دردشة بنات فلسطين , دردشة حوامل فلسطين , تجمع بنات فلسطين

[~{{ DoDo }}~]

بكرا ذكرى زوااااجي
صرلي سنتين متزوجة
يا الله شو ايام بتركد
شكلي السنة رح اطنش زوجي بالهدية
لانه الدكتورة قالتلي ما تمشي عبال ما يقلب عمووورة
يعني مش رح اقدر اطلع اشتريله شي :(

[لولو الفلسطينية]

ههههه صحتين الك و لعمورة
حواء و ام عبد الله هههه اعملوها في يوم واحد
انا و دودو هيك متفقين هههه
و الله ما بنعرف امتى بتيجي هالساعة الله يعيننا
اه دودو بدي اسألك حضرتي شنتتة المستشفى و الا لسا؟؟

[~{{ DoDo }}~]

لولو
لا لسا ما حضرتها خوفتيني :(
عم بستنى بس تيجي ماما يعني اخر هالشهر
اول ما افوت التاسع تقريبا بحضرها
ولسا بدي اشمس تياب عمورة الخارجية
وبفكر اغسل الداخلي بس غسلة خفيفة

[~{{ DoDo }}~]

مسك
يسعد صباحك
والله منا عارفة شو اقول
بس انا دارسة كمبيوتر وعندي خبرة عالفوتوشوب
يعني ممكن احكيها عن حالي بقدر اعرف اذا الاشي مزبط عالفوتوشوب ولا لا
والشغلة مبينة صراحة عادية يعني مش مزورة ولا اشي
بعدين انتي صرتي فايتة هون وما حكيتي ولا دليل قطعي يا مسك
وما بررتي سبب بحثك وتدويرك وراها وما بررتي كمان ولا حكيتي بشو اذتك البنت
يعني في اسئلة كتير ما جاوبتينا عليها لحتى نصدق

[لولو الفلسطينية]

دودو حبيبتي ان شاء الله العمر كله و انتو مع بعض بصحة و حب و سعادة يا رب
بالنسبة للشنتة انا كمان بقول بدري بس امي و مرت عمي بحكولي لا لازم من هلأ لانو ما بنعرف بأي وقت ممكن تصير
و لما الواحد بحمل الاغراض عالسريع بينسى الف شغلة
انا غسلت كل التياب الي شريناها للبيبي و شمستها بخاف تعمل حساسية اشي لأنه الصغار مش زينا
الله يجيب يلي فيه الخير

[~{{ DoDo }}~]

انا كل ما اقول بديش احكي بهالموضوع برجع بحكي
يوووووووه خلص مليش دعوة

[لولو الفلسطينية]

اهلين مسك
بصراحة الاشي الي بينعمل بالفوتوشوب بكون كتير مبين و خاصة للي بيفهم فيه
يعني مش زابطة يا مسك
بعدين انتي طرف اساسي بالمشكلة و مع ذلك تمبارح تركتي كلشي و حتى ما بررتي و لا حكيتي اشي
و الموضوع كله من الاساس ما كان اله داعي
يعني ليش لتفتشي وراها اه ؟

[~{{ DoDo }}~]

لولو
الله كريم يارب
بتعرفي بلكي بعد موعدي الجاي بلشت ازبط بالشنطة
بلكي وقتها اطمنت انه كل شي طبيعي واستقريت
ع قولتك ما بيعرف الواحد ايمتى بتيجي الشغلة
عموورة بدي اخدله شنطة البيبي احطله فيها الاغراض
وانا راح اخد شنطة صغيرة من تبع السفر بس كتير صغيرة
بلكي هاليومين غسلت وشمست التياب وخلصت من هالقصة ان شاء الله

[ام عبدالله لولو]

مسك كلامك ما الو اااي معنى نهائيااااا زي ما حكت دودو جاوبي ع ااسئلة الي حكيناها وغير هيك بسميه علاك فاضي

[حلا الماس]

دودو .. هلا فيكي ويسعد صباحك .. وصحتين عالكورن فلكس

ام عبد الله .. لمين الموزة .. الي ولا لحباب قلبي قومي كلي 10 ولا 12 موزة عشان يشبع الصبي

لولو .. يعطيكي العافية وصحتين سلف عالمحشي

انا غطست نزلت على حماتي جبت كم غرض من عندها لزوم الطبيخ .. بدي اعمل النا جاج ومع خضار بكيس شوي بالفرن وبدي اطبخ مقلوبة لبنات المشغل ... اليوم اخر الشهر .. تعوا ساعدوني يلا يا معدلات

حواء .. صحتيين عالفطور .. وربي يتمملنا كلنا على خير ..