لاستشاراتكم فيما يتعلق بالتمريخ " الجزء الثاني"

ريح المسك · 09-20-2011, 08:33 AM

يسعدك ربي دنيا وآخره
الحين بعدما تمرخت بعد الاجهاض الحمدلله احس اني طيبه وبعدما حسيت العافيه ودي أنظف واطبخ واغسل بيتي بنفسي بس ما ابغى اتسرع وابدأ في الشغل أخاف تنتكس حالتي
متى تنصحيني أرجع لحياتي الطبيعيه وللجماع بعد الاجهاض؟
هل صحيح أجلس اربعين يوم ما أجهد نفسي >> زوجي مل مني يقول مافيك الا العافيه
وأنا ما ابغى اتهور اهم شي صحتي وعافيتي
ومتى الوقت المناسب للحمل مرة ثانيه؟
وشكــــــــــرا لـكـ لرحــــــــــابة صــــــــدركـ

دلع الأحساء · 09-20-2011, 10:59 AM

طيب يا اختي بسألك انا الحين مش ناوية احمل الا السنة القادمه لاني الحين جالسة اشوف اسباب الإجهاض بالتحاليل والفحوصات الطبيه ولان بعد ادرس وناوية اذا احمل احمل بإجازه والحين تو بداية الدراسة يعني ع السنة القادمة انشاء الله بإذن الله
1)عادي أأجل روحتي للمراخة ؟؟ ولا يأثر التأخير؟
2) عندي بسرعه انحصر يعني اشرب موية هنا اروح الحمام الله يكرمك بعد ربع ساعه عادي ولا لا؟

اللؤلؤة اللامعة · 09-20-2011, 03:02 PM

سبحـــــــــــــــــان الله

خبيرة تمريخ · 09-21-2011, 02:24 AM

اقتباس:

المشاركة الأصلية كتبت بواسطة ريح المسك

يسعدك ربي دنيا وآخره
الحين بعدما تمرخت بعد الاجهاض الحمدلله احس اني طيبه وبعدما حسيت العافيه ودي أنظف واطبخ واغسل بيتي بنفسي بس ما ابغى اتسرع وابدأ في الشغل أخاف تنتكس حالتي
متى تنصحيني أرجع لحياتي الطبيعيه وللجماع بعد الاجهاض؟
هل صحيح أجلس اربعين يوم ما أجهد نفسي >> زوجي مل مني يقول مافيك الا العافيه
وأنا ما ابغى اتهور اهم شي صحتي وعافيتي
ومتى الوقت المناسب للحمل مرة ثانيه؟
وشكــــــــــرا لـكـ لرحــــــــــابة صــــــــدركـ

عزيزتي مفروض يعدي عليك شهر لكن قبله لو حصل توقف نزيف
واصبحت حالتك سليمة وتشعرين ان مشاكل الرحم زالت فلا بأس
لكن هناك محاذير لا نتجاوزها كأن يكون هناك حذر من الافراط وان يكون
الجماع بهدوء وكذلك اعمال البيت تكون بدون اجهاد وحركة كثيرة
او قوية مع الأخذ بالحسبان ان أي متغيرات تكون للاسوأ يتوقف
معها كل هذا وبالنسبة للحمل يكون على حسب تحسن حالتك ومدى
تهيؤك النفسي له .

نصيحتي لك تهتمي باستخدام الماء الدافىء للشطف وللظهر والبطن
وتعملي دش مهبلي من قشر الرمان ملعقة صغيرة في لتر ماء ساخن
يستخدم عند قضاء الحاجة اعزك الله

خبيرة تمريخ · 09-21-2011, 02:36 AM

اقتباس:

المشاركة الأصلية كتبت بواسطة دلع الأحساء

طيب يا اختي بسألك انا الحين مش ناوية احمل الا السنة القادمه لاني الحين جالسة اشوف اسباب الإجهاض بالتحاليل والفحوصات الطبيه ولان بعد ادرس وناوية اذا احمل احمل بإجازه والحين تو بداية الدراسة يعني ع السنة القادمة انشاء الله بإذن الله
1)عادي أأجل روحتي للمراخة ؟؟ ولا يأثر التأخير؟

روحي امترخي والحمل ممكن تنظميه وتستخدمي له موانع

2) عندي بسرعه انحصر يعني اشرب موية هنا اروح الحمام الله يكرمك بعد ربع ساعه عادي ولا لا؟

بعض المشاكل يكون الرحم ضاغط على المثاانة في الميل الخلفي
على كل حال افضل لك ترجعي للمرخة الي بديتي معاها وياليت
قبل تمرخك تتكلمي معاها عن حالتك وتشرحي لها كل الي تعاانية
دفعة وحده وباختصار عشان تفهم حالتك بشكل صحيح ولا تنسي شي
وبعد ما تمرخك تقولي نسيت ما اعطيها معلومه لان مهم تشرحي الحاله
لها وهي تشوفك تتاكد بالكشف وتقدر تشخص حالتك لان واضح انك
من خلال كلامك انك ما اخدتي كفايتك وتحتاجي لجلسات اطول تتلافي
فيها مشاكلك وممكن عدم فهم الممرخة وعدم طرح مشكلتك بالكامل مره واحده
يخلي المشكلة تستدعي فيها الحاله لتكرار الجلسات لعدم حصول الفائده الكاملة

تمنياتي لك بالسلامة

خبيرة تمريخ · 09-21-2011, 02:37 AM

اقتباس:

المشاركة الأصلية كتبت بواسطة اللؤلؤة اللامعة

سبحـــــــــــــــــان الله

جزاك الله خير

دلع الأحساء · 09-21-2011, 01:55 PM

اقتباس:

روحي امترخي والحمل ممكن تنظميه وتستخدمي له موانع

انا بروح اتمرخ بس ماقدر الحين صاير المراخه مو نفس ديرتي ولزم لجيت اروح لها وقت اجازه
والحين انا ادرس ولا اقدر اغيب عن الجامعة
1)فا عادي لو ماتمرخ الحين اتمرخ في الاجازه ؟ ولا التأخير يسبب مضاعفات ؟؟

ريح المسك · 09-21-2011, 02:35 PM

اقتباس:

المشاركة الأصلية كتبت بواسطة خبيرة تمريخ

نصيحتي لك تهتمي باستخدام الماء الدافىء للشطف وللظهر والبطن
وتعملي دش مهبلي من قشر الرمان ملعقة صغيرة في لتر ماء ساخن
يستخدم عند قضاء الحاجة اعزك الله

عزيزتي وش هي فايدة الشطف بالماء الدافي؟
ومعليش يعني كيف دش مهبلي ؟ >> ..... أحسه احراج بس والله ما اعرف يعني ايش ؟ يعني اغسل من برى من الخارج

وبعدين اليوم احس أسفل ظهري يعورني ومغص خفيف ببطني وفيه زي المويه بتخرج مني , ايش هذي المويه وليش تنزل ؟
الحين خلص النزيف مني الحمدلله وجاتني مشكله المويه مع اني محرصه على نفسي وما عملت جهد
وش رايك يا عزيزتي خبيرة تمريخ اتبخر بقشر الرمان وقشر بصل وثوم وكمون ثلاث ايام
مع العلم اني تمرخت يومين بعد الاجهاض وصار لي ظرف وما رحت اليوم الثالث
اي صح نسيت أقول الحين صار يخرج مني هواء من الرحم لما اتمرخت يومين الحمدلله راح مني والحين رجع لي وحتى ألم رجولي رجع لي
هل ارجع اتمرخ الحين والا استنى الدورة ألين تجي؟
وعادي لو اتمرخت يومين ورى بعض واترك يوم وارجع اكمل اليوم الثالث؟
ولك مني ألف تحيه

براري · 09-22-2011, 06:37 AM

الله يعطيك العافيه
بسالك عن الرحم المرفوع بسبب القيصريه ايش الحل من 3 سنوات خلفت ونفسي اتعالج الحين للحمل بعون الله
وكيف اعرف ان الانابيب سالكا ماهي مسدوده
ومشكورا

خبيرة تمريخ · 09-22-2011, 06:55 AM

اقتباس:

المشاركة الأصلية كتبت بواسطة دلع الأحساء

انا بروح اتمرخ بس ماقدر الحين صاير المراخه مو نفس ديرتي ولزم لجيت اروح لها وقت اجازه
والحين انا ادرس ولا اقدر اغيب عن الجامعة
1)فا عادي لو ماتمرخ الحين اتمرخ في الاجازه ؟ ولا التأخير يسبب مضاعفات ؟؟

اذا على الالم البسيط انتي متحملاه
واذا على الحمل انتي ما تبغيه الان
وطالما وضعك ما يسمح الان ومافي حل
يبقى اقبلي بالامر الواقع وربي يعين
ولما تجي اقرب اجازه لاتتاخري اكثر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
\|\|\|\|""" للمحرومات من الحمل هذه قصص واقعيه انتبهي من هذه الأدعيه """\|\|\|\|	حوريه السعوديه	المنتدى الاسلامي العام	89	01-02-2014 03:02 AM
"""""""""""ملف كااااااامل عن الرضاعه بالصور""""""""""""	حنين الجنة	منتدى الرضاعة الطبيعية والصناعية	78	03-05-2013 10:45 AM
لاستشاراتكم فيما يتعلق بالتمريخ	خبيرة تمريخ	منتدى أمراض الرحم	101	09-20-2011 02:14 AM
الجنين قاعد ايش السواااة"""""""""	سفانه	إستفسارات حوامل من الشهر السابع إلى الشهر التاسع	3	08-04-2011 03:50 PM
""""""""""""حسن الظن بالله """"""""""""	حنين الجنة	المنتدى الاسلامي العام	12	06-12-2011 09:05 PM