دردشة حوامل مصر - دردشة بنات مصر - تجمع حوامل مصر ‏

[أم إياد]

أم عمر.. ربنا يكرمك ياحبيبتي ويسمع منك ربنا آمين..
وعمورة عامل ايه؟؟

ملوكة .. ربنا ييسرلك ويرزقك ساعة سهلة ويقومك بالسلامة..
ماتستعجليش كل شيء باوانه.. وكل يوم بيقعده الجنين في بطن امه افضل ليه وبيكسبه مناعة وغذاء اكتر سبحان الله..

انا اتمنى ان شاء الله اني اولد على ميعادي بلا تقديم او تأخير آمين يارب

[أم إياد]

لوكة ممكن تشربي قرفة او مشروبات دافية الفترة دي..
بس ماتكتريش منها ان شاء الله الا لما تجيلك علامات ولادة..
انا ناوية اعمل كده ان شاء الله..

وربنا ييسرلنا جميعا..

كويس انك بتتمشي شوية الفترة دي.. ربنا يقومك بالسلامة

[دودى اشرف]

اهم حاجة الحمدلله وضع البيبى كويس وطبيعى ؟؟؟ الدكتور طبعا شرحلك ايه هى علامات الولادة علشان لو حصل تروحى المستشفى .. صح؟

[MALAK2010]

الدكتورة بتقول انها لسه مانزلتش الحوض ولازم امشى
والله بمشى بس مش عارفه هتنزل امتى ربنا يسهل
وقالتلى تشربى قرفه بشرب مع ان البنات خوفونى

[دودى اشرف]

فيييييييينك يا آايييييية ؟؟؟
وشبمو خرجت ولا ايه
وملك طبعا انتى مش مضمونة هههههههههههههههههههه .. فى اى وقت ممكن تعمليها .. ربنا يقومك بالسلامة يارب ويجعلها ساعة سهلة عليكى انتى وكل البنات يارب بس تطمنينا على طول ان شاء الله

[MALAK2010]

انا مش مستعجله خالص بس تلاقينى متلخبطه لانى مش عارفه ان شاء الله هولد امتى وكمان علشان ان شاء الله جوزى جاى من السفر فمش عارفه هيحضر ولا لاء
ومش عارفه هقعد عند ماما ولا ابدا احضر شقتى

[أم إياد]

معلش ياحبيبتي حاسة بيكي والله..
انتي بس جهزي حاجتك وسيبيها على الله..
وهي برضه الولادة مش هتيجي فجاة كده قبلها بكام يوم بييجي مغص والم في الظهر بيروح وييجي .. وممكن ييجي كام دقيقة كده منتظم ويروح تاني.. بيبقى تهيأة للرحم.. ماتقلقيش..
فلما تجيلك الحاجات تعرفي ان خلاص كلها يومين والكتكوتة تنور..

[أم إياد]

ملوكة انتي استقريتي على اسم سلمى ان شاء الله مش كده؟
آه يالوكة الدكتور قاللي بنوتة ان شاء الله .. واكدلي تاني الزيارة اللي فاتت كمان .. ربنا يجيبها بالسلامة ..
حظي مع الولاد مش حلو.. يمكن تعيش البنوتة المرة دي ياااااارب انت كريم..


أما بالنسبة للاسامي مختارة اسامي كتير عاجباني بس لسه مااستقريتش على حاجة.. اللي يعجبني مش عاجب جوزي او اهله .. واللي عاجبه اسامي هي مش وحشه بس مش حاباها اوي عايز (حفصة, صفية , استبرق او آيات) على اساس اني اية بقى وكده..

وانا عاجبني ( روان , أسيل , تسنيم , سلسبيل , أريج..) ولسه بادور.. بس كل مايعجبني واحد الاقي من القرايب مسميينه..
احنا عايزين اسم حلو وجديد وفي نفس الوقت مش غريب او صعب ع الناس ..
ازاي بقى هههههههههه

هي اكيد بتنزل باسمها وربنا يسهل

[أم إياد]

لأ يالوكة هتحسي بيها عادي وجع زي بتاع الدورة خلال الشهر بس كل ما الولادة تقرب تزيد وجعها وتكون منتظمة اكتر بين كل وجع واللي بعده..
وده معناه ان الراس بتستقر في الحوض اكتر ..
لحد مايبقى فاضل يومين ع الولادة تلاقي وجع يروح وييجي بانتظام يعني مثلا كل ساعتين.. وتاني يوم كل ساعة .. وهكذا تلاقي الفترة بينهم بتقل والوجع يزيد..
لحد ماتيجي علامة الولادة..

ماتخافيش ياحبيبتي وقتها ربنا بييسر والواحده بتتأقلم ع الوجع ده.. مش بييجي فجأة يعني ., ربنا رحيم برضه

[أم إياد]

انتي بس لما يزيد عليكي الوجع اكتبيلنا عشان نقعد ندعيلك..
واستعيني بالله .. واقري قرآن وخلي حد جنبك يقرألك ..

ولما تشوفي الكتكوتة في حضنك هتنسي كل الوجع ده خاااااااالص ولا كان حاجة حصلت..

ربنا يقومك بالسلامة .. ويرزقك ولادة طبيعي يسيرة كده وتطمنينا ان شاء الله