هنا تجمع حوامل الشهر (السابع والثامن والتاسع)

الحزينه 2 · 09-23-2010, 06:56 AM

هلا بك وحياك احلام ورديه

والله يتمم لك بخير يااارب

انا من دخلت السابع احس بثقل في رجليني يوم امشي تقولين مركبه فيها ثقالات ...الله المستعان

وعوار في ظهري فضيييييييييييع ذبحني من الالم

الله يتمم لنا جميع بخير يااااارب

بشوره · 09-23-2010, 07:17 AM

اهلييييييين...
اخباركم كروشات...
حياك ياحلام ورديه ان شاءالله تستفيدين معنا...
والله يهون على كل حااامل يااارب...

الحزينه 2 · 09-23-2010, 08:03 AM

الحمد لله بشووره

كيفك انتي...

انتي بالسابع مثلي هههههاي

الله يتمم لنا بخير

اقصوصه · 09-23-2010, 09:02 AM

احلام ورديه : هلا الغاليه ، فعلا المنتدى حلو وايد وبتلقين فيه وايد امور تفيدج وتهمج ، انا ثالث اسبوع في الثامن حاليا، يعني ما بيننا فرق كبير، انتي حامل ببنت والا ولد ؟ وهذا بكرج والا عندج عيال قبل؟

الحزينه 2 : هالاعراض طبيعيه ، والحمل كل ما يتقدم تزيد اعراضه ، يلا ما عليه هانت ، كلها شهرين وتربين ع خير ان شا الله وتفتكين ، الله يقومج بالسلامه يا رب :)

بشوره : هلا بشوره، بخير الحمدلله يسرج الحال شخبارج انتي عساج طيبه؟ وشخبار الحمل معاج؟

مليت فرقاكـ · 09-24-2010, 12:09 AM

هلا كروشات مفحطات شخباركم
الله يسهل عليكم

أم ياسمين · 09-24-2010, 01:18 AM

هاي بنوتات شخباركم ؟

اقصوصه · 09-24-2010, 02:21 AM

مليت فرقاك : هلا الغاليه ، بخير الحمدلله ، انتي شحالج عساج طيبه؟ سهرانه اليوم والا كيف؟

ام ياسمين : اهلين عزيزتي الحمدلله اخبارنا طيبه اخبارك انتي عساج بخير ؟ غالبا المتدى بالليل هادي وما في حركه ، بش شكلكم اليوم سهرانيين :)

اموورة وكتكوتة · 09-24-2010, 02:28 AM

مليت فرقاك ام ياسمين افصوصة والكروشات التانيين

هلا فيكم كيفكم طيبين ايش في اخر اخبار عندكم ؟؟ مو نعسانييين هههههههه ولا طفشانيييين؟؟ اكيد جوعانييين زيي

اقصوصه · 09-24-2010, 02:38 AM

اموره وكتكوته : هلا الغاليه ، انا والله كنت يوعانه وتوني نزلت المطبخ من شوي كلت كورة لبنه مع خبز وكراميل المراعي وحبة كاكاو وشربت ماي :) والحين يالسه اطالع فيلم عربي ع قناة كايرو، بديت انعس بس بعد شوي بنام

اموورة وكتكوتة · 09-24-2010, 07:53 AM

اقتباس:

المشاركة الأصلية كتبت بواسطة اقصوصه

اموره وكتكوته : هلا الغاليه ، انا والله كنت يوعانه وتوني نزلت المطبخ من شوي كلت كورة لبنه مع خبز وكراميل المراعي وحبة كاكاو وشربت ماي :) والحين يالسه اطالع فيلم عربي ع قناة كايرو، بديت انعس بس بعد شوي بنام

صباح الخير والله شهيتيني كورة اللبنة هههههه بالعافية عليكي حبيبتي.. انا ما دري ليش لما اقول ابغا انام للضهر اصحى بدري وبس كدة ما يجيني نوم .. والله حالة تجنن