حبيباتى سيدات ليبيا تفضلو لأعرف ما حالكم

[هدية الخالق]

ربي يحفظه ويسلمه
ربي يفرج علي بلادنا وخلاص
تعرفي راجلي ديما لما يكلم فيه بوه يقوله ماتروحوش خيرلكم
البلاد مش مستقرة والوضع قاعد ملخبط
قتله في خاطري كان تسمعك عزوزتي والله مسكينه بتهبل
ديما تسال في كل مكالمة أمتي بتروحو

[هدية الخالق]

المشاركة الأصلية كتبت بواسطة جوهرة ليبيا

حتي احني يسد فينا كل شهر بس توه بناخدو اللي نازل جديد ب400ويسد سنه كامله اريح

ونفس نظام الوايلس

إيه باهي كويس اريح

[جوهرة ليبيا]

الضئ بيفسد الدنيا كلها ينقص ويتقوا فجأة مش عارفه شن الحل خصوصا التلاجه والمكيف لاغني عنهم

راجلي طلب مولد من النت وعلي اساس الاسبوع هادا يوصل وقاعد موصلش

[هدية الخالق]

إيه صح والله بالذات في النو ماتقدريش تقعدي بلا مكيف وامية مسقعة
الله يعينكم وخلاص

[جوهرة ليبيا]

تو علي اساس آمتي المرواح هدايا قريب

[هدية الخالق]

احني اليوم صقع فاتحه الرواشن علي أساس نهوي من الصبح
نحس في روحي ثلجت خفت علي سما سكرت

[جوهرة ليبيا]

هههههههههه غبطك ياريت الصقع عندنا تعرفي الاسبوع هذا لسبت فوق 40درجه الحراره آآآآه رحمتك يارب

[هدية الخالق]

والله يا جيجي مش معروف بالظبط لان راجلي حاليا يشتغل عالمشروع
قال كان صار منا وقبلوه معناها امتاع ستة او تمانية شهور بالكتير ويكمل إن شاء الله
لكن المشكلة خايف بعد هالتعب تكون الفكره اللي دايرها في المشروع دايرها قبله حد
كان هذا بح كل التعب بيعاود المشروع من جديد يستر الله وخلاص
مع إنه قال قلبت ودورت لا حد الأن مفيش حد داير زي فكرتي

[جوهرة ليبيا]

اتصلت باختي اللي اتجيب بعدي باسبوعين واحتمال انجيبوا مع بعض نحسابها عرفت جنس النونو


لكن الحلو قاعد امسكر رجليه وعاطيهم ظهره ههه وهي بتمووووووووت علي بنت عندها 3ولاد الاخير

حتي اسمه ادلع فيه باسم بنت خصوصا ان بكرها قالولها بنت وجابت ولد ههههههه قريب هبلت وجي التاني وجي التالت


وقاعدين التلاته ميقروش ربي يحفظهم شطانتهم تهبببببببل مشاكسين درجه اولي الصغير في عمر بنتي لكن افكاره عدوانيه واكبر منه هههههههههههههه


انموت فيهم امسمينهم التلاثي المرح طول الوقت لعب بس ومتعلقين التلاته في بعض ربي يحفظه

ومرات اختي اتقول والله بتنظلم البنت الا ما يجنننوها ويهبلوها ههههههههههه

[هدية الخالق]

المشاركة الأصلية كتبت بواسطة جوهرة ليبيا

هههههههههه غبطك ياريت الصقع عندنا تعرفي الاسبوع هذا لسبت فوق 40درجه الحراره آآآآه رحمتك يارب

يالطيف ربي يبرد عليكم إن شاء الله
لا احني تصوري ما عندناش حتي مكيف في الاحياش كلها لان جوهم ديما معدل
الصيف امتاعهم نو شوي لكن محتمل ما يحتاجش مكيف لهذا ما يديروش فيهن في الاحياش
لكن يبيعو فيهن مش اللي يتركبو في الحيط
لا زي الدفاية ينحط في الوطا هههههه