تجمع حــوامل التوائم

[توأم روحي]

بنات متى يبين جنس الجنين

[جومانا]

سلاااام بنااات الله يهون على الجميع
هلا فيك توأم روحي
شخبارك قمرين وينك مختفية

[نواعم النعومه]

بنات انا بطني صغير وانا بالشهر الرابع عااااادي
وش اللي يزيد حجم الاجنه ؟؟؟؟؟؟؟؟؟؟؟؟

[توأم روحي]

نواعم النعومه
اتوقع عادي لأن كل وحدة طبيعة جسمها غير

[أم فاطمة]

مساء الخيرات على كل الكروشات شلونكم وشلون المنخشين عندكم ههههههههه

توأمي فرحة عمري انا قلت بجهز في رمضان عشان مع اغراض العيد تصير الطلعة وحدة

حنان انا ساعات اقول ودي اعرف بس مو متجرأة اسأل انا لي في 23 اشعة بسأل الدكتور وأشوف لاني ابي اسوي طقم للنفاس وارتاح شوي

الله المعين

[أم فاطمة]

توأم روحي اهلين فيش معانا وان شا الله تستفيدين من تجاربنا السابقة وتفيدين

انا كنت مقررة اولد في خاص بس امي مب راضية تقول عشان ما يجي لش اي احد في اي وقت لان في ناس نعرفهم متطفلين يجون في اي وقت حتى لو كان آخر الليل وفي الحكومة الزيارة محددة ورايها كويس لانها خايفة علي وعلى البيبيات

[البرنسيسة..؟]

مســــاء الخيــر بنـــات

[قمرين 2]

جومانا
أنا بخير حياتي وصحيح نوعا ما مختفيه تعرفين ورانا رمضان وعيد وبيبيات جدد
أجهز للعيد كل يوم أروح أفصل عبايه شكل أقول اذا ما طلعت هاذي حلوه علي أكيد العبايه الثانيه بتطلع حلوه
للحين صار لي مفصله 5 وكل وحده من محل وكل وحده قصتها وموديلها مختلف .... وما زالت لستة المشتريات طويله عريضه هذا وأنا وراي ثلاث ربي يحفضهم للحين ما شريت لهم ولا شي
ولستة رمضان وراهم هههههههههههه
وبكمل أغراض التوأم انشاء الله بعد رمضان

[توأم روحي]

هلا والله أم فاطمة
عدل كلامك أنا من الكويت أول ما سويت سونار في الشهر الثالث كان في مستشفى خاص ، من عرفت الدكتورة إني حامل بتوأم كتبت لي مثبتات و قالت لي استخيري عشان أسوي لك عملية ربط لعنق الرحم، قلت لها أنا أحس اني طبيعية و ما أحتاج مثبتات لأن ما يجيني نزيف، قالت لي انتي مسقطة من قبل (أول حمل لي) ولازم تاخذين. ما ارتحت لكلامها ورحت لمستشفى حكومي عندنا (مستشفى الصباح) قالت لي الدكتورة انشالله ما تحتاجين لأن ولادتك اللي قبل (ثاني حمل) كانت طبيعي و نحكم بعد ما نعمل لك سونار داخلي. المهم سويت سونار داخلي و الحمدلله قالتلي اتساع عنق الرحم سليم و ما تحتاجين عملية ربط و لا تحتاجين مثبت. هذا دليل إن المستشفى الخاص في بعض الأحيان بس يفكرون بالفلوس. الله يثبت اللي في بطونا و يحفظهم و يجعلهم من الذرية الصالحة آمين

[توأم روحي]

قمرين 2
الله يعينك انشالله
والله أنا جهزت ملابس التوأم و بس، الله يعين على تجهيز رمضان و القرقيعان و العيد و بعد هذا كله المدارس على الأبواب
الله المستعان