تجمع حــوامل التوائم

[ام البنين]

دانه البحر انتبهي لنفسك وبلاشي تتحركي من السرير ارتااااحي ياقلبي قد ماتقدري ماعليك شر الن شاء الله

[كوثرية]

ماشاء الله كوثريه الفوط مره رايقه من فين اخذتيها على البركه ان شاء الله

الفوط مش من السعودية أختي أم البنين

أنا اصلاً إلى الآن ما جهزت شيء ولا رح أجهز إلا إذا نزلت الحسا

كيف الثقل معاااك يا العميده انا سايره بطه ماشاء الله والجلسه شبه منسدحه خخخخخخخ الله يعينا

أنا ما شاء الله بعدني ما ثقلت
الكل مستغرب مني ومستغربين اشلون بطني مو كثير واضح ولا كأن توأم
باقي اسبوع وأدخل السابع وبطني زي بطن أي وحدة هذا عمر حملها
طبعاً لما كنت حامل ببكري وولدي الثاني كان بطني أصغر بكثييرحتى يستغربون مني وقت الولادة، لذلك الآن بعدني ما ثقلت عدل، بس أتوقع على نص السابع أبدأ أصير بطة

بس مرات صحيح أصير بطة إذا طولت جالسة أقوم أمشي زي البطة وزوجي وعيالي يضحكون عليّ

بس يؤبروني البنات يرافسون فيني ماخذين راحتهم، اللي هذا أولهم يرافسون فيني ينعاف تاليهم ههههههههه

[نونة العسولة]

ام البنين

ليش ماتسلمين علي هااااا لووووووول

انا الثقل مشتغل عددددل معاااي

مشيتي ريلي يقولي كانج بطريق
والحلوات مايحلالهم اللعب والحركه غير بوقت نومي

ماجهزتي شي حق الكتاكيت..؟

[ام البنين]

المشاركة الأصلية كتبت بواسطة نونة العسولة

ام البنين

ليش ماتسلمين علي هااااا لووووووول

انا الثقل مشتغل عددددل معاااي

مشيتي ريلي يقولي كانج بطريق
والحلوات مايحلالهم اللعب والحركه غير بوقت نومي

ماجهزتي شي حق الكتاكيت..؟

ولو ياقلبي انت الاساااس وتوأمي االغالي كيفك ياقلبي وكيف بنوتاتك
والله الثقل شي ههههههههه وصدقتي وقت النووم حركااتهم الله يقوينا ويعيننا

[ام البنين]

نونه كيف مسويه مع الثقل وكبر البطن والله الجلسه سااايره صعبه مرررررره الله يعيننا ويقوينا يااارب
وش سويتي مع زوجك بتسااافرون والا اجلتو ؟؟؟؟؟

[ام البنين]

ماشاء الله شكله حملك داخلي زي وحده اعرفها مايبرز البطن كثير سبحان الله
طيب ايش التحاليل الي عملتيها الى الان وكم مره حللتي ؟؟؟؟

[كوثرية]

طيب ايش التحاليل الي عملتيها الى الان وكم مره حللتي ؟؟؟؟

تصدقين عاد ما أدري

أروح للدكتورة وتكتب لي لستة تحاليل وأروح المختبر ويشافطون في دمي وأنا ما أدري شالسالفة ووين الله حاشرني

اللي يهمني أن الدكتورة تقول لي كل شيء زين ههه

ومن حملت إلى الآن سويت ثلاث مرات تحليل، بس المرة الأخيرة تحللي حق التهابات البول والمثانة أعزكم الله، شسوي بعدني على مشكلتي بكرا ان شاء الله بروح لدكتورة ثانية وبشوف شنو تقول

[ام البنين]

ماقلتيلي يا نونه كيف مشكلتك مع السفر ان شاء الله اجلتوه

[نونة العسولة]

المشاركة الأصلية كتبت بواسطة ام البنين

ماقلتيلي يا نونه كيف مشكلتك مع السفر ان شاء الله اجلتوه

فديتج ام البنين

بالنسبه للسفر خلاص وافق ريلي طبعا بعد هواش مني

فقلتله بجي معاك بس اذا صار بحملي او البيبيات شي بذمتك ومابسامحك العمر كله

هو هالبعثه ناطرها من زمااان من ايام خطوبتنا والحين يالله طلعت سبحان الله

وماابي اوقف بويهه وبمستقبله فقلت اروح معاه وولادتي بتكون بالغربه بروحي

ومو عارفه شسوي الله يسهل بس انا عمري كله مو متعوده على اسوي اكلي بروحي

كله متعوده على هالخدم مو عارفه شسوي بروحي ومع توام صغار

الله يعين ويسهل

[كوثرية]

أختي نونة

المهم الآن وما دام انكم بتسافرون ومادام أنك نتجيبين توأم وما دام انك مو متعودة على الطبخ أن زوجك يوقف معاج

مو بس تقولين له توقف معاي إذا ولدت وخلاص، اخذي منه العهود والمواثيق أنه يساعدج ولا يقول أنا جاي أدرس مو جاي أشتغل بالبيت والا أنا ما لي خلق .