دردشة حوامل القطيف- تجمع بنات القطيف

[ليلى محمد]

جنووووي اذا في الاسبوع الخامس ووحمش ثقيل كان الله في عونك والله بساعدش في الاسبوع 8-11 اشد شي

[مشمر زري]

ليلى عندي استشاره نسائيه شكلي قررت اعينش طبيبتي و اتابع عندش هههههههه

اني ها ها ها ها

وحمي احس بلوعه على خفيف في شبدي و ماشتهي ريحة البخور !!!!

مع اني اول ما عرست كل يوم ابخر الشقه و الحين من تنشب البخوره تجيني اللوعه

و كله نفسي في موالح و حوامض و على الخصوص الفواكه

هذا وحم ؟؟؟




دكتورتي كيف احسب اني في اي اسبوع بالضبط ؟؟؟

اني حطيت اخر موعد في الدوره في موقع تصميم التوقيع و طلع ليي

[أميرة دنيتي]

مشمر
شوفي حبيبتي اسمحي لي بتدخل شوي في موضوعش
اني اللحين في الشهر السابع على نهايته والله يتمم لي بخير ويتمم للجميع يارب
بس اني بقول لش قصتي قبل لااعرف اني حامل
تاخرت الدورة يومين ورحت حللت في الهادي والحمد لله طلعت حامل انبسطت كثير وشكرت ربي وال بيت محمد
المهم بعد كم اسبوع كان عليي اختبار في الكليه وقعدت كعادتي بس حسيت شي نزل مني رحت الله يكرمش الحمام وشفت نازل مني بني قعدت ابكي وعفست المسكينه امي على حالتي ومارحت اختبرت في دا اليوم
المهم رحت في نفس اليوم البطي وقالت لي بنسوي سونار فسويته وقالت لي انا الجنين مو باين معهم بس الكيس بس عطتني دفاستون وشربته وسوت لي تحليل هرمون وبعده بيوم سوت لي التحليل التاني عشان تشوف اذا يرتفع او لا والحمد لله طلع مرتفع
المهم ضليت على هالحال شهرين وكان ينزل مني بعض الاحيان دم لونه احمر بس اخر مره كنت في الثالت ونزل مني دم كثير ومعاه مثل الخيط الطويل وكان لونه اغمق من لون الدم خفت ورحت البطي وكانت الدكتوره مو موجوده فرجعت البيت وارتحت وماوقف معاي ليوم تاني رحت لها وعطتني الدفستون وشربته لين خلصت التالت والحمد لله سويت السونار وقالو ليي انا الجنين توه صغنون وسوو لي نبض القلب بعدها والحمد لله اللحين كل شي بخير ولله الحمد
فأنتي ياحبيبتي توكلي على ربش واذا الله كاتب لش رزق في هالبيبي بيعطيش وياه توسلي بأم البنين وعبدالله الرضيع وآل البيت والله مابيخيبوش
والله يتبت حملش ويرزقش الذرية الصااالحة يارب
انتي انتبهي لنفسش ولاتتعبي حالش وخلش على الدفستون اشربيه واشربي معه حامض الفوليك وان شاء الله خير
وللمعلوميه اني كان سبب الدم كيس الجنين منفصل عن الرحم بنسبه بسيطه
فأنتي ان شاء الله يكون كل شي سهاله في حملش والله يتبته لش ويفرحش بسماع نبضات قلبه ويأديش برفيسه ومايحرمش من هالفرحه ياااااااااااارب
اعذريني اذا تدخلت في موضوعك

[أميرة دنيتي]

ام حسين
ماتشوفي شر يالغالييييييه
ان شاء الله تكوني بخير والله يتمم لش حملش على خير يارب
ان شاء الله تدخلي وتطمينا عنش
عساش بخير ياااااارب

[ام حسين الدار]

المشاركة الأصلية كتبت بواسطة سماء امل

ام حسين
ماتشوفي شر يالغالييييييه
ان شاء الله تكوني بخير والله يتمم لش حملش على خير يارب
ان شاء الله تدخلي وتطمينا عنش
عساش بخير ياااااارب

تسلمي ياعمري وفيش الخير والله اسهل عليش الحمل والولاده واتبشرينا عنك

[أميرة دنيتي]

نظرتي
مبرووووووووووووك ياقلبي البنوته وعقبال ماتفرحي وهي في حضنش ياااارب
الله يتمم لش على خير يارب

[مشمر زري]

هلا سماء أمل رفعتي معنوياتي بالقوووووة تخيلي اني حايسه في عمري في الزهراء قالوا ليي اني في الاسبوع السابع الحين الاسبوع الي راح يوم الاثنين نظفت شقتي كلها كلها و طبعا شقتي الحمد لله كبيره و نزل مني افراز بني زي الي ينزل قبل الدورة بيوم أخر اليل رحت الحمام اشيك الا دم وسكتت ما قلت الى زوجي خفت اخلعه في نص اليل و ما احس بألم ابدا ابدا رحنا المستشفى و على طول تحليل دم و بول و تالي اشعة الالتراساوند و الكل ساكت !! و تالي تنويم و مغذي و بعدين ابره ياااااعلي شفت الموت حاره و جتني الالم الدوره النحيسه الله يغربلها و تالي عطوني مسكنات و يوم ثاني رخصوني وقالت حبتين دفاستون و فوليك حبه يوميا بعد 8 ايام وقف النزيف و الحمد لله ( الدوره اقصد ) هم يقولوا نزيف و اني اقول دوره وكله ساكتين امس يوم الاربعاء رحت و قلت اليها وقف النزيف الحمد لله راحت حطت عليي جهاز مادري ويش اسمه شفنا الكيس الحمد لله بس قالت ماني قادره اسمع نبض و عطتني موعد الى الالتراساوند الاسبوع الجاي يوم الثلاثاء لا قالوا ليي اني في اي اسبوع اكيد لا قالوا ليي نتيجة التحاليل لا قالت نتيجة البول و لا كلمه حتى لما رحنا سوينا حجز الى الالتراسوند يقول ليي رجلي والحين خلاص؟ قلت اليه مادري الحين اني قررت ماني مسويه الاشعه مو لعبه هاذي المره كم الا باصور ما صارت دي و المتابعه ماني رايحه الا بعد الناصفه على خير و باروح المستوصف الا في الناصره ان سمعت النبض ان شاء الله كان بها ما سمعته لا سمح الله لكل حادث حديث و لا باتعب نفسيتي و لا باحاتي اني و زوجي متوكلين على رب العالمين و الله يقدم الا فيه الخير اني اكتب هنيه اسلي نفسي و عشان اباعد وسوسة بليس الله يلعنه من راسي و كلام البنات يواسيني

[مشمر زري]

الله نظرتي بنيه كلووووووووووووووووووووووووووووووش

جهزي الشباصات و الاطواق الورديه

الله يتمم لش على خير اسمحي ليي ترى من الي فيي الحمد لله ما نتبهت

على البركه غناتي

ويش بتسميها ؟

عشان من الحين اسميش ام ........

[أميرة دنيتي]

مشمر
وربي مااكذب عليش سويت سونار في بداية حملي بالهبل حتى رجلي يقول لي لاتسوي بس اني من المحاتاه اقول بسويه يعني تخيلي ساعات يكون يومين ورى بعض اسوي سونار من الدم وكله كان في البطي وعلى حسابنا طبعا يعني لو مسويه البرنامج اهون لي ههههههههه
انتي توكلي على ربش حبيبتي والله اذا كان لش نصيب فيه بيعطيش وياه
اهم شي تكوني مرتاحه اني كلما كنت متضايقه او زعلانه ينزل مني او اذا اشتغلت في البيت بعد فانتي كوني مرتاحه ولاتضايقي حالك حتى لو نزل دم الله لايقولها مره تانيه خلي ايمانش بالله قوي ولاتخافي ومثل ماقلتي روحي اول اسمعي النبض وان شاء الله تسمعيه وبعدين روحي تطمني على البيبي
ياقلبي اني اعرف وحده حملت بعد سنه من زواجها وطلع حملها خارج الرحم يعني هي عارفه وش بيكون مصيره بس كان ايمانها بالله قوي سقطت وماشاء الله في الشهر اللي بعده حملت على طول واللحين هي مثلي بالسابع الله يتمم لها على خير

[أميرة دنيتي]

اعذروني حبيباتي عندنا ضيوف اني استاذن
مع السلااااامه