&*&تجمع أمهات المستقبل للمقدمات والمنتظرات نتيجة أطفال الأنابيب والحقن المجهري&*&

[ضامي حناني]

ريتاج2009
اخدو مني مسحه من عنق الرحم بعد الجماع والدكتوره قالت ان العلاج اطفال انابيب او تلقيح صناعي

[مايا2010]

اهلين بنات كيف الاحوال؟
ضامي حناني
الله يرزقك الذرية الصالحة قريب يارب بس اظن انتي يناسبك حقن مجهري يعني يرجعولك اجنة اما التلقيح الصناعي مااظن ينفعلك واتوقع اللي زي حالتك لها علاج خاص يعني ادويه وابر خاصة لوضعك وبالنسبة اللي قالت عنها ريتاج ابر كلكسان انا اخذها هي لسيولة الدم وليس للاجسام المضادة

[ريتاج2009]

هلا أختي ضامي حنانك مشكوره على ردك تصدقين إلا هالشي ماسويته ومثل ماقالت لك أختي مايا سوي أطفال انابيب لا تسوين تلقيح صناعي لأن التلقيح مثل الجماع بس بدل مايصير مع زوجك هم يسونه
أنا سويت تلقيح صناعي ومانجح ربي لك الحمد وحالياً بسوي أطفال أنابيب
مايا مشكوره هلى الرد والله يجعله في ميزان حسناتك

[ريتاج2009]

ونااااااااسه ثبتوا موضــــــــــــــــــــــــــوعي





مشكوره أختي سماسم على التثبيت وهاذي هديه بسيطه لك أتمنى تقبلينها

[ضامي حناني]

مشكورين خواتي على الرد مرررررررررره فرحت بردودكم واهتمامكم ليي لأن كنت جد محتاجه احد معايي والحمدالله لقيت ليي خوات يقفون معي ويساعدوني في مشكلتي
طيب ابي اسئلكم الأخصاب الخارجي هوه نفسه اطفال الأنابيب ولا يختلف ودا كان يختلف ويش الفرق بينهم؟

[ضامي حناني]

اختي ريتاج 2009
نصيحه سوي هادا التحليل تدرين اني ماخليت شي ال سويته وستخدمت ابر منشطه وكلوميد وسويت اشعه الصبغه الا هالشي ماسويته وكنت مستغربه ليش كلشي اوكي ومايصير حمل وبصراحه انا ماضايقت ان فيني اجسام مضاده لأن عرفت السبب تاخر حملي والحمدالله الطب طور وصارت في وسائل كثيره طيب خيتي انتي ويش قالت لك الدكتوره مشكلتش ممكن اقدر افيدش

[ريتاج2009]

أختي ضامي حنانك الإخصاب الخارجي هو نفسه أطفال الأنابيب أو حقن مجهري رجعي أول صفحه وأستفيدي من الكلام المكتوب هناك...
أنا ولله الحمد قصتي قصه أكتشفوا أن عندي تخثر بالدم الشهر اللي طاف وأنا كنت ماخذه 17 أبره تحت الجلد الديكاببتيل واكتشفوا هالشي وعطوني أبر كلكسان بس أخذت أبرتين وسببت لي نزيف حاد وكلمت الدكتوره وقالت لي أوقف كل شي وكنسلوا عمليتي إلى الشهر هذا أنزين عادوا لي تحليل التخثر وطلعت النتيجه طبيعيه وعدته مره ثالنيه ونفس الشي النتيجه طبيعيه يعني لاطلع معاي تخثر ولاشي شكلهم غلطوا والحمد الله أنها عدت على خير..
وأسبوع الجاي ببتدي بأبر التحضير مره ثانيه أدعيلي..
وبخصوص سؤالك عن سبب تأخر حملي مافي سبب أنا وزوجي سليمين والحمد الله على كل حال وصار لي متزوجه سنتين و10 شهور ماصار لي حمل ولامره
أنتي من وين؟ وكم صار لك متزوجه؟

[ضامي حناني]

هلاا اختي ريتاج2009 اخبارك من زمان كنت تنظر ردش يارب يكون حملش في الشهر وتحملي الحمل السليم التام ويش هيه الأبره التحظريه الي بتاخديها
انا صار لي متزوجه سنتين وسبعه شهور وانا من الشرقيه ياليت اختي لوتفيدي بمركز للأطفال الانابيب بالشرقيه وافضل ان تكون دكتوره مو دكتور واكون شاااااكره لش
وانتي خيتي من وين؟

[ريتاج2009]

هلا أختي ضامي حناني
الله يسمع منك ونحمل من دون تعب
الأبر اللي سألتيني عنها هي أبر علشان يتحكمون بالتبويض تنوخذ لمدة أسبوعين وبعدها يكون عندك موعد وراح يعطونك أبر منشطه+ الأبر التحضيريه تقريباً لمدة أسبوع بعدين يشوفون التبويض إذا كويس ولا يزيدون الجرعه وإذا صار التبويض كويس يعطونك أبره تفجيريه وبعد 36 ساعه يكون السحب للبويضات وفي نفس اليوم عينة السائل المنوي من زوجك وبعد يومين أو ثلاثه يكون الترجيع...
وأنا مثلك من الشرقيه من الأحساء وبخصوص أفضل المراكز عندك مراكز الدكتور سمير عباس اللي بالخبر عند د سعد الدين قناوي ماشاء الله سمعه وأخلاق وعندك مستشفى سعد التخصصي عند د سهام العاكوم (حالياً أنا عندها) ولا عند عارف الخالدي وكلهم سمعتهم عال العال بس تكاليف مستشفى سعد تقص الظهر قص الله لا يضيع لنا تعب قادر ياكربم

[*رحمه*]

السلام عليكم
ربنا يكملك على خير يا ريتاج ويوفقك حبيبتي ، بس كنت عايزة اسالك كام تقريبا تتكلف العمليه عند دكتورة سهام