تجمع حوامل سوريا-دردشة ورود سوريا-دردشة الغاليات

[hadeel al rouh]

سروئتي وانا سجلت نصايحك بعقلي هههههههه بلكي بدي اولد قيصري مامنعرف شو الله كاتب ‏
يسلمو على النصايح حبيبتي الله لايحرمنا منك

ايمت بدك تنزلي صور جوووووود يلا بقاااااا

[silla]

صبااااااااااااح الورد صبااااااااااااااااح الفل
لاحلى بنوتات وارق صبايا بالكون ........
كييييييييييييفكم ياحلوييييييييييييين

انا اليوم فايقة ومصحصحة ومتنشطة ومشتاقتلكم كتيير كمان

شورح تطبخو اليوم
رح اطبخ دجاج مكسيكي ورز
وهلئ رايحة عند جارتي عنا جمعة صبايا
والاهم من هاد انو في تبووووووووووولة
مابتتصوروا اديش بحب التبولة
لدرجة عم اتوقع يكون سبب نشاطي وصحصحتي التبولة خخخخخخخخ




سروووووووووءة حبيبتي يسلموووووو ياقلبي عالنصايح
بصراحة بتفيدنا كلنا وانا رح اسرقن وحطن عندي بالملاحظات بعد ازنك
الحمد لله ع سلامتك مرة تانية
بس شو مشان ياجماعة قصة تفاريع النفاس انا ماكتير هاضمتها
يعني بحس صارت عادة قديييمة ولا شو رايكم يعني لازم البس؟
مافي بديل ؟

ميييييييين في هون

[وردة سورية]

كيفكن يا صبايا شو عاملين اليوم\
قبل كنت اشكي وابكي بيني وبين حالي وما حدا يحس فيني وانا مقهورة
بس هلاء مالي غيركن كتير مـــــــــــــــــــــــــــــــــــــــــــــــــ ـــــدايئة ومخنوقة حاس حالي راح انفجر
عم أكتب الكن ودمعتي على خدي مو عارف شو صرلي يا الله والله من الصبح دمعتي ما نشفت
انا بكره الغربة كتير بس ما بدي ارجع على سورية بدون زوجي
يا الله مالي غيرك
القصة وما فيها انو انا ما معي اقامة ومن لما اجيت زوجي عم يحاول يعملي ياها وما كانت تزبط الله لا يوفئن بدل ما يساعدونا لانا سورين كمان هنا علينا
من يومين عطونا امل انو تزبط
اليوم زوجي راح وقالو انو ما زبطت وزوجي كان كتير مقهور
ولما خبرني حسيت الدنيا بوجهي سودة وصرت ابكي واختنقت بس كمان ما حبيت زيدها على زوجي لانو كتير مقهور حاولت اتماسك حالي بس لما طلع من البيت انفجرت من البكا
يعني ما ظل معي وقت بعد 15 يوم بدي ارجع على سوريا من دون زوجي ااااااااااااااااااااااااااااااااااااااااااااااااه
واذا رجعت ما عاد فيني اطلع من هنيك بسبب هالاوضاع ومانعين السفر عقطر
والله لما ارجع بكره حالي وبدوق الويل
ااااااااااااااااااااه يالله

[hadeel al rouh]

عبورتي اسم الفيتامين مترنا ‏materna‏ مابعرف ليش كل دكتورة رايها شكل قولي انا ماعباخود منو كتير بالاسبوع حبتين يمكن وهوي لازم كل يوم ههههه
طيب حبيبتي اذا اتذكرتي اسألي دكتورتك وانا ناطرتك
كيفو حمودة اليوم لساتو ضايج ههه بلكي شوب ياقلبي عليه ربي يحميه ويحفظه

سللولتي هاد المرهم مابعرف اذا بالاعشاب بس من لما بتحطيه بتطلع ريحة مكسرات وفستق عبيد كتير ظاهرة فيه ههههه عنجد جربي مابتندمي ابدا ومدام فقفقت معناها بجوز تترك اثر وراها سلامتك حبيبتي ‏

شو هدول تفاريع النفاس ماعرفتون انا كيف شكلون بلكي اسمون عنا شي تاني مابعرف

[hadeel al rouh]

يييي ياوردة الحلوة معقول هيك صاير معك يالله دخيلك والله صعب الوحدة فينا تبعد عن زوجها الحق معك حبيبتي ‏
بس طولي بالك انتي والا ماربك يفرجها يالله معقول بدنا نفقدك هون اكيد بسوريا مارح يكون النت متل هون ياربي يكون بعونك مع انو شوفة الاهل مابتتعوض بس كمان فراق زوجك صعب والله مو عارفة شو قلك بس الله يهدك يابشار انت السبب
حسبي الله ونعم الوكيل

[وردة سورية]

المشاركة الأصلية كتبت بواسطة hadeel al rouh

يييي ياوردة الحلوة معقول هيك صاير معك يالله دخيلك والله صعب الوحدة فينا تبعد عن زوجها الحق معك حبيبتي ‏
بس طولي بالك انتي والا ماربك يفرجها يالله معقول بدنا نفقدك هون اكيد بسوريا مارح يكون النت متل هون ياربي يكون بعونك مع انو شوفة الاهل مابتتعوض بس كمان فراق زوجك صعب والله مو عارفة شو قلك بس الله يهدك يابشار انت السبب
حسبي الله ونعم الوكيل

شايفة يا هدولتي والله العالم فيني كيف حالتي والله اليوم طيرتلو عقلو لزوجي من كتر ما بكيت وصرخت قلي والله عملت اللي كل الي علي بس شو طالع بالاييد
المسكين ما قصر ليل نهار بركض بس ما يخليني اروح عسوريا
وانا اللي مدايئني اكتر اني تعودت عليكن وبحس حالي ناقصني شي اذا ما طمن عليكن كل يوم ربي يعين ويفرجها علينا

[hadeel al rouh]

ييييي سللولتي مية مليون صحة وهنا على قلبك وقلب كرومة اي انشالله تنبسطي وتغيري جو هاد اهم شي
انا عملت عالغدا كباب بانجان وجنبو رز وخيار بلبن ‏

[Babysugar]

مرحبا صبايا ...

من زمان و انا حابة انضم الكن .. ووردة سورية الله يسعدها شجعتني كمان :)

انا سورية و عايشة بجدة عندي بنوتة اللي يخليها عمرها 3 سنين اسمها جودي .. و الحمدلله حامل وهادا شهري باقي منو اسبوع .. دعواتكن :)

واي سؤال انا جاهزززة حلوات :)

[hadeel al rouh]

المشاركة الأصلية كتبت بواسطة babysugar

مرحبا صبايا ...

من زمان و انا حابة انضم الكن .. ووردة سورية الله يسعدها شجعتني كمان :)

انا سورية و عايشة بجدة عندي بنوتة اللي يخليها عمرها 3 سنين اسمها جودي .. و الحمدلله حامل وهادا شهري باقي منو اسبوع .. دعواتكن :)

واي سؤال انا جاهزززة حلوات :)

اهلا وسهلا فيكي حبيبتي بتنوريان ولا تقطعينا

[Babysugar]

ووردة كنت عم اقرا اللي كتبتيه .. والله حاسة فيكي ياقلبي بس بدها صبر انا بعرف انو في قرار بتجديد الزيارات للسوريين ضلك عم تجددي الزيارة و ماتنزلي ابدن انا ضد نزلتك ع سورية بهيك اوضاع خلي جوزك يسال عنو .. طولي بالك وردتي الله يوفقك وفرج ربك قريب ...