تجمع الحوامل اللاواتي سيلدن بشهر رجب 1433

[ام حماد]

لولي
هلا صباحك ورد جوري
الف سلامه عليك وماتشوفي شر
بقولك سالفتي في بداية حملي وان شاءالله تستفيدين من الحل اللي سويته بالشهور الاولى من حملي حاشني الم بكليتي اليمين بشكل لايوصف كنت احسها بتنفجر لدرجة اني ما اقدر امشي وفي الحمام وانتي بكرامه اجد صعوبة في خروج البول وكأن كليتي تتمزق وضليت يومين على هالحال وباليوم الثاني مااستحملت الالم وتعبت مره وكان زوجي يشيلني ويسحبني من شدة الوجع ورحت المستوصف عند دكتورتي وكنت خايفه من الصديد لاني وانا احلل عن الحمل طلع معي صديد وكان معي آلام باسفل بطني فقالت لي الدكتوره اللي معك يا انه صديد رجع لك او شوية برد وكنت اضحك على كلامها انه شوية برد اقول البرد يسوي كذا مستحيل اكيد التهاب شديد بالكلى المهم بعد التحليل قالت لي الكلى سليمه والصديد نسبته طبيعيه بس فيه نسبة املاح بسيطه في البول وسببها الاستفراغ وسألتني اذا كنت مستفرغه ذاك اليوم وقلت لها ايه فقالت زيادة الاملاح بسبب الاستفراغ لاني كنت في مرحلة وحم وطلعت من المستشفى وانا متفاجئه اني سليمه واللي فيني على كلام الدكتوره شوية برد...وطلعت وانا مو مصدقه كلام الدكتوره رحت البيت ودهنت بزيت دافي وجلست بمكان دافي ولبست بجامه وشراب وعند الدفايه للصبح وطلع مني عرق من شدة الدفا وكنت اشرب حليب دافي وصحيت اليوم الثاني وكأن مافيني شي ولله الحمد وكان فعلا اللي فيني بس شوية برد وهذي نصيحة الدكتوره لي اني ما اخلي جسمي مكشوف في البرد او اني اتشطف من تحت بمويه بارده لان البراد يدخل من تحت وكان ذيك الايام الاجواء شتاء وبرد......وانتي اللي فيك والله اعلم بما ان تحاليلك سليمه اما برد او ضغط الجنين على الكلى لانك الآن بالاشهر الاخيره نصيحتي لك ادهني مكان الالم بزيت دافي وتدفي عدل واقري عليه آية(وله ماسكن في الليل والنهار وهو السميع العليم) واشربي ماء زمزم بنية الشفاء وغيري وضعية نومك واذا بتنامين على اليمين حطي تحت جنبك الايمن وساده صغيره ترفعك شوي....اسأل الله بمنه وكرمه ان يشفيك ويهون عليك حملك وولادتك...

[loly2011]

مشكوووووووره حبيبتي ام حماد الله يجزاك خير

أتوقع برد لان لما كنت عند أهلي كنت امشي بدون شحاطه وهم مشغلين
مكيفات وغير كذا ملابسي خفيفه ولما تروشت جيت تحت المكيف

كلامك صح ميه بالميه أنا ليه ما فكرت انه برد
وفعلا نفس الألم الي وصفتيه نفسه الي احس فيه
الليله بـ تدهن وان شاء الله يروح


جزاك الله الف خير والله يسهلك ولادتك يارب

[ام حماد]

يابعد عمري الله يهون عليك الالم ويسكنه حاسه فيك لاني مجربته
ان شاءالله تطمنينا عنك وقدامك العافيه يارب تدفي وتدهني والبسي شراب وبنطلون بجامه ومعليش تحملي الحر اليوم وبكره ان شاءالله غزال والشر زال
والله البراد احنا متهاونين فيه مره وفوق كذا نشتكي من روسنا وبطنا ورجلينا وهو السبب الله يكفينا شره
الله يتقبل دعاك ياقلبي ويهون علي وعليك وعلى كل خواتنا المسلمات

[loly2011]

بنااااااات وناسه شريطي دخل الثامن وناااااااسه
مع انه باقي يوم بس يلا مدري وش فيه مستعجل ههههههه

[ام حماد]

هههههههههههههههههههه لولي شريطك يبي يسوي معك الواجب فيه الخير والله والا انه حب يفاجئك ويفرحك قبل ماتدخلين بيوم..

الله يهون علينا كلنا يارب ويعدي هالايام بخير
بصراحه الايام الجايه بالنسبه لي صعبه حبتين اول يوم لي في التاسع يوافق اول يوم من اختباراتي نهاية السنه بالجامعه وشايله هم الاختبارات والولاده يارب انك تسهل وتعين وللحين ماذاكرت تهي تهي...

[loly2011]

الله يوفقك ويسهل اختباراتك
والله هالاختبارات مشكله وغثى الله يعين
بس الحمد لله ماادرس وانتي لاتفكرين بالولادة ابد
انسيها وفكري بإختباراتك وبس عسى الله يكون في عونك

[ام حماد]

اللهم آمين
ان شاءالله ببدأ من اليوم اذاكر وبنسى الولاده وبركز بس على اختباراتي لاني مو حابه ينزل معدلي عن المستوى الماضي وطموحي اجيب معدل اعلى وان شاءالله يحقق لي ربي اللي ف بالي ...في المستوى الماضي كنت في وحم واستفرغ وانتي بكرامه قبل ادخل الاختبار بس الحمدلله شديت حيلي وجبت معدل ممتاز والحين خاطري اجيب معدل اعلى او على الاقل ماينزل عن معدل المستوى الماضي ربي يسهل ويعين ...

[loly2011]

الله يحقق لك الي تبينه
وان شاء الله تجيبين اعلى معدل


بنااااااااااااااات وينكم غريبه مختفين
والا ماتدخلون الا بالليل يعني اوريكم

[طال@عمري]

سلام بناااااااااااااااااااااااااااااااات

اموره لا والله ما جنا مطر ها الاسبوع

لولي موجودين بس اليوم ذابحني المغص والثقل وحتى النومه ما راتحت فيها

قمت وسويتلي نعناع مغربي وثقلته شوي وحطيت معه لبتون وشربته لان شكله القولون منتفخ عندي

وكنت اكل فطاير وطحت بوحده فيها تونه وذبحتني الحكه منها

وعندي شغل لفوق راسي ويداوب اسحب نفسي

[طال@عمري]

جلنار انا نوم متقطع ومره انعس والحمد الله شغل البيت دفيت نفسي دف وكنست وغسلت الحمامات وبخرت وما صار عندي شي

بس مدري شقصه الدوخه ويديني ورجولي متورمين امقدر امسك شي ولا امشي عليهم



ما قلتلي نزلت ينبع او لسى عند اهلك