الحمدلله ربي بلغني وصرت ماما(قصة ولادتي) بنات تجمعي اغسطس تعااالو

[emeee]

مرحبا بنات
الحمدلله ربي بلغني و اليوم قاعدة اكتب قصه ولادتي
الي الان ماني مصدقه اني قاعدة اكتب قصه ولادتي بعد ما كنت اقري قصص البنات
ولدت الحمدلله يوم الاثنين تاريخ 4-8-2014و الموعد الي حطتلي هوا الدكتوره 22-8-2014
يعني قبل الموعد ب 15يوم وانا بكرية
سبحان الله كنت حاسه اني ما راح اخذ شهري كله و اخلص الاسبوع الاربعين و انا ما ولدت و حطيت هذا الشي في بالي و الحمدلله ولدت في الاسبوع ال37
نبدا في القصه بسم الله
انا جيت عند اهلي طبعا من اول التاسع تقريبا قبل ولادتي ب ليله كلمت زوجي نروح السوبر ماركت اكمل باقي المقاضي و مقاضي الصيدليه فعلا جا و رحت اشتريت الاغراض و مشيت كويس في السوبر ماركت بعدين رجعت البيت و نام معاي زوجي و حصل جماع ثاني يوم قمت من 10 انا و زوجي عشان كان عندي تحاليل رحت و سحبت مني عينة الدم و رجعت البيت سويت فطور ليا انا و زوجي
بعدين راح زوجي و قلت خليني انام خاصه انو قبلها ما نمت كويس و صحيت من بدري عشان المستشفي نمت علي 12 الظهر بعدين صحيت علي 4 علي مغص بسيط في بطني بس النعاس كان اقوي و كان كل شويه يجيني بس صراحه ما حسبت كل كم لاني كنت نعسانة و اتوقعته مغص عادي و بعدين علي 5خلاص قلت اقوم اصلي شكله الالم ما راح يريحني و كان منتظم تقرييبا كل ربع ساعه فعلا قمت الحمام الا شفت موية و فيها دم جدا خفيف اول ما شفته انبسطت و ابتسمت
قلت الحمدلله جاني الفرج اتوضيت و صليت و رحت ل ماما قلتلها عند مغص منتظم شكلو طلق و في دم شوية نزل مني
قالت خلاص نستنه شوية الين بعد المغرب لو زاد نروح المستشفي قلتلها طيب و ماما كانت صايمة قعدت اساعدها و احاول امشي في البيت غليت كاسه حليب و حطيت ملعقة عسل و شريحة زبدة و شربتها علي المغرب ماما قالت نروح قلتلها لا اقدر اتحمل الالم خليني شوية فعلا قعدت اقري ايات تسهيل الولادة و الالم كل ماله يزيد و يقرب من بعضه صار كل 5 دقايق يمكن قلت لماما خلاص زاد الالم كلمت زوجي اول ما رد عليا قالي ب مزحه ها ولادة قلتلو ايوا شكلي راح اولاد خلاص قال من جد قلتلو ايوا معيا طلق من العصر قال خلاص انا جاي ماما غلت لي اعشاب يانسون و شمر و نعنانع قلت اخذها معيا المستشفي و قعدت تقري لي ايات تسهيل الولاده في موية زمزم الله يعطيها العافيه وانا دخلت اخذ دش دافي قلت ممكن يخفف علي الام فعلا حسيت ب راحه بعدة و ركزت الموية علي ظهري و بطني جا زوجي و رحت معاه و لحقوني ماما و بابا رحت المستشفي كانت الساعه 9 علي قسم الطواريئ ماا كان في طبيبه نسا قالولي علي الكشك علي طول في دكتور فعلا اخذوني كنت احس ب الالم و قت الطلقه بعدين عادي طلعت حطوني علي السرير جا الدكتور سالني من مته حسه ب الام قلتله من العصر و حطو جهاز التخطيط قال ف طلق واضح و قوي بس البيبي حركته ضعيفه شكله نايم سالني مته اخر مرة اكلتي قلتله من الظهر سبحان الله من بدا الم الطلق ما عاد اشتهيت اكل شي راح الدكتور و رجع لي بعد ساعه قال راح افحصك و نادي ماما تدخل معيا كنت شايله هم و متخوفه من الفحص الداخلي و منحرجه انه دكتور كمان بدا يفحص و يقولي لا تشدي نفسك ارخي حاولت اهدي و ارخي قال فاتح 4 و نص بس انه البيبي لسه نايم و هادي قلتله بحاول امشي شوي يمكن تصحي قل طيب الفحص صراحة مولم بس مو مررررة لا لما رخيت نفسي ما حسيت بالالم
فعلا قعدت امشي و جابت لي الممرضه عصير شربته و رجعت قال اتحركت احسن من اول بس برضو حركتها ضعيفه بعدين نبضها ضعف شويه قلق شويه و قال هادا مؤشر مو كويس انه ضعف نبضها يمكن اسوي لك عمليه لو رجع نبضها اتاثر قعدت ادعي انو ربي يسهل لي و شربت الاعشاب رجعت استفرغتها من قوة الالم و المغص كنت كل ما تجيني الطلقه احاول اسوي طريقه التنفس (شمي وردة طفي شمعه) كانت تخفف عني الالم بعد الله الحمدلله و كانو حاطين لي اكسجين بس ما كنت استخدمة كتير لاني احس اقدر اتنفس كويس بدونو
كنت كل ما تجيني الطلقه احاول اذكر الله ماما كانت كل شوية تجي تطمن عليا ما كانو راضين يخلوها معيا طول الوقت
جا الدكتور فحصني قال فتح 7 و نص راح اخذك غرفه الولادة و افتح الموية ممكن تنشط شويه قال عاده الاطفال ينامو ساعه و يصحو بس انتي من يوم ما جيتي و هيا نايمة و هادئة غريبه قلتلو اوكي سلمت عليا ماما و دعت لي اخذوني غرفة الولادة و كانت باردة و الدكتور فتح الموية شفت وجه الممرضه اتغير قلت له ايش فيه قال اتبرزت في بطنك و التبرز من الدرجه الثالثة عشان كدا كانت مجهدة و حركتها ضعيفه من اول قال راح افحصك لما تجيكي طبقه و اشوف لو هيا قريبة من عنق الرحم ولا لا قلتلو طيب فعلا لما جات طلقه فحصني قال لسه بعيدة قال شكلي راح اتضر اسوي لك عمليه عشان 3 اسباب
1-لانو البيبي مجهد
2-و متبرز في بطنك و حركتها ضعيفه
3-و بعيدة عن عنق الرحم ما راح تساعدني ولا راح تدفع
اخاف اخاطر و احاول بس اتعبها و ما تساعدني
قلتلو دكتور انا بكرية و نفسي اولد طبيعي قال انا كمان نفسي بس انا ابغي سلامتك انتي و البيبي و هذا احسن لكم
سبحان الله ربي ريحني و اتطمنت ل كلام الدكتور و ارتحت له مرررة
جاتني ماما وانا في غرفة الولادة بعد ما قالها الدكتور اني عملية تقول لا تخافي و انشالله خير قلتلها لا ماني خايفة ربي يسهلها جاني طبيب التخدير و سالني الاسئله المعتادة و قالي ايش تبغي بنج نصفي او كلي و قال انا انصحك بالنصفي وانا كان عندي معلومات عن النصفي من اول و حابته عاد قلتله ابغي النصفي اخذوني ل غرفة العمليات سلمت علي ماما و قعدت تدعيلي دخلت غرفه العمليات الساعه 2 طبعا كان يجيني الالم الطلق و يشد عليا و ابغي ابرة الظهر ب اسرع وقت عشان يخف الالم الي قاعد يجيني بعدين طبيب التخدير اعطاني مخدة و قالي احضنهاو انا جالسه علي سرير العمليه و احني نفسي ل قدام و حطلي مسحه و مخدر موضعي و لما جا يحط الابرة قالي لا تتحركي و حطها ما حسيت الا ب شكة بسيطه جدا لا تقارن ب الام الطلق و رجعت اتمددت علي السرير جات دكتورة استشاريه هيا الي كانت تتابع حالتي من اول ب الاضافه ل الاخاصائي الدكتور الي كان معيا من اول كانو هما الاثنين ب يسو لي العملية طبيب التخدير قالي راح تتخدري من بطنك الين تحت فعلا بدات تتخدر المنطقه بعد 3دقايق يمكن و كان طبيب التخدير مرررة مريح و طيب و يقولي ايش ب يصير حاولي و ايش ب تسوي لدكتوره و لما فتحت بطني و لما طلعو بنتي حسيت انهم ب يسحبوها بعدها سمعت صوتها تبكي انبسطت مرررة و صارت عيني عليها ما كانت اشوف كويس بس شفت طبيب الاطفال و الممرضه ينظفوها وعيني عليهم ابغي المحها شفت رجوالها اول شي:)
بعدين قلت ل طبيب التخدير ابغي اشوفها قالي ينظفوها و راح يجيبوها لكي و في هادا الوقت كانت الدكتوره قاعدة تنظفني و تسولف معاي عن خياطاتهم وانها ما راح تترك اثر
بعدين جابو لي بنتي و خلوني ابوسها مررره انبسطت لما شفتها
يعدين خلصت الدكتورة و حطوني في سرير تاني و ودوني ل الانعاش عشان يتاكدو انو البنج فك و رجعت احرك رجلي و بعدين ودوني علي القسم اول ما طلعت من الانعاش لقيت ماما و زوجي يستنوني ابتسمت لهم سلمو عليا و باسوني و قالو لي جبتي بنت زي القمر الحمدلله
بعد ما ولدت سالت الدكتور عن سبب تبرز بنتي قال انو هادا قصور في عمل المشيمة و مالو سبب معين
انا كمان كان ليا اسبوعين ما راجعت المستشفي عشان كان ايام عيد و كان موعدي سبحان الله بعد ولادتي ب يومين و كنت اقول ل زوجي اذا رحت موعدي بقول ل الدكتور خلاص تعبت ابغي اولد
وربي اراد و ولدت قبل موعدي حته يمكن لو كان عندي موعد و اكتشفو قصور عمل المشيمة كان اعطوني طلق و ولدوني بس الحمدلله
و كمان انا صراحه ما بدات امشي كتير بحكم انه كان باقي لي تقريبا 15 يوم علي ولادتي و كنت مخططه ابدا امشي نفس يوم ولادتي بس جات الولادة
يمكن هاذا الشي الي خلا بنتي بعيدة عن عنق الرحم و الله اعلم

انا ولدت في مستشفي الامير سلطان ل لقوات المسلحه في المدينة المنورة
المستشفي رائعه و الخدمة جيده من ناحية الدكاترة و الممرضات

نصايحي ل البنات و خصوصا البكريات
لا تسمعو ل الناس الي تخوفك صراحه انا اتوقعت الالم الولادة و الطلق اكتر من كذا ب كثير بس الحمدلله طلع الالم محتمل و مو زي ما يصورة الناس حته ما يستاهل الصريخ لما كان يجيني الطلق قاعده افكر اقول ليش الحريم يصرخو الالم ما يستاهل اني اصرخ
طريقه التنفس ساعدتني كتير كانت تخفف شويه من الالم (شمي وردة و طفي شمعة)
لما قرر لي لدكتور عمليه اتخوفت شويه بس كنت حاسه ب طمئنينة و راحة كبيرة انه الي ربي كاتبه ليا خير اكيد
حسيت ب راحة عجيبة حته في غرفه العمليات كنت هادئة و مرتاحه جدا الحمدلله
و في الاخير الحمدلله كثير انو بلغني هاد اليوم و صرت ماما
وربي يرزق كل بنت ولا يحرم احد من نعمه الامومة احساس جميل ما يتوصف
اسفة علي الاطاله
و اتمني تكونو استمتعتو ب قصه ولادتي
وانا مستعدة اجاوب علي اي سؤال او استفسار
بنتي اليوم كملت شهر الحمدلله
بنات تجمعي حبيباتي تجمع الي راح يولدو(اغسطس- شوال) الحمدلله علي سلامتكم جميعا و ياليت تكتبو قصص ولادتكم لو ب اختصار
اشتقت لكم كلكم