تجمع امهات التوام حياكم

[زود الغلا]

هلا الذوق انا ما اعطيهم شي الا الحليب وودي اعطيهم تمر متى اقدر اعطيهم ؟؟؟
واول يوم بالخامس ان شالله راح ابدي بالاكل معاهم .

[أم ياسمين]

قوه بنات اشلونكم
اشلونج جمانه الف مبروك و الحمدالله على السلامه
اشلونج زود الغلا مبروك ما ياج و باركتلج بعد بتجمع الكويتيات مادري وين اصيدج خخخخخخ
الف مبروك حياتي على الكتاكيت الحلوين

[أم ياسمين]

زود الغلا: انا عيالي اعطيهم حليب و تمر احيانا و حبة حلوه احيانا اذا حسيتهم متضايقين والتمر تقدرين تبلشين معاهم اي وقت.
ولمن صار عمرهم شهرين و نص بديت احط بسكوت فارليز اقل من الربع مع ممية الليل عشان يشبعون و الاسبوع الياي راح يكملون 3 اشهر ببدي اظوقهم فواكه العلب مو وايد بس ظوق و اعطيهم عصير مخفف بالماي.

[زود الغلا]

هلا وغلا ام ياسمين ........ بس يقولون مو زين تعطينهم تكل اقل من 4 شهور لانه الكلى ماتتحمل عشان كذي اخاف اعطيهم مبكر بخليهم على الحليب وبدخلهم التمر والله كريم .

[الذوق]

صباح الخير يامرضعات يارشيقات كيف الكتاكيت حقونكم ابسالكم كيف الرضاعه معاكم انا عيالي احيانا مايبوا البربونات بالمره على صدري بس ولما ارضع يجيني صداع خيالي والم في العظام شي مااقدراوصفه الدكتور بعدماولدت قال استمري على الماترينا والكالسيوم لومااخذت الحبوب ليومين اشوف الموت وبنفس الوقت الحبوب كل يوم اخاف تسوي لي شي شوروا عليا الله يسعدكم جسمي احسه مكسر من شدة الالم تخيلوا مااقدرادعس على رجولي والصداع وشعر رق بشكل صارت الشعره نفسها نحييييييييفه اسعفوني الحقوني

[فوفو الاموره]

يالللله ابدا ماعندكم وقت تدخلووووون التجمع ناايم
الله يكون في عونكم
انتم السابقون ونحن الاحقووون

[ام سولي]

الشيخة
ربك كريم والله يخليهم لك والحمد لله انا من زمان اسمع ان الخدج ادا تعدو عشر ايام بسلام في العناية فهم كويسين خصوصاً ادا مش مريضين يارب يخليهم لك ولا يضيع تعبك يارب.
جومانا
الحمد لله على سلامتك والف مبروك خروج ابنك ياربي لك الحمد يارب الله يعطيك على نيتك ويستجيب دعاءك لي والله انك حبيبة وربي يرزقك برهم وعافيتهم الدايمة .
جومانا انا كان بيولدوني طبيعي بس اخترت العملية وقالو لك فرصة بحملك الجاي احتمال كبير طبيعي لأني يجيني طلق بحملي مبكر بس الرعب الحريم خوفوني من الولادة الطبيعية شكلهم يبالغون بس قولي لي هل هي قد مايقولون موت او لا الله يسعدك جومانا لأن تفاجأت كثير يتمنون ولادة طبيعية عندهم اولاد وادا سألتيهم قالو صعبة حيل كيف؟؟؟ قلت بسأل المجربات الحبوبات مو الحموات

[زود الغلا]

الذوق ماعندي فكرة .......انا اصلا حليبي نشف تقريبا وبناتي مايبون الا الصناعي ...اسالي ددكتورك والله يعينك .

[محجبه]

الذوق
انا مع زود لازم تكشفين وتشوفي النقص انا كنت يوم ارضع هزيله يوم نشف صدري انتعشت
والرضاعه الطبيعيه جدا مفيده بس والله نشف غصب

[نـــــــارا]

شلونكم رشيقات؟؟؟

أنا غايصة مع بناتي... بنتي آلاء كله فيها إمساك

أنا م راح أأكلهم إلا بالسادس وبحاول أعطيهم خضار أول وبعدين فاكهة عشان يحبو الخضار ويتعودوا عليها

حابة اسألكم..

متى البطن المترهل بيروح؟ ومتى السواد اللي بالبطن يروح؟ بطني يفشل
مع أن وزني نزل وصرت أضعف من قبل لا أحمل بس كرشتي تفشل مترهلة خاطري ترجع مشدودة وما أقدر أسوي تمارين بطن بصعوبة أرفع نفسي مع أني أحاول قد ما اقدر أسوي