تجمع النساء اللاواتي سيلدن بشهر *ربيع الأول* 1433

[وما توفيقي الا بالله]

الله يعطيك العافية اختي miss pink
امييين الله يسمع منك ويتمم لك على خيييير يارب
ويهووون عليك وتصير ولادتك سهلة يااارب .
مشكووورة حبيبتي ..


سلاااامتك زووووجة ماجد ماتشوفين شر ياالغالية بس لاتخافين المشي مايضر ان شاء الله كنت دااايم تجيني هالحالة اذا مشيت واجهدت نفسي يجيني الالم يجلس 3 أو 4 ايام
ماتشوفييين شر الله يتمم لك على خييير يارب ....
طمنيني كيفك اليوم ؟؟؟؟


مرحبا دلووووعة ناصر ياعمري سلااااامتك الله يجعله تكفير يااارب ماألووومك هالشئ يتعب النفسية بعد لكن الله يرفع عنك يارب ..
وأنا ماعرف والله وش انصحك فيه بس البااان ممتااااز للمعدة ..
الله يتمم لك عى خير...

[دلوعة ناصر]

مشكورين بنااات الله يهون عليكم
انا مشكلتي ما احب اللبان واحسه يتفتفت في فمي
امس رحت للدكتوره وشوي اصيح يمها اقولها تعبت من التطريش ما اكل شي تعبت من الحبوب ما نفعت قالت مالك الا اعطيك ابرة التطريش قلت لها ووش ذي قالت هذا نعطيها في حالات التطريش الزااايده
قلت لها تكفين سعفيني فيهااا وصحيح من امس خذتها بسم الله ماشاء الله ولا تطريش ولا شي لليوم قولو عسى دووم يااارب
اختكم المتعذبه ...خخخخ
احس صرت متعذبه بهالوحاام

[عبير 99]

الله يسلمك وماتوفيقي
والله اليوم مارحت للدوام من العوار اللي بظهري

دلوعة الحمد الله يارب
ان شاء الله تفقدين التطريش للابد وتنفتح شهيتك

[وما توفيقي الا بالله]

مبروووك دلوووعة ناااصر دووووووووووم يارب جعله ماعاد يرجع لك .
ويجعل ايامك صحة وسلامة وسعادة ..
حبيبتي بالنسبة للباان فيه نوع جيد مايتفتت >>>بتقنعك بالغصب ههههه...

سلامتك حبيبتي زوجة ماااجد الله يرفع عنك ياالغالية ريحي نفسك ولو قدرت تدهنين ظهرك ورجوولك زين أنا دهنت بطني ورجوولي وظهري والحمد لله اليوم فتحت عيوني ماتشوفيني مشرقة من الصباح المشرقي ههههه...
دهني لو بفازلين او اي كريم أو خلي أحد يدهنك ويضغط شوي على الالم.. أنا زووجي يقوولي رجوولك من فوق شاااادة ودهنت واللهم لك الحمد ..

الله يهوون علينا يااارب ونكتب قصص ولادتنا >>مستعجلة الأخت ههههه..

[تحفتي الغاليه]

مرحبا حوامل كيفكم رحت المستوصف امس وعرفت نوع الجنين وتوقعوا وش طلع طلعت بنوته ياي نفس ماكان ودي بس زوج كان يبي ولد بس الحمد الله اهم شي العافيه والله يخلي لي بنوتي فديتها هههههه

[عبير 99]

ياحبي لك وماتوفيقي
اي ناوية اروح لاهلي اليوم اتسدح وارتاح ويدهنوني خواتي
تحفتي هلا وغلا
من طول الغيبات جاب الغنايم غنيمتنا بنوتك العسل
اللله يسهل مخرجها ويفرحك بشوفتها

[دلوعة ناصر]

هلا بناات مشكورين على دعواتكم لي والله انا اشكر ربي ان خفت الازمه اللي فيني
هو اللبان زين بس احس طعمه مو شي ..
ويقولون ان يسمن البيبي يعني يخليه بعافيه شوي

[استغفر الله العظيم .]

السلام عليكم ......كروشات....شو اخباركم ان شاء الله تمام
يارب تمم حملنا على خير وفرح قلوبنا بشوفتة اولادنا يارب قولوااا امييييييييييييين


رحت المستشفى قبل امس وعملت تحليل بول وطلع عندي التهابات في المهبل والبول وصديد واملاح والله خايفة انها تاثر ع الجنين يقولو تسبب تقلصات ع الجنين و ولادة مبكرة وانا مرررة خايفة

وغير كذا عندي حساسية ف الانف والله اني ليل ونهار اعطس واحس بالم قوي اسفل البطن مع العطس احس اني عصرت الجنين عصر من كثر العطس
قولوا لي علاج مايضر اذا تعرفون والله خايفة يارب احفظ جنيني من كل شر
استغفر الله العظيم واتوب اليه
الحمد لله

[دلوعة ناصر]

استغفر الله ما تشوفين شر حبيبتي الله يشفيك مما انتي فيه ويبعد عنك كل مكروه
اذا مخذتي علاج من الدكتوره او غسول داومي عليه ولا تاخذين اي اعشاب وبس ..يمكن تضرك ماتنفعك

[وما توفيقي الا بالله]

هلا بك تحفتي مبروووك على البنوووته الله يقر عينك بشوووفتها يارب ويهون عليك ..

استغفر الله العظيم وييييينك وين ايامك وحشتينا سلامتك ياالغلا ماتشوفين شر ياقلبي الله يحفظ لك جنينك ويهون عليك يارب ... ماأقدر أفيدك بس ماراح اقصر بإذن الله في الدعاء لك ..