حبيباتى سيدات ليبيا تفضلو لأعرف ما حالكم

[sosolibya]

السلام عليكم ورحمة الله وبركاته

المشاركة الأصلية كتبت بواسطة أم أجنادين 80

كل شي جاهز حتي من الصفر والكيسان علي حطان العصير
انحب انجهز كل شي حتي انقعمز ونساير الضيوف
وتوا لبست وتمكيجت عالبسيط
ونستني

حتى انا زيك جنودة كل شىء جاهز على الصبان هههههه

إلا لو كان الوقت مايكفيش لجية غفلة

ويالله ياحلوة احكيلنا بالنفاصيل شنو درتو وشم هدرزتو وشن كليتو وشن حطيتو وحتى شنو جابو معاهم ههههههههههههههه بالتفصيل الممل ههههه نبصر عليك

[dr.loly]

ماشاء الله جنودة ربي يعطيك الصحة
خطرتي عليا ايام العزايم طبعا نا هلي بعاد عليا فكنت نتعب ف العزايم واجد ونجهز ف نفسي بسرعه سرعه مكياج ع اكسسوارات ع لبس ف نفس اللحظه

[dr.loly]

نفسي بالضبط نجهز الفناجيل والبكرج والحلويات ف المثرد والسفره متاعم نوتيها بمناديلها...
ونجهز سفره العصير ونحط كبابيها تقعد ع صب العصصير بس,,
والشاهي ومكسرات والمشروب الغازي مع الموالح جاهزات للتسخين بس

[dr.loly]

تخرج الكتاكيت وااااو ان شاء الله ربي يعطيني عمر ونشوف هاللحظات.. ياارب

ع سيرة الكتاكيت اليوم جتني طبيبة صحة عامة من زوار الصحة طبت فجأه عليا ... به اللي عندي لغة انجليزيه كان هذا صارلي نفس جارتي اتصلت براجلها جاها مسكين من الجامعه مع ان زوجي قاله اتقولها يجوني ونترجملها بس شكلها انحرجت ...

عموما سألتني عليهم بالتفصيل ... وع التطعيمات في اختلاف ف التطعيم بيناتنا هم يطعموا من عمر شهرين 3 4 شهور \

بعدها السنة ونص

المشكله الولي توا عندها تطعيمة 4شهور قريب وف اختلاف هذه تاني جرعه ف بعض الامراض اللي هم عندهم اول جرعه دوختكم وف امراض يعطو فيهن زي المكورة الرئويه نحن مانعطوش فيها وقصه دوختكم معاااي..



طلبت مني سجل التطعيمات .. جايبينه مترجم بالانجلش .. وكتيب الاوزان ومعدلات النمو تحشمت قتلها انسيته خخخخخخخخ نحن مانديروش فيه ف ليبيا قتلها اوزانهم لما جو وسجلتهن

قالت اهم شئ تسجلو ف مستشفي .. قتلها سجلنا وموعدنا 7 2 بعدها يقعدوا يطبوا ديما علينا زوار الصحة ههههههههههههه هذا نظامهم ف بريطانيا


حتي المراه الحامل يطبوا عليها نفس جارتي.. اللي زوجها يقرا مع زوجي طبعا

[أم أجنادين 80]

ليش هدا كله ام فراس
قصدك كل عائلاتهم هكي اتجيهم طبيبة للحوش
والله حاجة تقهرك
ربي يوصلنا لمستواهم

[dr.loly]

المشاركة الأصلية كتبت بواسطة أم أجنادين 80

ليش هدا كله ام فراس
قصدك كل عائلاتهم هكي اتجيهم طبيبة للحوش
والله حاجة تقهرك
ربي يوصلنا لمستواهم

ايييه ياجنودة كل عائلتهم يجوهم الهيلت فيزيتور(زوار الصحة) اللي عنده طفل مند الولاده لعمر 5سنوات يجوه... والمراه الحامل يجوها ديما نفس الشئ...

ويعطوك معلومات عن كل شئ يختص بالصحة ... اول مرة جتنا دكتورة بالفندق اسألتها واجد اول شئ تخيلي قالت دامكم هنا لازم تاكلو هيلثي فود اي الطعام الصحي اقل شئ 5 قطع وعطتني كتيب صغير فيه اهم الاطعمة الصحيه طبعا خضروات وفواكه..

وقالتلي تستعملوا ف الدهون المشبعه نحن الليبيبن اكلنا اغلبه دهون مشبعه مش غير مشبعه مثل زيت السمك او زيت الخضروات اللي نطيب به حاليا وبصراحه حاجة روعه وصحي ومافش فرق ع زيتنا العادي...
وغيره زغيره وغيره ......

[ميرنا]

ام فراس : ربي يحفظك ويسلملك فراس صار انتى ليبية ما شالله عليك طيبه فيك واسلوب راقي

ام اجنادين اخبارك تمام اتذكرتينى

[dr.loly]

المشاركة الأصلية كتبت بواسطة ميرنا

ام فراس : ربي يحفظك ويسلملك فراس صار انتى ليبية ما شالله عليك طيبه فيك واسلوب راقي

ام اجنادين اخبارك تمام اتذكرتينى

تسلمي بارك الله فيك هذا من ذوقكـ ولطفك اختي ميرنا...

اهم شئ صار منه التوقيـــع......

لا عزيزتي انا من بنغازي ومتزوجة باجدابيا وحاليا بنيوكاسل (بريطانيا) ...

[ميرنا]

ام قراس اليوم فى الصباح رسلتك ونحسابك من السعوديات

[ام معاد]

السﻻم عليكم