تجمع امهات التوام حياكم

[محجبه]

هلا والله نارا وحشتيني صراحه ضربتي على الجرح انا بطني مترهل مره ومضيق صدري كنك تتكلمين عني ورياضه البطن صعبه مرررره
يارب تخفف منها بالعافيه

[سآره]

امهات التوينز وش الحل للشرقات والامساك؟؟

ولدي فيه امساك

وش رايكم بحليب نوفلاك 1...؟؟

وشلون تنظمون نوم عيالكم انا صرت ماانام كلش

ومانزل مني حليب وش الحل ودي ارضعهم

من جد حملهم اسهل بكثير من التربيه الله يعينا ويقوينا ويحفظهم لنا

[محجبه]

ساره انا للحين بناتي يشرقووووون وراح تتعودين بس الحل اقلبيهم وطقطقي ضهورهم ثم من عدليهم واضغطي الي بين القفص الصدري فوق البطن باصبعين لك خمس مرات وراح تتنفس

[زود الغلا]

سارة ... لله يعينك ...ما ادري شسالفة الظاهر التوائم كله يشرقون الله يحفظهم .... والنوم صعبة تضبطينة لانهم على كيفهم .......... ونوفولاك انصحك فية يهبببببببببببببببببل .

[جومانا]

الحمدلله على السلامة سارة
انا حليب اولادي سميلاك وماحس انه يكبرهم مدري اغيره او انتظر
وصار الوضع مرة صعب كل شي مع بعض بكاء جوع وحفاظ

[الذوق]

السلام عليكم ورحمة الله وبركاته
كيفكن بنات ياربي من الشرقات من جد يحزنو لماتجيهم وبعدين انا عندي واحد يشرب الحليب بطريقه مضحكه يسرع ويكبكب والثاني مايتقبل الباربونه بسهوله وكلهم حالتهم تؤدي للشرقه

[سآره]

مشكورين بنات على الرد الظاهر ان الشرقات مشكلة الكل

طيب بنات والمغص والامساك وش الحل معاه

ولدي سره بعد ماطاح بكم يوم صار ينزل منه دم وش اسوي

متى ختنتوا اولادكم ماادري متى انسب وقت

اه يابنات مافي راحه ولا نوم الله يعين

[زود الغلا]

هلا والله بالامهات الله يعين كلة باجرة
سارة حبيبتي ايام وتتعودين على الوضع
بالنسبة للمغص عندك دوا بالصيدلية اسمه سالينال عجييييييييييييييييييييييييييييييييييييييب وحدة تمدحة بالمنتدى وجربتة شي رهيب اخذته حق بناتي من غير وصفة 5 نقط بالفم يريحهم ويخليهم ينامون بس لا تعطينهم الا وقت الضرورة لما تحسين انهم حييل تعبانين مو قادرين ينامون وبالنسبة للمغص العادي عطيهم ماي غريب وبعد كل رضعه نيميهم على بطنهم لمدة 10 دقايق وبعدين عدليهم .
وبالنسبة لسرة البيبي اخذي منقوع المرة الماي بقطنة وامسحي حول السرة موووووو فوقها لالالا حواليها وشوفي النتيجة .
ختان الولد اذا تم شهر احسن لا تطولين اكثر من شهر.

[نـــــــارا]

للمغص جربوا ماء غريب 2.5 مل خاصة الإمساك
وإذا المشكلة في المعدة.. colic drops

وفي ملينات بالصيدلية تنباع منها نوع اسمه إيزيلاك

وحاولوا ترضعون طبيعي لأن يخفف الامساك الحليب الصناعي هو اللي يجيب الامساك بشتى انواعه

على ترهلات البطن.. أنا الحمد لله وزني نازل واجد أقل من قبل لا أحمل.. بس كرشتي تفشل رغم أني مخخفة من زود ما ألبس الضاغط... بس هالجلاويد مادري كيف أشيلها وصار لي كم يوم أحاول أغصب على نفسي تمارين البطن

[زود الغلا]

نارا .........انا اول ماولدت ضعفت حيييل وزني رجع مثل قبل بس ماحافظت واللحين زاد وزني والكرررررررررررررررررررررررررررررررررررررررررررررر رررررررررررررررررررشة مسببتلي كابة حييييييييل وخصوصا اني والدة قيصرية فالتصميم البطن متغير حييل .ما ادري شنو الحل ؟؟