أحلى تجمع لحوامل التوأم الجزء الرابع

[اتمنى الفرح]

اهلا وسهلا بالجميع والف مبروك للامهات الذين ولدوا والله يجعلهم من مواليد اليعاده يارب ويتمم بالخير على من لم يلد بعد
اعرفكم بنفسي انا حامل بتوام والحمدالله لكن فرحتي لم تكتمل للاسف والسبب زوجي الي في كل حمله يبي ولد وطبعا
ليس في يدي هذا الشي وحاولت كل مااستطيع لاحمل بولد وذهبت لدكتوره واخذت حبوب بوتاسيوم وضبطنا ان يكون
الجماع بالمحلول القاعدي عند نزول الدوره بالاضافه الى حميه ٣ شهور ولا اعرف يمكن اخطات بشي او هكذا اراد الله
والحمدالله على كل حال ذهبت لطبيبه بمستشفى حكومي بالشرقيه لترى اذا حامل بمشيمه او اثنتين ومره تقولي وحده
ومره ثنتين طيب حاولت اجاهد السوال على لساني لما جلست معها تكتب تقرير لي ايش شفتي ولد او بنت قالت يمكن بنت
مايشوف شي يدل على ولد وهنا اسودت الدنيا عندي لاني عارفه زوجي ضعيف الايمان ويكبر الموضوع جدا فأخذت ادور بين
المنتديات ادور تجمع يفرحني واسمع سوالفهم حول التوام لاني تعبت وابحث واتمنى الفرح وطبعا مايكلمني ولا يتعامل معي مثل
الخلق كرهني بنفسي جدا صرت اطالع بطني واقول ايش ذنبي وايش ذنب بناتي اذا صح كلام الدكتوره اتمنى ألا تقسوا علي بالكلام
بس حبيت افضفض لكم انا لي فتره متابعه معكم التجمع هذا بس مالي جرأه اشارك وفرحت للي ولدوا حديثا وانتظر الدور على مين
انا في اول يوم بالسابع اشكركم لقرائت رسالتي

[الشموع المضيئة]

المشاركة الأصلية كتبت بواسطة اتمنى الفرح

اهلا وسهلا بالجميع والف مبروك للامهات الذين ولدوا والله يجعلهم من مواليد اليعاده يارب ويتمم بالخير على من لم يلد بعد
اعرفكم بنفسي انا حامل بتوام والحمدالله لكن فرحتي لم تكتمل للاسف والسبب زوجي الي في كل حمله يبي ولد وطبعا
ليس في يدي هذا الشي وحاولت كل مااستطيع لاحمل بولد وذهبت لدكتوره واخذت حبوب بوتاسيوم وضبطنا ان يكون
الجماع بالمحلول القاعدي عند نزول الدوره بالاضافه الى حميه 3 شهور ولا اعرف يمكن اخطات بشي او هكذا اراد الله
والحمدالله على كل حال ذهبت لطبيبه بمستشفى حكومي بالشرقيه لترى اذا حامل بمشيمه او اثنتين ومره تقولي وحده
ومره ثنتين طيب حاولت اجاهد السوال على لساني لما جلست معها تكتب تقرير لي ايش شفتي ولد او بنت قالت يمكن بنت
مايشوف شي يدل على ولد وهنا اسودت الدنيا عندي لاني عارفه زوجي ضعيف الايمان ويكبر الموضوع جدا فأخذت ادور بين
المنتديات ادور تجمع يفرحني واسمع سوالفهم حول التوام لاني تعبت وابحث واتمنى الفرح وطبعا مايكلمني ولا يتعامل معي مثل
الخلق كرهني بنفسي جدا صرت اطالع بطني واقول ايش ذنبي وايش ذنب بناتي اذا صح كلام الدكتوره اتمنى ألا تقسوا علي بالكلام
بس حبيت افضفض لكم انا لي فتره متابعه معكم التجمع هذا بس مالي جرأه اشارك وفرحت للي ولدوا حديثا وانتظر الدور على مين
انا في اول يوم بالسابع اشكركم لقرائت رسالتي

اهلين اختي والف مبروك لك الحمل والله يتمم لك لا تشيلين وتتعبين نفسك صدقيني من تجيبيهم راح يغير زوجك رايه في البنات ويحبهم حب مو طبيعي انتي دايما ادعي دايما انه ربي يحنن قلبه عليكم ويهديه لك ووقت الولاده نفس الشي والبنت غيرررر تجذب قلب ابوها بسرعه وباقي لك مشوار بالحمل وبصراحه حمل التوام متعب جدا لا تكئبين نفسك وحاولي تغيرين الجو وتلهين نفسك باي شي

[اتمنى الفرح]

على فكره اشوفكم تتكلمون عن ابره الرئه هل هي ضروريه لان مالي موعد الا بعد العيد

[لذة الصبر لاتقاوم]

اتمنى الفرح قريت كلامك مرتين واستغربت سبحان الله اذكري قول الله تعالى ( لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَاناً وَإِنَاثاً وَيَجْعَلُ مَنْ يَشَاءُ عَقِيماً إِنَّهُ عَلِيمٌ قَدِيرٌ) (الشورى49-50) اذا زوجك عقليته محدوده انتي خلي ايمانك بالله قوي واحمدي ربك ليل نهار على هالنعمه العظيمه انا 12 سنه من مستشفى لمستشفى راح عمري وانا اتمنى الضنا والحمد الله ربي عوض صبري خير فلذالك مهما كانت ردة فعل زوجك تجاه البنات تاكدي انه رزق من ربي اختصك به واخره عند غيرك اسئل الله ان يجعل بناتك ستر لك ولاابوهم من النار

[اتمنى الفرح]

حياج الله لذه الصبر والله يجزاج خير على كلامج بس تعرفين نفسيه دمار انا ماعدت اتابع في اي مكان
دخلت المنتدى علشان اشوف ايش يسون امهات التوائم واشوف ماشالله متابعه وسوالف وشغلات وأبر والي تقول
تثبيت وشي ابر رئه وانا في دوامة ثانيه صنعها زوجي لي الحين التعب بالقومه والقعده علي وأول مره اعرف ايش
معنى الحمل وهن على وهن ماصارلي قبل كذا نفسيتي دمار احيان اقعد اتلمس الحركه أبي انسى واعيش الجو
ماأحس قتل هالاحساس تصوري تقعدين مع واحد بس ناكل ولاتشوفينه واذا دخلتي عليه عطاج ظهره مع ان في
اول زواجنا كان يبي عيال وقعدنا ٣ سنين ولا في اي سبب ولا مانع بس سبحان الله حملت مرتين وسقطت يقولون كذا
بعدها ربي رزقني بالعيال وهو يناظر راسم له رسمه انه يبيهم كلهم اولاد انا اتكلم معاج واحس بحركتهم احيان احس
انهم يكلموني ويذكروني بوجودهم مدري هل انا بالموقع الصحيح ولا مفروض اروح قسم النفسيه واظل هنا بس اقرا وسكت
بس تعبت نفسيتي تعبت أبي أتواصل مع امهات التوائم واشتكي لهم من اوجاعي واسمع ايش فيهم أنا ماأنام نومي قليل تحملوني

[اتمنى الفرح]

انا اشكر المنتدى ألي خلانا نقرا ونتعلم حتى لو ماشاركنا ترى الدنيا تجارب وتفاعل سحبوني معكم خلوني احس بحملي
باقي لي ثلاث شهور مادري شلون المشوار أكمله فيكم وبسوالفكم يتوسع صدري ��

[لذة الصبر لاتقاوم]

اختي الغاليه اكتبي وفضفضي هالمكان مليء باخوات اجتمعو على حب الخير الله يسعدك بنسبه لحمل التؤام فهو بنسبه اول حمل لي شعوري غير عن كل انثى اول مره احمل في احشائي جنين ومن فضل ربي انهم تؤام اسئل الله ان يقر عيني بشوفتهم وهم في اتم الصحه والعافيه كاملين في خلقهم وخلقتهم احساس جد رائع مع شوية ثقل وتعب الله يكتبلنا الاجر استمتعي بحمل تؤائمك يمكن التجربه ماتنعاد جهزي للي بطنك وافرحي عيشي احساسك لاتخلين شي يكدر عليك بنسبه لابرة الرئه مارضت تعطيني دكتورتي تقول لمن اشوف بوادر ولاده مبكره اعطيك انا بشهر الثامن الله يتمملي ويتمم لكل اخت مسلمه سوا بتجمع ولابرا المنتدى

[اتمنى الفرح]

شكرا الف شكر لذة صبر على كلامك الجميل وألي أحس فيه ايمان صادق والله يتمم لك على خير وتقر عينك بشوفتهم
وضمتهم الى صدرك والف مبروك ياشموع مضيئه على السلامه مأجوره ان شالله على التعب ألي شفتيه وصدقوني
اناأحاول حتى قدام عيالي اني بخير وتمام بس تراني ماقلت لهم اني حامل بتوام لاني عارفه بيقعدون البنات يبون
بنت والولد يبي اخو له وهذا بعد عامل دور لانه دايم يحن ابي اخو ابي اخو واحيان البنات مايبونه معهم فيقعد لهم
على الوحده استمروا سالفوا عن الحمل احب اسمعكم واقول هذا زيي لاانا مو كذا سوالفكم ترجع فيني الروح
احيانا اضحك واناظر ايش بتردون على بعض صرت مااطلع ولا اقابل احد لايسالون وش فيج تعبانه وليه كذا صايره
تجيني الام بركبتي فظيعه فجاه كذا تستمر مده تقعدني حتى من النوم وتروح بعدها كانها ماكانت غير العظام جنب
المثانه مادري هي اربطه ولا عظام

[ضي الروح]

اختي اتمنى الفرح هلا بك بيننا والله يباركلنا وياك
نصيحتي واسمعيها ادعي ربك انه يرضي زوجك بالي فبطنك واكثري من الاستغفار واسمعي كلامي لاتجعليه اكبر همك عيشي حياتك وافرحي بحملك لان شكلك كذا بتدخلين نفسك فدوامة اكتئاب وبتضرين الي ببطنك لاقدر الله
استعيني بالله وابتسمي ابتسامة الرضا والله بيرضيك ويرضي ابوهم ان شاالل ويسخره لك

[سووود العيووون]

حنان
الف الف الف مبررووك الله يجعلهم مواليد الصلاح
ويرزقك برهم


اتمنى الفرح،، الله يكون بعونك ،،بس مالك الا الدعاء الله يسخره لك ولبناتك
وانتي عيشي حيااتكماعليك منه لاتفكرين بعقليته،،وكل يوم احمدي ربك ع النعمه اللي انتي فيها
فيه نااس تتمنى بس تحمل
وفيه من تبغى بس ولد واحد
وانتي الحمدلله تحملين وتجيبين وعندك ولد،،الله يصلحه ويخليه لك