دردشة حوامل مصر - دردشة بنات مصر - تجمع حوامل مصر

[دودى اشرف]

الله يطمنك يا نولارا ... ربنا يسهل ونرجع تانى بعد الولادة يااااااااارب

[حكآية عطر]

مساء الخيررر..انا جالسه اشيك عالتجمعات واتصفح اخر صفحه بس عشان التجمعات كثيرر ..
وش اخباركم جميعا؟.. الله يتمم لي ولكم على خير

المشاركة الأصلية كتبت بواسطة somia

حد مشافش الجنين في الاسبوع الخامس زيي كده وبعدين شافه وسمع النبض وعدى الحمل على خير؟؟؟ اللي حصله كده يطمني الله يطمنكم

حبيبتي سميه انا رديت مخصوص عشانك ..
لاتخافين حبيبتي انا مرتين حملت وكلهم مايبين الجنين غير بالاسبوع التاسع فلاتخافي ,,ولاقدر الله ومابان او نزل الكيس فلايضيق خاطرك الواحد مايدري الخير وين مكتوب فيه ..
بس ان شاء الله ربي يتمم حملك وتشوفيه بين ايديك بصحه وعافيه ..
والرسول يقول مايرد القضاء الا الدعاء..

[somia]

حكاية عطر..
الله يطمن قلبك زي ما طمنتيني..
جزاك الله خيرا على مرورك الكريم

[حكآية عطر]

http://forum.hwaml.com/t30708.html#post400060

[dr.princess]

صباح الخييييير يا بناااااات
ساعدونى والله قلقانة تقريبا مش بأكل أى حاجة أفضل بالساعات كده لغاية ما بطنى توجعنى من الجوع بس أعمل ايه بتبقى معدتى مقلوبة جدا ومش بقدر أكل وأوقات مش بيجيلى نفس أصلا
وماما وجوزى مبهدلنى وبيخوفونى ان يحصل مشكله للجنين أو انه يطلع ضعيف خصوصا انى برده بالعافيه لما بشرب لبن فبقيت بجيبه بالفواكه وبرده مش بشرب كتير زى الحوامل
اللى عندها أى نصيحة ياريت تفيدنى

[dr.princess]

دودى
انا تقريبا اتلخبطت وفكرتك فى التاسع
فقلت انك تلحقى تأخدى كورس العلاج ويبقى كله تمام كده قبل ما تولدى بس هو ده السبب

[MALAK2010]

صباح الخير يا بنات
وحشتوووووووووووونى
حبيت اطمنكم ان الحمد لله انا سالت دكتورين عن الحالة بتاعتى
والحمد لله طمنونى ان الحكاية دى عادى وان الدكتورة غلطانة الله يسامحها عايشتنى يومين ربنا اعلم بيا والاتنين قالوا نفس الكلام
يلا الحمد للة
حبيت اطمنكم لانى قلقتكم اووووووووووى وربنا يكملنا على خير ياااااااااارب

[somia]

برنسس انا عاملة زيك بالضبط والحل الوحيد اللي بعمله اني بلحق نفسي اول ما تجيبني نفسي على حاجة اروح واكلاها علطول هوه صحيح بطني بتفضل مقلوبة طول اليوم والدكتورة قالتلي ده طبيعي لان الحمل بياخر هضم الاكل كثير جدا عن الطبيعي بس بحاول اقل فيه وفي نفس الوقت اكل لغاية ما احس اني ابتديت اشبع وهما وجبتين فاليوم يعني رغيفين او اقل طول اليوم
اما بالنسبة للحليب فانا مشفتش حامل بتشرب حليب كثير مع انه مفيد جدا وفعلا بيأثر على الجنين يعني مثلا انا قدامي مثلين مثل مرات خالي مكنتش بتشرب حلب في الحمل الا قليل وبالتالي مع كل حمل درس من اسنانها بيقع لان الاستاذ النونو بياخد الكالسيوم حتى لو مفيش فائض عندك والمثل التاني صاحبة ماما مش عارفة كانت عيانة باية في الحمل فكان علاجها الوحيد شرب كميات مهولة من الحليب تقدري تقولي كانت بتشرب من اللبانة علطول بكذا كيلو فاليوم فبنتها ماشاء الله اتولدت طالعلها سنتين.. ربنا يعينا ويهدينا ويجيب نفسنا عليه من عنده..ااااااااامين يا رب..
برنسس صحيح كنت عايزة أسألك بالنسبة للامساك الحل فيه ايه انا بقالي حوالي 3أيام عذرا مدخلتش حمام ومش عارفة أعمل ايه؟؟

[dr.princess]

malak2010
صباح الفل
الحمد لله انك اتطمنتى وطمنتينا
الله يسامحها الدكتورة دى والله كان على بالى امبارح اقولك شوفى دكتورة تانية بس قلت فى نفسى بلاش تتحركى كتير
على العموم كمان أسبوعين روحى اتطمنى عند دكتورة من اللى قلتى انك سألتيهم
وربنا يكمل حملك على خير ياااااااااارب

[MALAK2010]

لا الدكتورين دول من مصر اروح مصر ازااااااااااااااااااااااى
بس صحيح اطمنت الحمد لله بس برضة فى شوية قلق صغير بس الحمد لله على كل شئ
هروح ان شاء الله كمان عشر ايام هجرب دكتورة تانية علشان نبض الجنين ربنا يستر وماتطلعش حكاية تانية
احلى حاجة فى مصر انتى عارفة مين الدكتور الكويس ومين لاء
والدكتورين يقولوا لية عطيت مثبت طالما مفيش دم ولا حاجة وانا هضطر اكمل المثبت لغاية ما اروح بعد عشر ايام لانى خايفة اوقفة