شرفينا/تجربة العضوات في لحظه المخاض

[أكليل الجبل]

المشاركة الأصلية كتبت بواسطة أم مروى..

مرحبا صبايا
بخبركم تجربتي ب ببنتي
انا كنت رابحة زيارة بيت اهلي وربيت في بداية التاسع وحضرت عرس بنت خالي وكنت متعدله ومتحنيه ولما صار العصر حسيت بآلام غريبه اول مرة تصيري ورحت مشيت شوي
وبعدين نطرت لين خلص العرس ونطرت لين الفجر وما قدرت انام كل دقيقه اروح الحمام وامي تشوفني وتحاتيني وبعدين نزلي دم وما خبرت امي وصليت الفجر وامي قالت خلاص
لازم تروحين المستشفى وشلني اخوي للمستشفى وما كنت حاسه بآلام قويه كانت آلام خفيفه
وبعدين دخلت غرفة الولادة قالت لي فاتح 2 سانتي وقالت امشي وانا رحت مشيت بكبر المستشفى واستغفر واذكر الله ووحدة من الاهل يابت لي حليب مع القرفه وشربت وبعدها حسيت ب آلام طلق قويه وما تحملت دخلتني الولاده ومفتوح 5 سانتي وسوتلي طلق وانا تعذبت من الالام صراخي واصل لاخر المستشفى هههههههه
واقول لهم ابي عمليه بس ما رضوا ويلست اصارخ لين يوم الثاني س 4:10 الفجر ولدت يبت بنوته مريم وفالاخير نست المشيمة ورجعت وحاولوا يطلعون المشيمة ما طلعت ودخلوني العمليات دايركت
سوولي عمليه من تحت وطلعوا المشيمة وبعدها قمت من البنج وشفت البنوته وزوجي وابوي وعمتي ونسيت كل الآلام بس الخياطة تمت تعورني لين خلصت الاربعين


اتمنى هالولادة تكون سهله وميسرة يااارب

يعطيك الف عافيه لمشاركتك

فعلا قصتك اول مره اسمع عنها تاخر نزول المشيمه وكنت قد ولاتي وسببت لك الخياطه

سبحان الله


ماذكروا لك سبب تاخر نزول المشيمه ؟

شاكره مشاركتك الطيبه

[أكليل الجبل]

تجارب اخري يعطيكن العافيه

[soosh]

لسا باقي على ولادتي

يسلمو على الموضوع المفيد

[أكليل الجبل]

عدت اليكن بتجربتي الثانيه لولادتي ب الحواري 10/1/20014

مشكلتي طلق بااارد منذ دخولي التاسع وكان الرحم منفتح 2 س

وضللت اعاني من الطلق البااارد ورفض اشرب شي ولكن كان زوجي

ينصحني لانه رحم حالتي لا انام بليل والالم طوااال النهار وصرت لا اطلع من البيت


يوم الخميس بدت الالم تتقارب وقلت عسي تزيد بدت من الظهر ولم اخبر زوجي

وصبرت وطنشت الالم وكنت ادردش هنا في تجمع التواسع وكلما جاني الالم

امشي ف حوش ادعو ربي ولكن مازلت احس الالم بارد لما رجع زوجي قلت له احس

الالم تقاربت بس بااارده قال اشربي خروع رفضت وسويت عشا خفيف وبعده جلست امشي

تعشيت ومازالت الالم مستمره وقلت اخذ خروع عسي يزيد طلق قبلها شربت عسل طبيعي
وبعدها شربت خروع وتوكلت ع الله

وتذكرت جلست قرفصاء وضللت ادعو ربي الالم تزيد ولا يبرد الطلق بعدها قمت ارجع قلت لزوجي انت نام صار وقت متاخر

ولكن ع ساعه 12 لم اتحمل و طلبت منه ياخذني مستشفي وقبل دخولي رحت امشي تقريبا ساعه وبرد كان شديد تعبت

ودخلت مستشفي تم فحص وفاجاه الرحم فاتح فقط 2 س معقووووله ياااربي

رفضت اخرج من المشفي قلتها خليني اروح امشي انا قريب بيتي بس رفضت لان ولادتي اولى عمليه وتخاف تصير عندي مضاعفات

وطريت اجلس معهم لحد الفجر والطلق يحمي ويبرد وصرت ارجع وامشي في قسم الولاده ثم تم فحصي وحصلوه 7 غرفه الولاده
وقلت الحمدالله

صليت وصار الدم يسكب مني اتصلت فزوجي

ودخلت غرفه الولاده بس لاحظت الدكتوره الطلق بااااارد لايساعد لسرعه الولاده ياااربي

وعانيت وركبوا لي طلق صناعي وبغيت اجن من الم وقلت لهم لاتعذبوني اذا ماشي امل اولد طبيعي

اولد بعمليه وخلاص وصرت ارجع

ودعوت ربي يخلصني ويسهل علي واردد ياااارب يااارب خلصني وسهل علي


ولكن صبرت على دكتوره جزاها الله خيرا وولدت قرب المغرب بعد معنااااااااه طويله طبيعي




ربي اجعله ولد بارا ومباركا

[sukar]

بالنسبة لي حصلت لي ولادة مبكرة
لكنها نفس الولادة الطبيعية ونفس الطلق الطبيعي

ولأني كنت بكرية ولسا مو بالشهر التاسع

ما جا في بالي ابدآ ان هذي اعراض الولادة
كانت الساعه 2 الظهر يجيني تحجير ويروح وتغديت ونمممت

ماحسيت على نفسي الا بعد العشاء
وقمت اسوي العشى لي ولزوجي

ولأني كنت نايمة ماحسيت بآلام بس الشد كان مستمر

ولما كنت بالمطبخ اقطع شوي واجلس ع الأرض من شدة الألم
وعلى هذي الحال لحد الساعه 12 صار الألم ورى بعض

وقلت لزوجي شكله فيني طلق يقولس انتي تتوهمين
بعدها خلاص صرت نا اقدر اقوم وجاني غثيان والألم ماسك رجولي

وحاسة اني بموووت من البرد وجسمي يرجف
وزوجي سيارته خربت ذاك اليوم

وجانا حماي انا كنت لابسة عباتي بس ماقدرت اقوم من الألم
زوجي رفعني واول ما رفعني نزلت الموية

وسبحان الله راح الألم واول ما ركبت السيارة صار البيبي يدف نفسه
وانا ضاغطة ع نفسي اخاف انزله بالسيارة

اول ما وصلت المستشفى نزل والممرضات يهاوشون لأنه كان فجر ومافيه دكتورة مناوبة

الحين خلاص عرفت كل حاجة وانتبهت ع حملي هذي
لأن الحمل الأول راح والبيبي مات

وصرت احسب بين الإنقباضات واتأكد من رجولي وظإري
لأن الم الطلق يمسك الظهر والرجول

والحمدلله ربي عدى علي 8 شهور وهذا التاسع
ربي يتممه لي ع خير واولد طفل سليم معافى تام الخلقة والأخلاق

[غصن مايل]

اليوم راح احكي لكم قصتي ولادتي ببنتي البكر المولود لاول
طبعن انا طوفت موعد الولاده المتوقع واعطوني مهلة اسبوع اذا ماولدت فيه راح يعطوني طلق صناعي او قيصري

المهم من يومها وانا ادعي ربي يفرج علي واولد طبيعي وصرت امشي كثير كل يوم وجماع احيانا
ويوم 21/5هجري حسيت شي نزل دخلت الحمام
وانتم بكرامه لقيت دم ومخاط قلت شكلي بولد اليوم المهم الظهر زوجي عنده دوام قلت له ضروري توديني المستشفى شكلي بولد اليوم وانت راح الداوم وتقفل جوالك ماتجي الا ١١ بالليل واخاف اولد ماعندي احد
ورحت على مستشفى ولما كشفت دكتوره تقول فاتح رحم ١سم
وانا طبعن ماعندي الم لسا ماحست الم الا لما دخلت يدها تقيس
وقالت تنويم وسوي تخطيط وطفشت منه واسمع اصوات الحاريم يصارخون م
وانا بعقلي اقول هذول من دلع يصارخون <مدري انهم يتألمون جد

جت القابله وكشفت بعد ثلاث ساعات اواربع لقت فاتح ١ ونص بس
وطلق عندي بارد جدا خلتني كمان اربع ساعات وكشفت ٢ سم وجت ممرضه ثانيه غيرها طالعت بتخطيط احسها انفجعت من شي بس ماقلت لي شي ونادت الدكتوره وشافت وطلعت ماقلت لي شي وبعد شوي جات ممرضه هنديه كويسه مره وجبت معها ابره اعطتني اياها في رجلي تقول تخفف الالم شوي
ولابره ثانيه ضربتها في المغذي وسئلتها شنو هذي قالت لتخفيف الم لكن شكلها كانت تضحك علي هذي ابرة طلق صناعي ماصارت الاساعه والم في ظهري قطعني تقطيع وقولها ابي ابره تهدي الم وتقول اصبري شوي وقا
ست لقت رحم فاتح اربع وبعد ساعتين قاست لقت خمسه الين ماصار عشره ماشاء الله وهنا انا تعبت لاني جاء اليوم الثاني وانا لسا ماولدت ولا اكلت شي ولاشربت بس على هذا معذي وتقولي دكتوره دفي اقولها كيف مااعرف تقول دفي دفي ولانولدك قيصري الجنين قل نبضه حرام عليك قلت لها انا تعبنها وادف بس مو عارفه كيف ادف وتعبانه مره سهر وجوع وحالتي حاله شوي وتقص منطقة العجان وهنا انا صرخت صرخه يمكن سمعها كل الي باممر
وشوي جابت الشفاط وشفطت بنتي وطلعتها بس المشكله بنتي مابكت نهائي واخذوها وماخلوني اشوفها وبدات تخيطني شوي كذا جابوها لي وقالوا انتي جبتي بنت قلت الحمدالله شفتها فيها شبه مني ومن ابوها شوي ووتصل زوجي يطمن علي قلت له انا تمام وجبت بنت وجاء شافني وشاف بنتنا وأذن الاذان في اذن بنتنا وسمها وجت امي واخواتي تحمدوا لي بسلامه وباركوا لي على بنت وجابوا معهم اكل سخن احسن من اكل مستشفى الي كله نواشف مافيه شي سخن
والحمدالله على كل حال
ارجوا من الله تعال ان يسر لي ولادتي بمولدي ثاني على خير يارب

اسفه على الاطاله ولكن احببت ان اقصها كامله لكي تستفيدوا منها وتستمتعوا بالاكشن • ‏​‏​هٍْـٌَِْـٌَِْعٌِ •• ‏​‏​هٍْـٌَِْـٌَِْعٌِ • • ‏​‏​هٍْـٌَِْـٌَِْعٌِ •• ‏​‏​هٍْـٌَِْـٌَِْعٌِ • • ‏​‏​هٍْـٌَِْـٌَِْعٌِ •