تجمع الحوامل من الشهر الرابع الى الشهر السادس

[بنِت النوُر]

تالا يااقلبي صبررتي ونلتي مرره تفاعلت مع حكليتك وان شالله يارب تولدي بالسلامه وتعبي البيت بنات وصبايان ماشالله توك صغيره العمر قدامك ..

تومي ماشالله واكبتي السالفه من اولها انا جيت ع اخر شي بس زززين اني جيت ع اخر شي لان ابدا ماعندي صبر قريت اول جزززا ومتحمسه ابي اعرف باقي السالفه هههههه الله يحفظ لك زوجك وبنتك تالا ويرزقك من اوسع ابرابه ويسخرهم لك ..

[Tala0123]

الله يسهل عليك تالا الي اعررفه مايمدحون الولاده بالحمادي ابداا بس انتي اذا عندك ناس مجرربته حلووو. .بس مادري اذكر خواتي يقلن سمعته مش ولابد والله اعلم ..استخيررري والله يسرلك يارب ..


بس ماشالله ع بالي انتي بكريه يعني عندك بنت عمرها 15 ماشالله ههههه يعني هي الي بتقووم باختها ..بس ليش كل هالوقت بين الحملين ..!!


بنت النور ياقلبي والله ناس تمدحه وناس تذمه انا عامتا فتحت عندهم ملف بس زوجي قالي نشوف المملكة والسعودي البريطاني
بستخير واشوف وبشوف مدينة فهد الطبية يلي قالت عنها تومي
والخيره فيما اختاره الله

[بنِت النوُر]

تالا انا سمعت يمدحونها كثير بس بعد الحزس الولده فيه توووووووب عنايه صح اذا انتي مو تابعه له تدفعين فلووس بس بصراحه احس اضمن من المستوصفات الخاصه واذا دخلتي الحرس بتنفتح نفسك له ترررتيب وتعامل ماشالله مع اني دخلت الطوارئ كنت رايحه زياره ..وهذا الطورائ وكذا تعاملهم بس نصحيتي ابعد عن الحمادي والمسترصفات الخاصه اذا تبي ع حسابك سوي بالحرس حتا هنا بشرق الرياض والتوليد توب وبنفس الوقت لسمح الله وتعرضتي لشي او بنتك بعيد الشر كل شي متوفرر الخاصه اذا صار شي يتبررون منك عشان جذا انا ضد المستوصفات الخاصه ..



اسالي تالا واستخيرررري والله يسهل عليك

[بنِت النوُر]

>>> اعذرني كروشات ع الطلاسم ادخل من الجوال والاصبع يضرب اربع حروف مره وحده خخخ

[toome]

ياعمري يا تالا الله يتمم لك على خير يارب


قصتي شوفوها كاتبتها بموضوع ):

[toome]

بالنسبه لمدينة فهد ماما والده فيه ثلاثه من اخواني ومرا حلو عشان كذا ابغاه لان ماما مجربته

[Tala0123]

Wdo تسلمين ياقلبي
لاتخافين ياقلبي انا يوم جبت بنتي صغيرة مره ولا كنت اعرف الولادة
ممكن يكون غلطي انا يوم صابني النزيف لاني كنت اشد وادفع
وهاذا كله بيد ربي مكتوب
الحمد لله ربي كريم وعوضني

[Tala0123]

طيب تومي كيف اروح افتح عندهم ملف تنصحيني
ابقول لزوجي بكرا نروح نشوفه

[Tala0123]

طيب الحرس ولا مدينة الملك فهد احترت لا انا مو تابعه عادي ادفع فلوس يصير




تومي وين قصتك ياقلبي لقيتها لقيتها

[toome]

بسم الله الرحمن الرحيم


السلام عليكم ورحمة الله وبركاته


اولا ماشاء الله ولا حول ولا قوة الا بالله واللهم لك الحمد حتى ترضى ولك الحمد اذا رضيت ولك الحمد بعد الرضاء



بالبداية تزوجت وعمري 18 والحين 21 ولا كنت اعاني من اي شي الا تاخير بسيط بالدوره هرموناتي تمام التمام وزوجي سليم بديت بمتابعة التويض والابر المفجره والكلوميد وربي ماكتب لي حمل مدحو لي حرمه عندنا بحفر الباطن ورحت لها وقالت فيك ميلة رحم وعطتني علاجات وزادت لخبطة دورتي ولعبت فيني وماصار حمل ربي ماكتب

جلست سنتين بعد اول سنه من زواجي بدون علاجات وبدون شي تقدرون تقولون ياسات ..

صرت اشوف اختي اللي متزوجه معاي بنفس اليوم معها ولدين وانا لي ثلاث سنين وماحملت كنت اتحسر على نفسي كنت اشوف اللي تزوجو بعجي حملو من اول شهررر وكنت اقول ليه ياربي انا لا ؟؟

لو بحكي لكم عن نفسيتي كيف ماراح اخلص

المهم لما دخلت السنه الرابعه قررت اسوي تلقيح صناعي بالحبيب وزوجي قال نستنى 6 شهور ونسويها
المهم وداني لاهلي بالرياض وهو دوامه بالزلفي دق علي مره وقال اسمعي صديقي متاخره وجته بالحمل 6 سنين وراحت لحرمه بالزلفي وحملت على يدها بعد الله
قلت لا مابي ار ح جربت الحرمه الاولى ولعبت فيني المهم رفضت رفض صاررررررم



ومرت الايام والشهور ولما جا شهر 3 اللي راح وجتني الدوره قال تجهزي بكرا بنمشي للزلفي بوديك للحرمه قلت لا غاليه ومابي مو مضمونه قال نجرب وش خسرانين
قلت اوك ورحنا لها ولما دخلت قلت لها لي 4 سنين وقالو لي سليمه قالت وريني بطنك انسدحي وحطت يديها قالت فيك ضعف قوي بالمبايض وخاصة اليساررر
وبطنك متنفخ من الهوا وانابيبك متنفخه قلت وكم علاجك قالت 8000 علاج و8000 لاحملتي قلت نعم ؟؟ قالت هذا سعري كلمت زوجي قلت كذا وكذا قال قولي لها اوكي خليها تبدى تعالجك ..
المهم بدت اليوم الثاني من الدوره مرختني تمريخ قوي لدرجة اني اصرخ باقوى صوتي واتلفلف على نفسي من الالم كرهت الحمل اللي خلاني اتعذب هالكثرر وحسدت الناس اللي حملو بدون هالتعب لدرجة انها قالت لي انتي دلوووو وو عه كيف بتحملين الولاده قلت والله ماتدلع يعورني جد وام زوجي معاي يالله تمسكني ويمسكون رجولي عشان ماتحرك المهم خلص اليوم الاول باعجوبه وفالت تجيني بكرا الصبح امرخك واكويك قلت اوكي
وجا بكرا ونفس العذاب بالتمريخ لدرجة اني صياحي بالتمريخ اقوى من صياحي بالكوي

كوتني بظهري 6 كويات وكبار مررررره ومحفورات ج ا لحمي مو سطحيه كوتني على شكل اكس على جهة المبايض من ورا ووحده عالعصعص
وعطتني علاجاات انواع واشكال ( تحاميل بالدوره وتحاميل قبل الجماع ولهوم وغسول وعسل وشاهي ودوا شين مع العسل وبخور من تحت ) وقالت تستمرين عليهم بدورة وبعد الدوره يعني باستمرارررررررررررر انا حقدت على زوجي وخويه من الي احس فيه الكوي والتمريخ من قوته احس ماقدر انزل راسي او ادنق

المهم قالت الجماع يستمر قلت كيف وظهري محفور حفررررررر شلون بقدر انسدح عليه قالت عادي تحملي قلت مجنونه ولا بعد تقول تعطري وتروشي عادي جدا ومارسي حياتك وتحركي


انا طلعت منها ومو مقتنعه ورجعنا لشقتي ومعناتي بالجماع وبالالم اللي بظهر ماحد جربها بحياته المهم اني نويت اتوب واترك كل شي حرام واستغفر باليوم فوق 500 ومره واصلي الليل ومن راسي منعت نفسي عن الشغل والحركه والمشي والدرج ههههههههههه يعني بمزاجي هي تقول مارسي حياتك عادي وانا ماقتنعت

المهم مر شهر واحد والحمدلله اخر دوره هي دورتي بشهر 3 وحملت بفضل الله ثم الاستغفار والتوبه وعلاجاتها .........


كل من قرا قصتي ابي منه شي واحد بس يدعي لي ربي يتمم حملي واشوف ضناي بين يديني واسمع نبضه الاسبوع الجاي لانه لسى مابين الا الكيس


والله يرزق كل متاخره يارب ياكريم

وكنت اقول بسجودي ( ربي لاتذرني فردا وانت خير الوارثين واللهم بشرني بالفرح كما بشرت زكريا بيحيى واللهم لاسهل الا ماجعلته سهلا اللهم سهل علي حملي ومجرى ماء زوجي ولقحني يارب ياكريم ) لاني كنت اعاني من خوف شديد بالجماع لدرجة ماء زوجي يطلع برى ماخليه يدخل برحمي من الخوف من الايلاج سوري عالشرح ...



المهم هذي قصتي ادعو لي ربي يتممه ويثبته واللي تبي رقم الحرمه ترسلي عالخاص..

اسفه عالاطاله



نسختها من موضوعي والحين انا باخر السادس دعواتكم ربي يتمم لي على خير