دردشة حوامل مصر - دردشة بنات مصر - تجمع حوامل مصر

Om Rodina · 03-22-2011, 12:57 PM

بالهنا والشفا ياجميل وتسلم ايدك اكيد طعمها يجنن

Rania Negm · 03-22-2011, 01:03 PM

هييييييييييييييييييييييييييييييه

اخيرا يا رفيدة وقعتى فى ايدى

وحشانى يابنتى والله

انا تمام الحمدلله كويسة ماشى الحال والنونو بخير الجمدلله

انتى ايه الاخبار مافيش اى اعراض ولادة فى السكة ؟؟؟ يلا يا رورو بئى زهقنااااااااااااااااااااا عاوزين نشوف رودينااااااااااااا

Rania Negm · 03-22-2011, 01:05 PM

الله يهنيكى ياعمرى

هيا الصراحة تهبل

بس الدكتورة قال ايه منعانى من السكريات والحلويات والنشويات

بتهرررررررررررررررررررج

على اساس اقعد اكل طبيخ مثلا ؟؟؟؟؟؟؟؟؟؟؟؟؟؟؟

فموش قادرة اقاوم انا شرهه جداااا للسكريات فى الحمل فكنت عاوزة حد يشطبها معايا بدل ما اقوم بيها لوحدى :)

Om Rodina · 03-22-2011, 01:07 PM

حبيبتى والله انت وحشتينى اكتر ربنا يبارك فيكى يارب والله يارونى من يومين كده كان عندى مغص شديد اوى وبدا يخف شوية بس بيروح وييجى اكتر من كده مافيش وربنا يسهل اما اروح للدكتورة يوم السبت هاتقولى ايه ربنا يسهلها بقا وتيجى بالسلامة

Om Rodina · 03-22-2011, 01:11 PM

ياحبيبتى بالهنا والشفا بس ليه منعاكى منها وفعلا والله الواحد فى فترة الحمل بيبقى عاوز ياكل حلويات مسكرة كتير وبيبقى ده لان الجسم محتاجها فعلا هى ممكن تمنع الاملاح والشطة اه بس السكريات لا دى المفروض تتاكل حتى بعد الولادة لانها من الحاجات اللى بتدر اللبن باذن الله

*رحمه* · 03-22-2011, 01:11 PM

السلاااااااااااام عليكم

Rania Negm · 03-22-2011, 01:12 PM

ان شاء الله

كلى عسل وتمر اسمع انهم من محفزات الرحم ياعنى بيسببوا الانقباضات وطبعا الجماع بردو اسمع ان بردو لما يحصل قذف داخل الرحم بيعمل انقباضات ليه

ونامى على جمبك عشان البيبى ينزل راسه كانت الدكتورة تقولى كدا

ربنا يكتبلك ولادة ميسرة يااااااااارب ان شاء الله

Rania Negm · 03-22-2011, 01:14 PM

عليكم السلام يا ديناااااا

منورة يا قمر مبرووووووك يا عمم المسابقة انا متبعاكى

.....

يا رورو انا رحتلها زايدة كيلو ونص فى اسبوع واحد وقالتلى البيبى وزنه بيزيد بشكل غير مرغوب فيه .. فامنع السكريات نهاااااائى والنشويات عشان البيبى موش يتنفخ ويزيد بصحة

بس هى بتحلم ... انا مقدرش فعلا يعدى يوم من غير ما اكل حاجات مسكرة..

Om Rodina · 03-22-2011, 01:15 PM

الله يكرمك يارب يارونى ياحبيبتى انا فعلا باكل تمر وعسل وبانام على جنبى لان اصلا مش باعرف انام دلوقتى الا على جنبى وخصوصا الشمال كمان وربنا يسهل ويقومنا كلنا بالسلامة يارب

Om Rodina · 03-22-2011, 01:16 PM

ياحبيبة قلبى ربنا يارب يسلم النونو ويعافيه ويكتبلك اللى فيه الخير ويقومك بالسلامة يارب ياحبيبتى