تجمع الكروشات اللي موعد ولادتهم شهر * رمضآآن * 1432

[rooraa]

السلام عليكم ورحمة الله وبركاتو...
حبيت اليوم احكيلكم قصة ولادتي بأميرتي ريتال ربي يحفظها ليا هيا واخواتها يارب
اول شي انا ما اولد الا عمليه والمفروض ما يخلوني كتير بالتاسع اكتر شي للاسبوع التالت من الشهر التاسع والدكتور مو راضي يولدني يقلي خليكي كمان شويه علشان البنت وزنها قليل ابغاها تكبر وانا شايفه انو وزنها عادي صح قليل بس طيب الحمدلله
المهم انا من الشهر التامن وانا تعبانه وصبرت الين اسبوعين ونص بالتاسع وخلاااااااااااص طفح معايا الكيل وقلت ابغا اوللللللللللللد مني على كيف الدكتورقالي الين يجيكي طلق تعالي
يوم الاتنين بتاريخ 17-8 جلست اتكلم مع كروشات رمضات احلى كروشات في الدنيا واروع صحبات
قلتلهم ابغا شي يجيب الطلق بس ما يفتح الرحم ههههههه
ووحده قالت انها بتشرب يانسون ونعناع
قمت انا سويت يانسون ونعناع وبعد ساعه سويت حليب وقرفه وبعد ساعه دهنت جسمي بالفكس بعد ساعه المفروض اني اجلس بمويه حاره بس انا كان ما عندي مويه حاره جلست بمويه بارده وخرجت ودخلت كم مرا في المويه خبطني الهواااا وجاني الم قتللللللللللللللللللللللللني فظهري من خبطة الهوا سرت اببكي
وبسرعه رحت المستشفى طبعا ما قلتلهم انا ايش سويت قلتلهم انو هادا طلق عملولي تخطيط يقولولي مافي طلللللللق انا ابكي اقلهم الا في طلق وفي ساعه ونص استفرغت الله يكرمكم 7 مرات هما مرا خاااااااااافو وعلى طول تنويم انا عارفه السبب بس ماققلتتلم ههههه لانو لو قلت حيخرجوني
المهم قالولي لو كمان زاد الالم ولازاد الاستفراغ الفجر نولدك وقتها كانت 1 الليل
اعطوني ابره مسكنه ورااااااااااااااح الالم تماما هههههه بس كل ما تجي الدكتوره اقلها لسه في الم هههه
الين الصباح جاني الدكتور معصب مني يقلي انا مو قلتلك لسه قلتلو طيب جاني طلق ايش اسوي سار يطل فيا يعني كنو بيقلي بطلي كدب هههههه
قالي اليوم مرا زحمة عمليات بس امكن ادخلك على 10 او 11 خليكي مستعده
قلت طيب وصبرت الين 11 ماجو اخدوني الين 12 مرا عصبت وكل شويه اقول للسستر يللا متى انااااااااا طفشت مرا مسويه نفسي قويه
الين الساعه 12 اختي فتحت الباب بقوه وانا مرا معصبه طفشت وانا استنا وقت ما فتحت الباب لقتهم بالسرير قدام الباب ههههههههه انا مو سرت ارتجف سرت اررررررررررقص هههه
من الخوف اختي تطل فيا تقلي من اول عامله قويه ومنك خايفه
المهم جلست واخدوني للغرفه
وانا ارقص من الخوف جاتني الدكتوره عفت ربي يسعدها جلست تقول ادعيه وانا اقول وراها وتقرا قران وانا اقول وراها
جاني دكتور التخدير الدكتور عصام الله يسعدو هوا كمان مرا خطير قالي انتي طلبتي بنج نصفي صح انا كونت خايفه كان نفسي اقلو خلاص كامل بس كلام ارنوبه ووفقني قالولي النصفي احسسسسسسن اريح
قمت قلتلو ايو بسرعه قبل اغير راي
وعلموني كيف اجلس ومسكوني واعطوني الابره فضهري الحمد لله ما تالم ومرا صغيره الابره وبعدين لصقولي اللصقات حقت القلب والاشياء دي
وبس بعدها بديت احس بتنميل وجا الدكتور هشام كمان ربي يسعدو ههه وبدا يعمل العمليه وانا حاسه بدغدغه ما احس بالم وكل الي في الغرفه يتكلمو معايا وربي نسيت اني بسوي عمليه
وحسيت انو بيخرجوها من بطني قلتلو انا حاسه انو حيخرجها صح قالي ايوه وخرجوها
وسمعت صوتها طبعا شعووووووووور ما ينوصف سرت اضحك وابكي من الفرحه اقلهم ورووووووووووني ابغا اشوفها لانو هما حاطين شراشف بيني و بينهم علشان ما اشوفهم وجابوها وبوستها وخلاص وبدو يخيطوني
الشي الي رعبني اني شفتهم بيحركو رجولي وانا مني حاسه بيها من جد حسيت بنعمة الاحساس الحمد لله
بعدين شالوني وودوني غرفتي والحمدلله وبدا شويه شويه يفك البنج من رجولي والحمد لله انو مافي شرقه وكحه بالبنج النصفي لانها تقتل بالبنج الكامل
وتاني يوم خلوني امشي والحمد لله صح في الم وقت المشي بس اخف من المشي بالبنج الكامل
والحمد لله وجلست الين الخميس وخرجت ومعايا اميرتي نورت البيت
وعقبال كل الكروشات ياااااااااااااااااااااااااااارب بولاده سهله ميسره وطبيعيه
وربي يرزق كل الي تتمنى يااااااااارب بالذريه االصالحه
ان شاء الله ما اكون طولت مرا عليكم ههههههه
يلا سلام

[وفقني يارب]

خلاص ياقلبي ياروا انا قريتها وباركت لك بالموضوع


الف الف الف مليون الحمدالله على سلامتك حبيبتي

[rooraa]

الله يبارك فيكي

[وفقني يارب]

على فكره تفاؤل
اكشفي عند دكتوره غيرها واساليها في امل يقلب الببيبي او لا
اصلا نصابه الدكتوره فيه امل لان بعضهم ساعات يقلب حزه الطلق
الدكاتره صارو جزارين كل الحريم يولدونهم بعمليه علشان ياخذون فلوس اكثر
ماهم صحه الناس ولا مشاعرهم وخوفهم
انا اسفه تفاؤل بس خوفك هو الي خلاني اقول هالكلام

دام الحوض عندك مافيه مشكله
اتحدى اي دكتور يجزم لك ان ولادتك بعمليه ساعه الطلق الا اذا كان ولدك مو نازل بالحوض ساعه الطلق بعد مو قبل

[وفقني يارب]

وناااااااااااااااااااااااسه اخيرا صرنا امهات هع هع هع

[فرفورة نجد]

الف الف حمدلله على سلامتك يآقمر

ومبرووووك مآجآك .. تتربى بعزكـــم

=)

[ملكة الغربة]

مبااااااااااااااارك رورا
حلوة قصة ولادتك
الله يفرحك فيها يا رب

[rooraa]

الله يسلمك يارب
بس هادي ليا ولا لوفقني ههههههههههههه
يلا شدي حيلك وفرحينا

[ملكة الغربة]

يا رب عقبال ما اكتب قصة ولادتي

زوجي بالبيت قاعد وبستغل الوقت اللي بيروح فيه عالصلاة وبسرررررررعة بقرأ وبروح خخخخخخخخخخخ

[rooraa]

الله يبارك فيكي ملوكه
يلا عقبالك بولاده سهله يارب