دردشة بنات فلسطين, دردشة حوامل فلسطين, تجمع بنات فلسطين

[بينك روز]

مرحبا صبايا شو اخباركم
مالكم كسلانين اليوم
حبيت افريكم لحاف بنتي رهوفه الله يجيبها بالسلامة
احكولي رايكم بصراحة
طبعا التطريز شغل اديه وحياة عنيه

طبعا هاي صورة للحاف


وهاي صورة للحاف مع المخده تبعته


وهادي للمخده لوحدها

هااا شو رايكم

[أم عزمي]

مرحبا حبوباتي تسلمولي عنيكم الحلوة شفت كل ردودكم عئبال سلامتكم جميعا و عوض كل اللي بدهم يا رب
بالنسبة للرضاعة الحمد لله طبيعي بس أول يوم جبت الها صناعي و أنا بالمستشفى و ما قبلته و حاولت أسند حالي و رضعتها بس الحمد لله رضاعتها طبيعي و بالنسبة للي خطبوها ههههههه جوز أختي كلمني و انا بالمستشفى بعد ما ولدت و قال لي مليش دعوة حمزة طول الليل صاحي بيستنى ببنت خالتو و قال لي خلاص خطبناها موافقين ههههههههه و في وحدة قريبة جوزي و صديقتي بنفس الوقت ولدت معي و الله أعطاها ولد و خطبوها مني ههههههه و بالنسبة لجارة الأمر وافقت على هويدة يعني ضمنت لبنتي حماة منيحة هههههههههههه و الله وحشتوني مووووووووووت يا صبايا و بدي أحط صورة لهويدة و هي مفتحة عنيها

[أم عزمي]

بينك روز
حبيبتي ما شاء الله حلوين و مبروكين انشاء الله طبعا هذا شغل ايديكي يسلمو ايديكي انشاء الله بتعيشي و بتعملي لكل خواتها يارب حبيبتي

[أم عزمي]

سهى
يا عمري ربي يقومك بالسلامة انتي و جنى ياااارب حاسة حالي راح أبكي عليكي لأني جررررررررربت الولادة بعملية آآآآآآآآآآآآآآآآآآآآآه
بينك روز بتطمنينا عن سهى حبيبتي

[أم عزمي]

يا بنات بدي أسألكم في مشكلة لو حممت هويدة كل يوم مهو الدنيا نار و بيتي بيكون شوووووووووب بالنهار
أنا امبارح حممتها بس اليوم بدي أمسحلها من تحت أباطها و من رقبتها و أشطفلها جسمها من تحت وخلاص هيك ماما قالتلي أعمل يوم حمام و يوم تشطيف و تمسيح شو رأيكم؟؟؟؟؟

[أم عزمي]

نبض قلب
عيد ميلادك يوم ميلاد هويدة يعني هويدة محظوظة ولا انتي المحظوظة؟؟؟؟؟؟؟
بس أنا زعلانة منك يعني هيك بيطلع منك؟؟!!!!!!!!!
هويدة اتولدت بعيد ميلادك المفروض تجيبيلها أحلى هدية ههههههههههه

[أم عزمي]

بدي أحكيلكم عن ولادتي
حسيت بوجع يوم الجمعة الصبح 22-6 عالساعة 10 الصبح صحيت من النوم حسيت بوجع طبعا متت من الخوف و صرت أقرأ آيات التثبيت الله يقومها سالمة عيون المها هي اللي كتبتهم عالمنتدى المهم اتصلت على ماما و حكيت الها قالتلي انتي جربتي الطلق قبل هيك يعني اللي معك طلق قلتلها مش متأكدة قالتلي استني لكمان ساعة و شوفي و بترني عالدكتور المهم زاد الوجع و رنيت عالدكتور و قلتله قال لي لما يصير ألم شديد تعالي عشان أفكلك الغرزة و يا عيني لما رحت للدكتور العصر فك الغرزة مووووووووووتني بتوجع المهم روحت عالبيت و الدكتور أعطاني حبوب يوقف الطلق و قالي اذا وقف خلاص و اذا استمر تعالي طبعا يوم الجمعة الصيدليات ما بيفتحوا نادر لما تلاقي صيدلية أبو عزمي الله يحفظه صار يدور على صيدلية و طلع مع صاحبه و جابلي الحبوب بعد عناء المهم شربت حبة و بعدها صرت أراجع تعبت كتير و صار ينزل عليا مية و دم رحت عالدكتور قال ما في وسع بس موسعة واحد و نص سم طبعا صرت أصوت من الخوف لأنه الوجع كان كتير و الوسع مش كتير صرت أقول من هون لحد ما أوسع منيح بكوووووووون متت من الوجع طبعا رحت المستشفى و دكتوري وصى الدكاترة اللي بالمستشفى عليا و ضله على اتصال فيهم لحد ما ولدت و قال لو بدكم بآجي المهم ضليت أتوجع مرة أطلق و مرة أنام لحد ما روحي طلعت المهم أجوا يمكن 3 دكاترة فحصوني و بعدين اجالي دكتور منهم و كانوا حاطين على بطني تخطيط قلب الجنين و لما أجى الدكتور قال لي بدي أقولك شغلة يا عمو أنا أجيت أحكي معك هيك لأنك شاطرة و بتتحملي أنا متت من الخوف و عطول سألته الجنين مات قالي لا ما شاء الله منيح أنا صرت أفكر شو فيه مصيبة غير هيك الا هو قال لي قررنا نعملك عملية أنا من التعب ما قدرت أعيط بس حكيتله اللي كنت خايفة منه صار و قلتله روح لأهلي برة و قلهم المهم عالسريع لبسوني مريول العملية و حطولي قسطرة و من حمد ربي ما كنت ماكلة و لا شاربة يعني خاسبة حساب العملية ههههههه المهم دخلت الغرفة و حطولي لزقات على صدري اللي بيحطوهم للقلب و حطولي زي الملقط بأصبعي الكبير يعني متل ما بتشوفوا بالتلفزيون و حطولي بنج و عالسريع نمت ههههههههه طلعت من العمليات الساعة 2ونص الصبح و فقت من البنج الساعة 5ونص الصبح على صوت ماما و هي بتقولي شوفي بنتك متل القمر و حطتها عصدري رضعت شوي و بعدين قالولي قومي امشي عشان نرفعلك القسطرة وقفت على رجليا بالعافية حسيت بطني انفتح نصفين قلت لماما لااااااا بدي أقعد و طبعا نمت يومين بالمستشفى و لما كنت أقوم أمشي يا الله شو كنت أتعذب من الوجع المهم روحت عالبيت بسلامة و هيني بأمشي و بقعد و بشتغل و كل شي تمام بس لسة بحس بوخزات ببطني و كمان ممنوع أشتغل كتير و ممنوع أرفع شي تقيل يعني هيني بمشي أموري
طبعا طولت عليكم بالحكي و أشك اذا وحدة بتقرأ اللي كتبته من كتر ما هو طويل هههههههههههه

[أم عزمي]

اسكتووووووووووووا
والله متت و خلصت بالمستشفى الله ينكبهم غلطوا بالعلاج بدل ما يحللوا الابر بمية حللوهم بجلوكوز و الله لا يوريكم
فجأة صار معي رعشة أنا و 24 حالة كلنا مع بعض صرنا نرجف و حرارتنا وصلت 38 و بثواني صارت 40 صاروا يعطونا ابر مضادة للحرارة و ماما ضلتها تحطلي كمادات من العصر للفجر لحتى صارت حرارتي مني

[أم عزمي]

طبعا أنا اليوم برمت كتيييييييييييييير بعرف اني برامة هههههههههه
بس هذا من شوقي الكم و للحكي معكم حبيباتي

[بينك روز]

هههههه
هلا فيكي ام عزمي
والله ياروحي انا قرأت قصتك كلها
الحمد لله على السلامة
وبالنسبة لسهى هلا بتكون ولدت والله لسه مابعرف
بدي اتصل فيها واشوف
ماشاء الله عليها بنوتك قمر الله يحميها ويحفظها يارب