دردشة بنات فلسطين, دردشة حوامل فلسطين, تجمع بنات فلسطين

[لولو حمادة]

مساء الخير
احساس انا مابدي اخوفك انا بعرف انو البكرية الجنين بيقلب قبل السابع اما بعد السبع ما بغير وضعيتو
حواء كيفك وكيف الحمل معك

[عسولة فلسطين]

مسااااااااااااااكم فل
لولو حمادة.....حمدلله ع سلامتك حبيبتي....نورتي والله الك وحشة كتير كتيرات
بينك روز يسلمو ع الفيديوهات....صحيح بدي أسألك الدكتورة اللي بتروحي عندها مارجريتا؟ هي هلأ بغزة ووين باالضبط عيادتها؟
لأنه حابة اروح اتابع التبويض عندي اشوف كيف تحسن والا لأ؟ لأني بصراحة كشيت من الدكتور اللي كنت اتابع عنده رغم اني كنت مرتاحة نفسيا كتير عنده
احساس ربي يقومك بالسلامة....كلي كل شي باعتدال
كل الصبايا مساكم سعيد يارب
امبارح رحت ع المينا كنت اول مرة افوتها بس حبيت المكان وبال

[عسولة فلسطين]

وبالذات لما وصلت لآخر نقطة فيها يا سلام كتييييييييييير حلو

[حواء مثالية]

منورات صبايا

حبيبتي لولو الحمدلله انا تمام ماشي الحال هيني ناطرة ان شاء الله ربنا يتمملي على خير كلشي عندي مستقر عندي تنفيخ هاد الي مذايقني خصوصا فترة الصبح

[جارة القمر]

مساء الخير
لولو حماده الحمد لله على سلامتكم

عيون المها
شو كيف عيد الميلاد...........ان شالله انبسطو .................
والعمده هون هو انت ...........ولو .............

احساس
ما شالله انت كم طولك وزنك ..........قبل الحمل ............الزيادة الطبيعيه اسمعت مابين 11 -14 كيلو
ديري بالك على نفسك الزيادة مو منيحه والموالح بجد مو منيحه
ومتل ما قالت حواء راجعي عند طبيب واحد وما تعملي متلي انا كنت اراجع عند اكثر من دكتور وكل واحد بيقول غير
عن التاني.

ام عزمي اشتقنالك ............يا حجتنا

[سهى2012]

اسعد الله مساكم

احساس * حواء* جارة * عيون المها * عسولة * بينك* لولو * وكل كل الصبايا وقفوا معي الله يخليكم ويحفظكم وديم السعادةوالخير عليكم وعلى حياتك

غاليياتي باعتذر شغلتكم معي وخليتكم تقلقوا عليا انا باعتذر منكم وان شاء الله ربنا يوفقكم ويسعدكم بحياتكم

انا هاليومين تعبانة بكرا ان شاء الله عندي مراجعة بالسويدي عند دكتورتي وراح احكي معها شو صار بخصوص المستشفى الشفا

وبنفس الوقت أخليها تقيم حالة صغيرة جنى قبل حالتي اذا في خطورة عليها مراح استنى شو ربنا كاتب لي وللصغيرة بده يصير هو واحد من اتنين يا انا بروح فيها اما صغيرة بخسرها وربنا هيك وقتها بيكون كتب لنا

المهم اخواتي العزيزات اتمنى لكم كل الخير والسعادة وان شاء الله تقوم بسلامة وتحضنوا ببيهاتكم وانتوا بالف صحة وخير وسعادة

يسعد مساكم جميعا

[بينك روز]

مسا الخير صبايا شو اخباركم
معلش انقطعت عنكم بس انتوا بتعرفوا قصة الكهربا
كنت عند بيت حماي وقبل شوي روحت ولما شوفت انه الكهربا لسه قاطعة صرت ابكي متل لصغار
وبعد بشوي اجت العروووسه
المهم حبيبتي عسوله دكتورتي هيه مارجاريتا الصوري
عيادتها في تل الهوى شارع الابراج عند منتزة برشلونه
ازا حابة تروحي عليها روحي الايام هاي لانها هتسافر على روسيا في22\7 وترجع في 22\8
بصراحة بنصحك تروحي عليها كتير شاطره انا وخواتي استفدنا منها كتير بعدين حنونه كتير
وانا ما برتاح الا عندها
كان نفسي تولدني بس انا اخر معاد لولادتي هوي 22\8 بتكون مسافرة او جاية من السفر جديد
ماراح تقدر تولدني
ان شاء الله تستفيدي عندها

[احساس أنثى]

مسا الورد صبايا ..

شكرا على سؤالكم ياعسولات واهتمامكم بيا

انا بالخاص بتابع عند شخص واحد وطمني بس السويدي يلي بتفحصك قابله لما شافت وزني حولتني على الدكتورة الموجوده هناك

بس ان شالله حخفف من اكل الشوكلاته

خوفتيني يالولو .. هيني بديت امشي واتحرك شويه شويه ... اليوم رحنا على فرح بصالة الحلو روحنا من هناك للبيت ابو اسكندر مشي اكيد بنات غزه بعرفو المسافه والله ماحسيت بس روحت جعانه ^_^

والله ياجارة انا متوسطة الطول لكن وزني قبل مااحمل كنت مليانه تقريبا 67 هههههه يلي بتزوج بخرب مع اني تجوزت وزني 59

عسوله رحله موفقه ياعسل .. هلا البحر كلو زحمه عشان توجيهي حيخلص بعد بكره وعشان قبل رمضان..بالنسبه للدكتورة يلي بتسالي عنها انا والله مابعرفها ... موفقه يارب

حواء حبيبتي ليش الانتفاخ؟ يمكن عشان فترة الصبح شغل ووقفه .. بس تخلصي مددي وارفعيهم وربي يقومك بالسلامه

سهى ان شالله بكره يطمنوكي عنك وعن صغيرتك يارب وتكون ولادتك سهله وميسره

واحلى مسا لاحلى صبايا

[بينك روز]

صباح الخير صبايا
مابعرف كان الي كومنت هون مابعرف وينه
ماعلينا
المهم انتو كيفكم عيون المها واحساس وسهى وجارة وحواء وعسوله ومسك السنين وهبة وحيفا وين مابطل وام عزمي شكلها لسه تعبانه مشان هيك ما بتفوت
ولولو الحمد الله على سلامتك

[بينك روز]

عسولة
حبيبتي دكتورتي اسمها مارجاريتا الصوري
عيادتها في تل الهوا شارع الابراج بجانب منتزة برشلونه
انا بنصحك تروحي عليها كتير شاطره وكتير طيبوبه وحنونه
بس ازا حابه تروحي روحي هلا لانها هتسافر على روسيا وتقعد شهر
هتسافر في 22/7 وترجع في 22/8
بصراحة كان نفسي تولدني بس ماراح تقدر لانها يا بتكون مسافرة او جاية من السفر جديد
ازا حابة تاخدي رقم جوالها وتكلميها على الجوال بعطيكي اياه مشان تحجزي موعد
هيه بتستقبل اي اتصال ومافي عندها كبرياء متل باقي الدكاتره