تجمع حــوامل التوائم

[حزن الزمان]

عسولة شلونك شخبارك وحشتينا ... شخبار البنات

[نـــــــارا]

أنا حامل بتوأم ومتخوفة وايد لأن أول حمل لي وأشتغل ووايد أحس بتعب

متى تخبرني الدكتورة إذا كانوا مشيمة وحدة ولا ثنتين؟ في أي شهر؟ لأني بدخل الشهر الرابع الأسبوع الياي

[كوثرية]

توأمي فرحة عمري

انتي حددولك موعد الولادة ولا لا يعني دكتورتك تتوقع تكملين التاسع ولا فيه ولادة مبكرة لاسمح الله

لا والله ما حددت ولا أنا سألتها

ولا أنا قادرة أحدد لنفسي

مرات اقول أكييد رح أولد مبكر لأني أولادي الثنين ولدتهم مبكر

ومرات أقول لاا مو شرط الأولي ولدته مبكر بسبب نزول الماي والثاني بسبب التهاب الربط

وهذا أنا إذا حبيت أزهق نفسي زيادة أقول بولد مبكر وإذا حبيت أطمن نفسي أجيب مبررات للتاخير خخخخ

أنا حامل بتوأم ومتخوفة وايد لأن أول حمل لي وأشتغل ووايد أحس بتعب

عزيزتي نارا اهتمي بنفسج ترى طبيعة التوائم يجون مبكر لا تعجلين عليهم انتي بعد زيادة
أنصحج بالإهتمام وشوفي لج من يساعدج في الشغل .

متى تخبرني الدكتورة إذا كانوا مشيمة وحدة ولا ثنتين؟ في أي شهر؟ لأني بدخل الشهر الرابع الأسبوع الياي

تقدرين الآن تعرفين لأن المشيمة تكونت

أنا أتذكر علموني في الأسبوع الـ16 بس ممكن يعلمونج قبل

[حب العراق]

مرحبا اني اخر زيارة للدكتورة اكتشفت انو اكو نبضين كالت احتمال توام واحتمال شريان واثنينهم نفس الكيس بس لكت جنب كيس الطفل كيس ثاني فارغ اني خفت بس كالت عادي وكالت اكو كيس بحجم 3 سم على المبيض كالت هذا طبيعي من تطلع البيضه يصير بس اني مقتنعت بحجيها وخايفه من هذا الكيس شنو تنصحوني اشوف غير دكتورة

[نـــــــارا]

حوامل متى يوقف وحام التوأم؟ تعبت عن جد!
وبعد حاسة بآلام في ظهري وإرهاق وكله أبي أرقد!

انتوا متى وقف عليكم الوحام؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

[نونة العسولة]

المشاركة الأصلية كتبت بواسطة نـــــــارا

حوامل متى يوقف وحام التوأم؟ تعبت عن جد!
وبعد حاسة بآلام في ظهري وإرهاق وكله أبي أرقد!

انتوا متى وقف عليكم الوحام؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

انا وقف على اخر الثالث
اي عادي هالتعب من الوحام في حوامل يتوحمون على النوم
عن الحبوب عادي انا بس اول فترة تعبتني بس الحين عادي ..

[كوثرية]

حوامل متى يوقف وحام التوأم؟ تعبت عن جد!

يختلف من وحدة لوحدة

أنا خلص وحامي على آخر الثالث، بس من جد لعب فيني لعب
وهو عادة وحام التوأم يكون أشد...الله يساعدج

بس ما قلتي لي انتي بأي شهر ؟

وعندي مشكلة من بديت آكل حبوب الحديد وأنا معدتي زايدة في الاستفراغ واللوعة

في نوعية من حبوب الحديد تكون قوية ومخلوطة مع الفوليك أسيد وبعض الفيتامينات، هذي الحبوب أشوف البعض يتحسس منها، والبعض حتى تسبب الهم اسهال .

ممكن يكون حبوبج منها، فإذا رحتي للدكتورة خبريها

[نونة العسولة]

حزونة

والله نفسيتي واعصابي تعبانه

مااعرف هرمونات الحمل لاعبه لعب فيني

بس ابجي وصاكه فيني الدنيا .... امس رحت اتمشى قلت اغير جو

نزلت بالمول ولا يتصل فيني ريلي قالي بتاخر اليوم عليج بالليل قمت ابجي مثل الياهل !!!

ياربي احس تصرفاتي مو طبيعيه احس روحي بنفجر من كل ناحيه

من التفكير بالسفر وبالحمل والحمل اساسا متعبني وقالبني فوق تحت

والبنوتات الحمدلله بخير من احس بحركتهم ولعبهم ارتاح شوي

دعواتكم ..

[أستاذة ذوق]

مساء الخيرات عسوله شلونك
اختي نارا أنا كان يصير معي كذا اذا خذت الحديد على طول اتعب واستفرغ ماتحملها ووقفتها الرابع كله ونص الخامس كرهتها بعدين الدكتوره غيرتها لي نوع ثاني بصراحه ممتازوخفيف اسمه (فروز) بالشوكولاته هو اللي ناسبني
يمكن انتي نفس حالتي خلي الدكتوره تكتبلك مثله أكيد بيناسبك

[حزن الزمان]

عسولة حبيبتي هذا الحماااال بالبنت يجيب هالكآبه أكثر من الولد ... غيري جوو ونسي نفسك
وخليها على الله ... صدقيني الله بيسر لك كل شي ... قولي يارب الخيرة فيما اخترته وخلاص
صدقيني النفسية التعبانة مب زينة ... ياروووحي اهتمي بنفسك والله افتقدتك وشفتك خلاص كسلتي من الردود هههههههههههههههه يله فرفشي وخلي كل شي على الله ...