مواليد<<شهر ربيع الثاني♂ ♀ فبراير (1435,2014)

[يغار الحلى]

الف مبروووووك فديت و الحمدالله ع سلامتك

ورده الله يسهل و يهون عليييك انتي وين جوري اصبرووو البكريات يطولوا

اشربوا عسل بموياء دافيه ..

امنيه كيفك اخباارك? ?

و كيف العرااايس طمنينا عنهم ..

[يغار الحلى]

والله اني الصباااح اكون جيعانه و امي تعبانه ماتسويلي فطووور

و زوجي متخاصمه معاه مطلبه يجيب فطووور

مدري الجوع مضر. للنفاس او لا

مرة اخوي تقولي بعدين اذا عورك ظهررك و رجولك لانك ماتاكلين فترة النفااس

.. بس مدري صح او لا ..

[امنيه 28]

هلا يغار
الحمد لله انا تمام رحت بيتي مرررره حوسه وفيه نواقص
والصغنونه للحين معها كحه وزكام واستغل الفرصه لانامت اشتغل بسرعه
وبالنسبه للجوع
اللي متاكده منه انو مضر اول الايام
اهم شي الفطور اول النفاس
بس بعد شهر انا ماكنت افطر زين

[امنيه 28]

بنات
بنتي ماتنام بالليل وزوجي يداوم وقال لي هالفتره راح انام برا الغرفه وضاق صدري
الله يصلحها ارهقتني مصحصحه وافكر كيف راح ارتب وقتي واسوي الغدا
وهي كذا :(

[جريحة المحبه]

اهلييين بنات

امنيه. عودا حميدا وبالنسبه لزوجك انا من يوم بنتي وهو ينام برا الغرفه بس لايتعود دايم ورتبي نظام بنتك شبعيها وغيري حفوظتها ونوميها قبل لاينام زوجك واذا صحت باليل حاولي انك انتي تطلعين ليمن تنام

والله يعينك ع الحووسه كل يوم سوي لك حاجه عشان ماتتعبين

ندوووش صقيقتي وينك مالك حس ابد تهي تهي

[ندووش]

جريجه يا قلبي كيفك والله لك وحشه
ليش ما تجي في البي بي قولي لابو الشباب جبت لك الولد و خليني انزل البي بي خخخخخخخ

جريحه والله غصبني عني اختفيت بنتي تعبانه دخلت العنايه علشان عندها فايروس و التهاب بالرئة و الحين اكلمك من المستشفى دخلت 6 ايام بالعنايه و امس نزلت غرفة خاصه و تنومت معاها علشان عندها بلغم في صدرها و كل 6 ساعات اكسجين و شفط يشطفون المخاط و البلغم و انتبهي يا جريحه لحد يسلم على ولدك و هو مزكم على طول اعترضي ما عندهم مناعه و بنتي جاتها عدوه

امنيه لا تخليني زوجك يطلع رجعيه و شوفي انا كنت اسوى كذا حتي في بيت اهلي نفرض ان زوجك ينام الساعه 11 صحى بنتك الساعه 9 حاولي تلعيبها و هلى زوجك يمسكها و يلعب معها سوى اى شي بس لاتنام الا10 ونص او 11 معاكم و احسبي كل ساعتين اعطيها رضعه طبعا انتى تقومي قبلها و رضعيها و خليها تنام و زي كذا وطبعا بنتك الكبيره لا تنام اول الليل خليها تاخذ غفوه الظهر بس ساعه و بعدين خليها تلعب و تساعدك خليها تشيل وتحط في االأشياء البسيطه ما تجي الساعه 9 او 10 الا وهي تعبانه نوووم و زي كذا نظمي نومهم انا راح ايوى كذا

الحين بنتي كنت ااصحيها الساعه 9 و انومهم على 10 ونص او 11 اشيل عنها الكوفله و بس

تقدري تتحكمي في الصغيرة بس انتبهي لا يتعود زوجك على كذا

[امنيه 28]

ندوش
ان شاء الله ينتظم نومهم وارتاح وقلت له لو طلعت راح اجي معك خخخخخخ
بس تبغون الصراحه الحين مو هامني الا الصغيره كحتها تقطع القلب مانمت للحين انا وياها

ياقلبي انتي سلامة بنتك ماتشوف شر
انا بنتي للاسف عدوى من ابوها الله يهديه
كان يجي وانا فبيت اهلي وهو مزكوم ويضمهاويبوسها وكنت ازعل عليه واهاوشه بس مافيه فايده البنت تعبت وهو ولا ع باله

وصادقه انتبهو لنونواتكم بنات
الله يشفي بنتي وبنتك ياااارب

جريحه
انا ماابيه يتعود بس البارح الظروف ضدنا
هو دوامه ٢٠٠ كيلو واخاف عليه ينعس بالطريقلذلك لازم يشبع نوم
ان شاء الله لاخفت بنتي يرجع وضعنا طبيعي
اخبارك مع الولاده الطبيعيه ؟؟
انتبهي ع نفسك ولاتجلسي كثير واهتمي بتهوية المنطقه عشان يلتئم الجرح وفيه كريم افوميب افضل من ميبو استخدميه


ام روان
وينك ؟؟
اخبار بنتك
بسألك وش عطوها علاج ؟؟

[هلوشه123]

السلام عليكم حريم اخر دوره بتاريخ سبعه سبعه وللحين ما ولدت

[هلوشه123]

مليت استغفر الله العظيم وش أزين

[ندووش]

امنيه الله يسلمك

اام أحلى ترى ولدت و جابت ولد