دردشة حوامل مملكة المغرب - تجمع بنات المغرب

[ام صيصة]

السلام عليكم
اخواتي توحشتكم و نتمنى نسمع صواتك في التجمع الي دارتو نور في الهوت مايل
اختي نور راه دخلت و لكن ما كين حد اونلين
اما عن موضوع الضهر و شد الي كيجي في الرجل هادشي عادي من التقل كيركز على عروق الرجلين راه حتى انا كنعاني منها و لكن اش نديرو كلشي غادي يفوت و الصبر راه اول واق واق تسمعوها كلشي يتنسى
الله يكمل لينا شهورنا على خير

[sharazane]

آلسلام عليكم حبيباتي
أختي أم صيصة ما يكون عندك باس بداي تردي البال حقاش كاين شي أطباء الله يحضر السلامة عندهم شي أفكار لا علاقة لها بالطب انا فكل مرة كندير اكوكرافي قبل ما نشوف البيبي كنعمل تحليلة دالبول عزك الله المهم غير باش نقوليك ره سال المجرب لا تسال الطبيب
و لعلمك انا كنت تبعت مع واحد الطبيبة مغربية هنا فبلجيكا مسكينة واقيلة طالعة بالنقيل ههه تبعتهاصدق خاسر ليا فشهرين كتشوف الدم كتهبط مني وكتكوليا نتسناو حتى تحبس أ نشوفو شنو كاين حتى ما بقا ليها ما تشوف.هو قدر الله ولكن لوكان تبعت مع شي طبيبة أخرا ما كانش وقعليا هاكاك أ الحمد لله على كل شيء تهلاي ف راسك و مايكون عندك باس حبيبة

[ismahan2000]

السلام عليكم البنات الاخوات الكروشات دياولننا.كيف دايرين و الله حتا توحشتكم بزاف.سمحولي غبرت عليكم شوية عندي شي ضروف صعييبة شوية في الخدمة.انا حولوني من البلاصة لي كنت خدامة فيها لبلاصة اخرا.و نتوما كتعرفوخدمة الموضف ما عندو الا يقبل باي مهمة كتسند ليه.حقيقة الخدمة الجديدية صعيبة عليا و انا حاملة حينت جربتها واحد العام و ترهقت فيها نفسيا و جسديا.و انا هاد العام خايفة بزاف على البيبي ليتاثر.سمحوو لي الا تقلت عليكم راني كنحس براسي مخنوقة نتوما بحال خواتاتي بغيت نفضفض و نفش عليكم قلبي شوية.نتمنى من جميع الاخوات يدعيو معايا الله يعيني و يفرج عليا

[ismahan2000]

سمحولي ما رحبتش بالاخوات الجداد ديالنا.نتمنى تستافدو و تلقاو اللي بغيتو معانا فهاد التجمع
الله يبارك

[ام ضمياء]

اهلا بكن يا نساء المغرب الحبيب

[ام ضمياء]

بغيت نعرف منكم العيالات واش كترة البول كاتكون فالشهور الالى ديال لحمل

[ismahan2000]

اهلا ام ضمياء كيف دايرة لاباس عليك.مرحبا بيك بيناتنا.ممكن تعرفينا شوية على راسك يعني نتي منين و واش حاملة و شحال عندك...........
بالنسبة للبول شئ طبيعي كايتزاد بزاف مع الحمل و تيولي يحرمك حتا من النوم المتواصل الهني بالليل خصوص بالشهور الاولة و الاخيرة.انا دابا في الشهور الوسطى و مازال تنعاني معاها و الحمد لله على كل شئ

[أم حفصة]

سلام حار لكل الحاملات..........كدايرين لاباس عليكم.....نتمنى تكونو كلكم بالف خير........

[ام ريان و رنية]

سلام عليكم الاخوات لباس عليكم شكرا على رد ديالكم
بغيت نصحح معلومة لاخت دولتشي راه بصح ايكوكرافي كضر جنين حتى هنا في ايطاليا رجعو غير 2 ايكوكرافيات في الحمل كامل وحدة في 3 شهور وحدة في 5 شهور الى الى بانت ليهم شيحاجة ماشي هي هاديك عاد تيويدو ليك وحدة انا هادشي دابا لي خرجولي صافي كالولي اخر وحدة غديريها فشهر الخامس حيت عندو اضرار على لجنين الى في حالات الى طراتليك شيحاجة اوجاع بزاف او دم هبط عاد في مستعجلات كيديروليك حيت انا جارتي عندها ولد عمرو " سنين كانت متبعة فصبيطار كل شهر تيديروهليها ودابا حملات دارت غير 3 صافي حيت ومني سولتهوم علاش كلوليها تبتت لابحات انهو تيضر لجنين ديكي علاش نقصناه وجارتي يالله ولدات وانا قلولي نفس شيئ مادا بلحاملة تفاداه حيت الاشعة لي فيه كضرو الى كترو منو كاين الاطفال لي مكياترش عليهم لكن اغلبية تياتر عليهم يقدر على لمدا البعيد مشي بضبط مني يتزاد

[om wissal]

السلام عليكم جميعاً،
هواحد المغربية جديدة معاكم ،ماشي مغتربة،ساكنة فمراكش وصحراوية الأصل،هذا حملي التالت،عندي بنية عندها 5سنين،والبنية التانية توفات بعد الولادة.
نتمنى ترحبو بيا.