدة بحياتو واتقاتلت انا وياه وحكتلو انت بتعرف وحدة عصب وكان بدو يضربني حكالي مين حكالك وشو عرفك وهادا كلو كذب انكر الموضوع قلت يمكن ظالميتو وانا صايرة حساسة زيادة عن اللزوم يوم كان نايم اخدت تلفونو وحطيت على الالعاب الا التلفون برن رديت سكرت الخط لما سمعت صوتي رنت على تلفونو الثاني رديت حكتلي مين انتي حكتلها انتي مين سكرت التلفون بوجهي اخدت الرقم وحفظتو عندي الحين جوزي صحي ومسك تلفونو وشافها بتتصل عليه سحب حالو وضلو طالع برة يحكي معها رنيت عليها وعليه الثنين مشغولين طول الليل هو مشغول معها ما اقدرت اتحمل حكيت معها وحكتلي انو شغل بينهم وواجهتو وحكالي شغل وانا عارفة انو كذب كل ليلة اراقب خطهم مشغولين وصار ينام برة الدار وانا نفسيتي تعبت حتى الأكل بطلتو والنوم قليل صرت اتمنى الموت كرهت كل شي والحين هو بهددني في الطلاق وانا خايفة اتطلق لانو صعبة الحياة يتيمة ما ليه حد حاولت معو بكل الأساليب وهو متعلق فيها مع اني مش مقصرة معو ولا بشي شو أعمل كل يوم بموت الف مرة وانا عارفة انو معها