اللهم أجرني في مصيبتي وأخلفني خيراً منها

[عسولة فلسطين]

السلام عليكم
كيفكم يا صبايا
حابة اليوم أحكي عن قصتي بفقداني توأمي ( سلام وريهام) من أسبوع 24-5-2012
لتستفيدوا منها
طبعا انا عندي ضعف مبايض كتير شديد
وتعالجت له وحملت اول مرة ونزلت من بداية الشهر التاني
وحملت مرة تانية بتوأم بنات ... والحمدلله كنت مبسوطة فيهم واشتريت لهم تبانين شبه بعض ومقررة بس افوت الشهر السابع أنزل انا وماما السوق نجهزلهم
اللي صار عندي انه أنا وصلت لآخر الشهر الخامس وحبدأ بالشهر السادس فجأة صار ينزل مني مادة مخاطية ووجع بالضهر والبطن
رحت للدكتور عملت فحص بول الله يكرمكم طلع عندي التهابات كتير قوية ... ووالسبب ورق التواليت لأني كنت دايما استخدمه وهو الدكتور قالي غلط
المهم اخدت له علاج ... بس صار لون المادة المخاطية أحمر ينزل مني دم
رحت المستشفى قالوا لي من قوة الالتهاب وارتاحي
زوجي وداني عند بيت أهلي ارتاح عندهم رغم انه الله يرضى عليه كان مريحني
وأنا عند أهلي صار معي مغص قوي ووجع بالضهر كنت اعيط منه وصار ينزل مني كتل دم
هالشي كاين طلق وانا مامعي خبر لأني لسه بكرية وبدري ع الطلق
رحت المستشفى فورا قالولي انه عنق الرحم فاتح 7 سم ولازم اجهاض
الله لا يوريكم هيك موقف بحياتكم
صرت زي المجنونة الحمدلله انا راضية بقضاء الله وقدره بس اللي ما هان علي انه بناتي كانوا يتحركوا ببطني ويلعبوا وقتها ...............تخيلوا ما اصعبه من موقف !!!!!!!!!
المهم دخلوني غرفة الولادة ونزلت بنتي الأولى قبل خلاصتها ومع الزعل رجع الرحم سكر تاني ع قولة الدكاترة وتغلبت في التانية
بنتي الأولى نزلت على الساعة 12 بالليل والثانية على الساعة 11 ونص الضهر
ونزلوا بناتي يتحركوا وحطوهم بالحضانة لكنهم ماتوا ...
وكان السبب انه الدكتور الله يسامحه مش حاقول شي تاني ...... ناسي يعملي ربط لعنق الرحم

الحمدلله.... قدر الله وما شاء فعل...اللهم أجرني في مصيبتي وأخلفني خيراً منها