تجمع حوامل اهل الاردن الطيب

[سوسهs]

مساء الخير يالغاليات والله يسهل عليكم اموركم يارب

شاركينا بهل الزاويه الله يسعدك يارب

http://forum.hwaml.com/t82924.html




تقبلي مروري سوسه

[كفى بالله وكيلا]

انا من الاردن الغالي اهلا وسهلا انا شاركت بالمنتدى جديد وبدي المساعدة من اصحاب الخبرة في الحمل فش حدا يساعدني ماما الله يرحمها وما عنديش خوات

[بنت جبل الصنديان]

يا هلا وغلا بالجميع واهلا وسهلا فيكم
بنات كيفكم اشتقتلكم
صارلي كم يومما شفتكم
شو اخباركم
شرين طمنينا عنك الله يقومك بالسلامه
تخيل اعطيتك وجه شو اخبارك
طمنيني عنك رحتي عالدكتوره ولا لساتك
الله يتمملك على خير ويثبت حملك
كفى بالله وكيلا حياك الله وان شالله تستفيدي من خبرة الصبايا انا بكريه وان شالله اقدر اساعدك
الله يتمم حملك على خير
ام كوكي يا هلا وغلا وميه مرحبا شرفتينا
الله يقومك بالسلامه ويسهل ولادتك لا تنسي سوره البقره تقرأها لحين موعد ولادتك مفعولها عجيب رح تسهل عليكي ولادتك ان شاء الله

[بنت جبل الصنديان]

بنات كيف جو الاردن
والله اشتقت لبرد الاردن والمطر وخصوصا عجلووووون
يا رب ثبت حملي يا رب وتمملي على خير

[بنت جبل الصنديان]

دعاء لتوسيع الرزق انصحكن تدن فيه
اللهم ارضني بما رضيت لي وعافني فيما ابقيت حتي لا احب
تعجيل ما اخرت ولا تاخير ما عجلت

[ام كوتي]

بنت جبل الصنديان شكرا حبيبتي على هالنصيحة وانشالله غير اقرا سورة البقرة و الله يسهل عالجميع الولادة

الجو بالاردن كتير برد هاليومين بتخيل بعجلون صقيع لانها مرتفعة بس انا بحب هاي الاجواء

الاخت كفى بالله وكيلا انا حاضرة لاي استفسار و اي مساعده بدك اياها بما اني صرت صاحبة خبرة انا كمان ما عندي اخوات ولا اخوانبس عادي عايشه الحياة بالطول و بالعرض شو بدي اسوي

[shireen]

مرحبا بالكروشات كيفكم ياحلوين

طمنوني عنكم

يسلمو كتير بنت جبل الصنديان على السؤال انا الحمدلله تمام صايبتني حاله اكتئاب بسبب التئل بس الله بعين ان شا الله والله يهونها علينا جميعا

[shireen]

وينكم ياحلواااات

[ام كوتي]

شو ما حدا هون له له له يا بنات

[بنت جبل الصنديان]

مرحبا يا صبايا كيفكم
اشتقتلكم صارلي كم يوم ما دخلت
شيرين كيفك طمنينا عن حملك
ام كوتي منوره انا موجوده
كيفك شوعامله بهالبرد

ابشركم اليوم كان عندي موعد بالمستشفى واتطمنت عالجنين
لانه قبل كم يوم نزلت علي افرازات بنيه ومتت خوف
واليوم الدكتوره طمنتني اثاريها من ابرالكلكسان اللي باخدها
يا رب تمم لي حملي واشوفه على حضني قريب
ما تتوقعو يا صبايا شو احساسي بعد 9 سنين زواج الحمد لله الله اكرمني انا وابوه يالله شو مبسوط اليوم لما شاف ابنه عالسونار حسيته رح يبكي
بحكيلي شوفيه نايم على ظهره وحاطط رجل على رجل ههههههههههه
عاد هو لسا ما اله اطراف لسه بس براعم نابته
ممممم حاسه فيني ولد ما بعرف ليش ماما بتحكلي انه صبي لانه توحمت عالموالح والحامض وكرهت الحلو معقول هالكلام صحيح
وقبل فتره حلمت انه شعر راس جوزي كله شيب ولما فسرته طلع انه رح ييجيني صبي
ولد بت اللي من الله يا محلاه
اهم شي ييجي معافى
معليش قرقرت كتير يله تحملوني لوحدي بالبيت وحضره جنابه جوزي طلع عالسهره مع اصحابه وخلاني
احبكم في الله عفكره انا من عجلون
اه صح الاخت تخيل اعطيك وجه مبطله اشوفها هون
ان شاء الله تكون بخير وتيجي تطمنا عنها وعن جنينها
شيري ان شاء الله ما تشوفي شر يا عمري
تصبحو على خير نعست صحيانه اليوم بدري عال8 هههههه
اتوقع ما بصير بالتاسع الا انا قد البرميل هههه