دردشة حوامل أهل الرياض - دردشة بنات الرياض - تجمع حوامل الرياض

ياسمين الربيع · 06-13-2011, 01:27 PM

بنات ابي اسئلكم عن اكل الثلج فيه مضره علي اوعلى الجنين 00
صارلي فتره اكل ثلج بشكل مو طبيعي 00

تكفوووووون اللي عندها اي خلفيه ترد علي

أمونه* · 06-13-2011, 01:56 PM

الحمد لله زين إنك تطمنتي ... خلاص مادام سألتيها وطمنتك توكلي على الله
إن شاء الله مافي شي يخوف هانت وايام وبتمر على خير

الله يجزاك الف خير على الدعوه الطيبه .. إن شاء الله لك مثله ياقلبي

حسب ماقريت في النت انه مافي مشكله إنه عند الطلق بيدوا الحرمه
ثلج عشان يخف ألم الطلق .. والله اعلم لأني بصراحه ماجربت

الله يسهلك ..آميين

ام فهوود · 06-13-2011, 06:15 PM

كيفكم ياحلووووووووووووات
وش اخبار الحمل معاكم(راجيتن الله وام الاسمر وام ركوني وياسمين الربيع ومروم وسوسوكلكم كلكم واللي ماذكرت اسمائهم لايزعلونهذي لكم ههههههه)
انا توني باقي عالرابع 10 ايام واحس بطني مبييييييييييين مررررررره وامي تقول موالحين يبين وانا اشوف العكس احد صاره كذا؟

ام فهوود · 06-13-2011, 06:17 PM


 وينكم

طيف امراه · 06-13-2011, 07:34 PM

هاآي كرووشات كيفكم?

راجيتن الله · 06-13-2011, 08:04 PM

اقتباس:

المشاركة الأصلية كتبت بواسطة ام الأسمر

راجيتن الله ... شلونك حبيبتي عسى امورك صارت ازين
لا والله ولا مره جربته كثر ماخوفوني منه يقولون الولاده والعنايه والمعامله
والنظافه صفر فكنسلته من حساباتي .. بس على قولتك الوضع كله حظوظ
إن كان حظها طيب جت في وقت المناوبه الطيبه .. الله يكتبلها الخيره

هلا أم الأسمر

والله ياختك الحمل كله تعب نخلص من سالفة وندخل بسالفة

الحمدلله قدرت اتفاهم مع الامساك الى حد ماء صرت اكل سلطة , واكثر موية

صح يعني مازال الامساك بس اهون من قبل

والحين احس فيه افرازات بس مو مثل الافرازات الي دايم

لانها سبه سايله ,, طبعا مافيها ريحة ولونها ابيض

عاد خفت انها موية الجنين ,, بس شفتها اليوم وقفت قلت

خلاص ان شاء الله مافيه شي , اخاف اقعد اوسوس واضيق صدري

أنتي كيفك ,, وكيف تقدم الحمل معك ,, ثقلتي والا توك ؟

أمونه* · 06-13-2011, 08:11 PM

ام فهود ... هلا شلونك ..تسلمين ياقلبي على السؤال الحمد لله انا بخير

إييه يصير يبين بدري تختلف .. حملي الأول خلصت الخامس ويادوبك
اما حملي الثاني ماشاء الله بدري بدري انكشفت إني حامل وانا في البدايات
من حملي ... احسن بتحسي إنك حامل ببيبي ماهو بزيتونه هههههههه

ام ركوني · 06-13-2011, 08:13 PM

اقتباس:

المشاركة الأصلية كتبت بواسطة راجيتن الله

لاحول ولاقوة الا بالله ان شاء الله ماقدامك الا العافيه

وبالنسبة لوزنه لازم تاكلين

وصل ميه وزنك سبحان الله هل له علاقة بالضغط

والله الضغط بالحمل يخوف

تدرين وش اسباب ارتفاع الضغط

اسباب الضغط كنت افكر بالولاده كثير وكل ماشفت وحده سألتها وقعدت افكر فيها تدهورت حالتي من كثر ما اسمع من الحريم تعرفين بكريه

وكل ماقالت وحده قصتها شلت هم

والله العظيم تعبت من التفكير وما صرت انام وكل شوي يزيد وزني وكل ماسأت احد قال طبيعي من الحمل وجلست اسبوعين وماعاد اقدر امشي وصرت ارجع ورحت لهم قالو الضغط مرتفع وجاء الزلال والجنين نقص وزنه تعبت تعبت بالمره

والله الحين خايفه اكثر من اول بس بتوكل على الله ..

أمونه* · 06-13-2011, 08:18 PM

طيف إمرأه .. طيبين الله يعافيك .. غنت شلونك ياقمر

راجيتن الله ... لا الحين عرفت إنك تتابعين اخباري هههههه
وش مثقله خلاص انا على الآخر إن شاء الله على خير ... وقربت اخفف
باركيلي دخلت التاسع الله يجعل ختامها مسك
ويتمملك ولكل البنات على خير .. لا الإفرازات إذا زي ماتقولين بدون لون ورائحه يعني افرازات عاديه تجي لكل حامل لا تقلقي

راجيتن الله · 06-13-2011, 08:19 PM

اقتباس:

المشاركة الأصلية كتبت بواسطة ام فهوود

كيفكم ياحلووووووووووووات
وش اخبار الحمل معاكم(راجيتن الله وام الاسمر وام ركوني وياسمين الربيع ومروم وسوسوكلكم كلكم واللي ماذكرت اسمائهم لايزعلونهذي لكم ههههههه)
انا توني باقي عالرابع 10 ايام واحس بطني مبييييييييييين مررررررره وامي تقول موالحين يبين وانا اشوف العكس احد صاره كذا؟

هلا بك ام فهوود
انتي مثلي بالضبط نفس الشريط الفرق يوم ,,

أنتي اكيد ولادتك بمحرم ,, ليه ماتجين بتجمع محرم الي مسوينه بقسم الولادة ؟