تجمع حوامل ليبيا

حبل الوصل · 10-09-2010, 02:40 PM

أم أسيل شن اخبارك ان شاءالله ياوخيتى
شن حال هيمو واسيل وشن مداير هيمو مع الدراسة انى ولدى المفروض يقرا روضة لكن مايبيش يمشي مسببلى عقدة

ريفان22 · 10-09-2010, 03:45 PM

مساء الخيرات كيف حالك بنات بلدي الحبيب انا رفان من الخمس وانا حامل في الشهر الخامس اول حمل الي قبله اجهضت في الشهر التالت المهم انا توا نتابع عند دكتور محمد المحيشي في مصحة لميس ونبي منكم مساعدة نحس في روحي نفخت هلبة وعطاني الدكتور اسبرين علشان ميجنيش تسمم حمل
بس انا عندي افرارزت مهبلية بكترة ولحذ الان لم احس بحركة الحنين ارجو منكم المساعدة

سورينام · 10-09-2010, 07:56 PM

مرحبا بالخمس وعربها .. أهلا اختنا ريفان اناالله تكملي حملك وتحلي عوينتك على خير يارب .. بالنسبة للنفاخ نقصي من الملح واشربي ميه هلبة ..وبعدين ما تخافيش منه فيه نساوين نوعيتهم يتنفخو هلبة في الحمل .. المهم تقيسي ضغطك كل فترة وتابعيه بانتظام ..
أما حركة الجنين المفروض انك تحسيها بما انك في الخامس لكن لانك بكرية .. فنعتقد انه يتحرك وانتي مش زابطة .. تابعي بالسونار وكل شي يبان ... ربي يهون عليك تشوفي ضناك بين ايدياتك آمين

سورينام · 10-09-2010, 07:58 PM

عيوني .. انشاالله هالساعة يكون حمودي بين ايديك يارب .. خشي طمنينا الله ايطمن بالك ياااا رب

سورينام · 10-09-2010, 08:00 PM

حبل الوصل .. وخيتي ربي يفرحك هالشهر وتطلعي حامل .. وحتى كان مش الشهر هاذا اللي بعده .. ربي يعطيك انت وكل المتمنيات آآآآآآآآآآآآآآآآآآآآآآآآآميييييييييييييييييييين

ام اسيل · 10-09-2010, 08:02 PM

اقتباس:

المشاركة الأصلية كتبت بواسطة حبل الوصل

أم أسيل شن اخبارك ان شاءالله ياوخيتى
شن حال هيمو واسيل وشن مداير هيمو مع الدراسة انى ولدى المفروض يقرا روضة لكن مايبيش يمشي مسببلى عقدة

الحمد لله العيال كويسين
شن دايرة اخلاص في اولى والله البنات الحمد لله شاطرات انا هيمو بيهبلني مازلنا في حرف الجيم شيبني مايبيش يكتب بيلعب وخلاص
بالنسبة لعموري خليه يمشي يبكي يومين ويسكت كل العيال هكي المهم انتي ماتمشيش معاه لان كان مشيتي معاه حايقعد يبكي هذا حسب خبرتي كمديرة دزيه والله يستفسد اكيدة حتى انتي تبيه يونسك في الصبح وخايفة عليه هذا راجل توا خلاص بلا دلع

سورينام · 10-09-2010, 08:03 PM

ميرنا .. اين انتي يا أختااااااااااااااااه .. ماالذي صدق في كلامي اليك ... هل هو الجزء المتعلق بصبياتك ؟؟ ههههههههههههههههه هي الفصحى .. شن رايك؟؟؟

سورينام · 10-09-2010, 08:04 PM

أم اسيل .. ازيك يا ست الناظرة ؟؟

ام اسيل · 10-09-2010, 08:05 PM

عيون طنينا عليك
والله طول الوقت نفكر فيك يارب يكون وليدك في بين ايديك وفرحانة بيه انت وكل العيلة يارب

سورينام · 10-09-2010, 08:05 PM

انتي مديرة خاصة والا مدرسة عامة .؟