تجمع الولاده القيصريه

[شازل]

أم سارة وسبلا ... سهل الله ولادتك وحفظك وتوأمك ...
الله يقومك بالسلامة من العملية وترجعين تكتبين لنا الأكشن ، ويارب تكون ولادة سهلة ميسرة ويوفقك ربي بأطباء يخافون الله فيك ويحفظك من الالتصاقات ويحفظ أجنتك من الحضانة ويجعلهم بحظنك ... على فكرة أنا عندي توأمين ذكور عمرهم بعد أسبوع يكون عشرة شهور ... والشغل أنا أقصد شغل البيت - توأمي في مرحلة التسنين والحبي يحتاج لرعاية وكذلك عمليتي صار لها بس تسع شهور يعني حملت على طول بعد التوأم -

لوللا ... أسعدك الله وحفظك
اللي مكتوب مهما تحاولي الهروب منه يصير ... أستعملت حبوب ياسمين والعزل مع الرضاعة للتوأم ..

[أم مثاليه]

الحمد لله رب العالمين
ولدت وجبت ولد ولي 19 يوم بعمليه قيصريه
والحمد لله من قبل ومن بعد
كنت أتمنى طبيعي بس كان راس الجنين فوق والحمد لله على كل حال وسويت العمليه مثل ماحددت لي الدكتوره وكان هو آخر يوم بالتاسع
المهم دكتورتي هنديه ولا أقدر آخذ راحتي بالأسئله معها حتى بموعدي اللي بعد العمليه كان باليوم ال15 من ولادتي تقولي عمليه كويس أقولها ألتئمت العمليه تقولي يعني ايش
آقولها كيف أتطمن على الخياطه الداخليه قالت خلاص مانقدر نشوف
يعني معقول مالها كشف؟
أنا يجيني شي أحسه زي العرق ينسحب وزي العقده تشد علي من جنبي اليمين
وخايفه على الخياطه الداخليه لأني نسيت نفسي ودنقت على الأرض ثلاث مرات وأجلس كثيييير عشان محاولات الترضيع واجلس للوجبه
ألم بسري من داخل والمنطقه اللي حولين العمليه متخدره ولا أحس فيها زي البنج وزي الكدمه
اللي مجربه قيصري مر عليها هالأشياء؟

[ام روينا]

مرحبا كروشات رحبوا امكم جات ،،،،،،، انا مسويه اربع قيصريات وبعد شهر حتكون العمليه الخامسه ( عشان كذا انا امكم ) هههههههخ

[ام روينا]

طبعا حبايبي كل يوم كذا ما اقدر انام من الخوف والهم ومن الالم كمان عندي الاربطه من تحت مرررره تعبانهيعني يدوب اقدر امشي وكمان يجيني طلق من الشهر السابع ،،،، المهم ان هذي العمليه غييييييييير لان الدكتوره قالت لازم نعملك ربط انابيب يعني خلاااااااااص مافي حمل بعد كذا
انا عندي بنتين وولد بس احب الاطفال ومرررره ضايق صدري وادعولي ربي يكتب اللي فيه الخير

[شازل]

أم مثالية ... حفظك الله
الحمد لله على سلامتك ، العملية الخارجية إذا كانت زينه ومافيها أي إلتهابات أو صديد يعني إن الداخلية برضوا زينة ... ولا تخافين ياما بعد العملية دنقت والحمدلله ما صار شيء ... أما اللي زي العرق ينسحب والعقدة تنشد هذا العملية تزين وتلتئم لا تشيلين هم والأجناب يمين ويسار يقولون بداية العملية أونهايتها علشان كذا بعض المرات تحسين بإنشداد ... وإن شاء الله كلها أيام ويخف كل ألم ...

[شازل]

أم روينا ... طمئن الله قلبك وأسعدك
هلا وغلا بأمنا يالله أجل أنا الخالة الكبير ، لأني راح أسوي القيصرية الرابعة ههههههههههههه، أما عن الخوف والوسواس الله يعننا عليه الشيطان لاعب فينا لعب ، وكأن الدنيا خلصت ما بقي إلا الحوامل ... كلما قربت من التاسع يوم يزيد الخوف أما النوم فخلاص أنام شوي وأقوم علشان توأمي كل بعد شوي يقوم ... أما عن الذرية أستخيري ربك وراح يكتب لك اللي فيه خير ... والله يبارك لك باللي معك ويحفظهم ويملأون الدار سرور ... والحمد لله على العافية بس توكلي على الله وادعيه وإن شاء الله ماراح يكون إلا اللي فيه خير ...

[ام روينا]

لهلين اختي شازل والله اني كنت بالعمليه الرابعه اهون شوي ما ادري ليه هذا الخوف
وتراها كانت اسهل واخف عمليه الله يهون عليكي
متى عمليتك انا يمكن على 20 رمضان

[شازل]

أنا بإذن الله ولادتي راح تكون في بداية ذي القعدة ... ما أطولك ياليل ؟؟؟ متى يكون موعد ولادتي بس ... مستعجلة ... أنا كل حمل وولادة أشيل همها حتى بعد العملية ...

[Om KHaled]

كل عام وأنتم إلى الله أقرب

رمضان مبارك...

[شازل]

مبارك عليكم الشهر

جعلنا الله من صوامه وقوامه

ورحمنا الله وغفر لنا وجعنا من عتقائه من النار

وتقبل الله صيامنا وقيامنا وصالح أعمالنا ...

ويسر علينا الصيام وتممه ...